Ez 3:8 - Chuj San Sebastian Bible

⁸ An xo tic, an 'oj wac' a te'nal 'a yojltac eb', ax wa'n tzatzb'oc a nab'en yil eb'.

Chuj San Mateo Bible

⁸ Palta a in ol vac' a tec'anil d'a yichan̈ eb', yic ol a tec'b'an a b'a alan juntzan̈ lolonel tic d'a eb'.

Ez 3:8 Referans Kwoze

Jeremías 1:18

A ticnec, tzach wa'cn 'och 'icha wal junc chon̈b' caw 'ay yip, 'icha wal junc 'oy nab'a hierro, 'icha wal junc muro nab'a bronce, sec 'oj stac' a te'wtzan a b'a 'a yojltac nacion̈ Judá, 'a yojltac eb' rey, 'a eb' yajal, 'a eb' ya'mal 'och sti eb' 'anma 'ayin, yet' 'a sat smasnil eb' 'anma'.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.

Miqueas 3:8

An xo pax an tic, 'aych Yespíritu Jehová 'ayin, a tz'a'n wip, tzya'n wojcoc 'aj 'ay tojlal. Yuj wal cha, caw tzin te'wtzej in b'a waln 'och jantc smul eb' wit israelal 'a sat.

Jeremías 15:20

Lajn wal 'oj ach wutc can 'a jun chon̈b' tic 'icha junc muro nab'a bronce, caw 'ajltac slan̈chj 'ejmi. 'Oj yac' eb' owl et'oc, palta an Jehová in, an tzwala to ma'oj ejm yuj eb', yujto 'ayn 'och et'oc, an 'oj ach in colo'.

Is 50:7

A Jehová Wajlil, a tzcolwj wet'oc, yuj cha, matz in chab'c'ojlej in b'a yuj tas tzin 'aj cha. Caw te'n waj 'icha junc niwquil q'ue'en, wojc wal si'mb'il to ma'oj 'el in q'uixwel.

A Ch'an̈ B'ab'el Libro Yic Yab'ixal Eb' Rey 21:20

'Ix yaln win Acab 'ixtc 'a Elías cha: —Ach 'ajc'ojol, a ticnec in 'ilchj pax o'oj, xchi Acab. —Xyaln Elías chi 'ixtc 'a winac: Ach 'ilchj ton b'i'an, yujto yel xo wal xa te'wtzej a b'a a tas tu 'ix a b'o 'a sat Jehová.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Ez 3:7

Palta a eb' et israelal cha, ma'oj snib'c eb' yab' tas 'oj ala', yujto matz nib'j xon eb' yab' tas tzwala. A smasnil eb' et chon̈b' cha, caw wal pit eb', caw tzatz pax snab'en eb'.

Ez 3:9

Man̈ ach xiw yuj eb', yujto a jun tzo'n̈ 'anma cha, yel xo wal pit eb'. 'Oj wac' tzatzb'oc a nab'en 'a yojltac eb', 'icha stzatzl q'uen sacn̈ulch q'ue'en, a q'uen cha, yel xo wal tzatz q'uen 'a yib'n̈ jun tzo'n̈ xo q'uen q'ue'en, xchi 'ayin.