Ez 30:14 - Chuj San Sebastian Bible

¹⁴ 'Oj sat 'ejm eb' chon̈b' 'ay 'a stojlal sur yic Egipto cha. 'Oj wa'ch sc'a'l chon̈b' Zoán, ax wa'n 'och yailal 'a yib'n̈ chon̈b' Tebas.

Chuj San Mateo Bible

¹⁴ Ol in satel chon̈ab' Patros, ol vac'anoch sc'ac'al chon̈ab' Zoán, ol vac'anoch yaelal d'a yib'an̈ chon̈ab' Tebas.

Ez 30:14 Referans Kwoze

Ez 29:14

A eb' 'aj Egipto 'icha presoal yajcn 'at cha, 'oj wi'x meltzjoc eb' 'a stojlal sur yic Egipto 'a slum 'aj 'aljnac smam yichm eb'. Ata 'oj ya'ch sb'a eb' chon̈b'al, palta may wal ste'nal jun chon̈b' cha.

Jeremías 46:25

A Jehová tztac' yuj smasnil, atn sDiosal Israel, a tzaln 'ixtic: 'Oj in satl Amón, atn sdiosal eb' 'aj Tebas. 'Oj in satl pax Egipto yet' sdiosal, yet' sreyal yet' eb' tz'a'n 'och win rey chi yipc sc'ojol.

Salmos 78:43

A wal 'a jun tiempoal cha, a 'a Soan 'a yol yic Egipto, ata 'ix sb'o Dios jun tzo'n̈ tas niwn yel'chi, caw satjub'tac yilx 'a yib'n̈ eb' 'aj Egipto cha.

Salmos 78:12

A Dios 'ix sb'o tas satjub'tac yilx 'a yojltac eb' qui mam quichmec, atn 'a Soán 'a yol yic Egipto.

Nahúm 3:8

Ex 'aj Nínive, ¿tom yel xo caw wach'x 'a yib'n̈ eb' 'aj Tebas, atn jun chon̈b' 'ayc' 'a sti a Nilo, caw niwn eb' a a 'oyn 'och 'a 'a? 'Icha to a eb' a 'aych scolnb'iloc, 'icha smuroal yajch eb' a'.

Is 19:11

Yel xo wal may snab'en eb' yajl yaj 'a chon̈b' Zoán, ax eb' 'a'm nab'en yaj 'a win faraón 'a Egipto, jun 'eln̈ej may jac yel'ch snab'en eb' cha. Cob' ste'wtzej sb'a eb' yaln 'ixtc 'a win faraón cha: An̈ tic on̈ yin̈tl on̈ can eb' jeln on̈, atn eb' ya'jnac reyl 'a yic pecti cha, xchi cob' eb'.

Nm 13:22

'Ix 'ec' eb' 'a lum Neguev, masnto xc'och eb' 'a Hebrón. Ata cajn Ahimán, Sesai yet' Talmai. A eb' tic, yin̈tl can win Anac eb'. A chon̈b' Hebrón cha, yucl xo ab'il sb'o'i, yic 'ix b'o chon̈b' Zoán 'a Egipto.

Is 30:4

Wach'xam 'ayx 'at schecb' eb' 'a chon̈b' Zoán, yet' 'a chon̈b' Hanes,

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 19:13

A eb' yajl yaj 'a chon̈b' Zoán, caw may snab'en eb'. A eb' yajl yaj 'a chon̈b' Menfis, 'ix schaj 'ixtxoc paxti sb'a eb'. A jun tzo'n̈ eb' yajl chi tzjucb'tzan jun tzo'n̈ xo eb' 'aj Egipto 'a tas man̈ tojloc.

Jeremías 44:1

A jun tzo'n̈ spaxti Dios in chajnac an Jeremías in tic yic tzalx 'a eb' 'aj Judá cajn 'ec' 'a stojlal norte 'a yol smacb'en Egipto, atn 'a chon̈b' Migdol, 'a Tafnes, 'a Menfis, yet' 'a stojlal sur.

Jeremías 44:15

Yuj cha, smasnil eb' winc to yojtac chajtlto a eb' 'ix yistzil ewin tz'a'n incienso xajmb'al-l 'a jun tzo'n̈ chuc diosal, yet' smasnil eb' 'ix 'ix 'ayc' ta', caw wal niwn sb'isl eb', yet' pax smasnil eb' 'aj Judá cajn 'ec' 'a Egipto, yet' 'a Patros, 'ix ta'w eb' 'ayn 'ixtic:

Ez 29:19

Yuj cha, an Jehová in, an tzwal 'ixtic: An 'oj wac' lum Egipto 'a yol sc'ab' win Nabucodonosor cha, a win 'oj 'i'noc 'ec' smasnil tas 'ay ta', ax stojn win eb' soldado yet' jun tzo'n̈ cha.

Ez 30:8

A yic 'oj wa'n 'och sc'a'l jun chon̈b' cha, ax slajw can pax 'ejm smasnil eb' 'anma tzcoln jun nacion̈ cha. 'Ixta to b'i'an, ax yojcan 'el eb' to an ton Jehová in, to cojn in ton Dios in.

Ez 30:15

Ax wa'n cot yowl in c'ojl 'a yib'n̈ chon̈b' Sin, atn jun 'aych yipc Egipto, ax in satn 'el eb' 'anma 'a chon̈b' Tebas cha.

Ez 30:16

'Oj wa'ch sc'a'l Egipto, ax eb' 'anma 'a Sin, caw 'oj yab' eb' syail. 'Oj wac' olchjoc smuroal chon̈b' Tebas, ax yochcn yailal 'a yib'n̈ chon̈b' Menfis.

Ez 30:19

'Oj wa'ch wal yailal 'a yib'n̈ eb' 'aj Egipto, 'ixta to b'i'an ax yojcan 'el eb', to an Jehová in, to cojn in ton Dios in, xchi Dios.