Ez 3:18 - Chuj San Sebastian Bible

¹⁸ A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Ach xo tic, toto ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Chuj San Mateo Bible

¹⁸ Ayic ol valan d'a junoc mach to ol cham yuj smul, tato a ach tic man̈ ol al d'ay, man̈ ol a cacha' yic syactejcan chucal sc'ulej chi', yic max chami, ayic scham jun anima yuj smul chi', a d'a ib'an̈ scan schamel chi' vuuj.

Ez 3:18 Referans Kwoze

Ez 33:6

Palta toto tzyil win 'ilwjum chi sjaw eb' 'ajc'ojl cha, matz yutz'j win strompeta cha, toto 'ay junc 'anma chi tzchami, 'oj cham jun 'anma chi yuj smul, palta yowlal 'oj wac' yowlal 'a win 'ilwjum cha.

Ez 3:20

An̈jtona', toto 'ay junc mach wach' xon sb'eyb'al, ax tz'aji tzjun 'el sb'eyb'al cha, an xo 'oj wa'ch syailal. Toto ach tic, ma'oj ac' sna sb'a yuj smul ax schami, a smasnil tas wach' xcob' sb'o 'a yaln̈tax cha, man̈x 'a yel'chi. Ax schamlil cha, eb'n̈ 'oj can wu'uj.

A Tas Sc'ulejnac Eb' Schecab' Jesús Hechos 2:40

Til to wal tastc 'ix yal 'a eb'. 'Ix ya'n snab'enoc eb'. 'Ix yaln 'ixtic: —Colc 'elt e b'a 'a jun yailal 'oj jawc 'a yib'n̈ eb' 'anma maysch'olnil tic, xchi Pedro chi 'a eb'.

Lc 13:5

An tzwal 'ayex, caw ma'ay. Palta ax xo tic, toto matz e na e b'a yuj e mul, c'uxn 'oj e cham pax junx 'icha eb' cha, xchi Jesús 'a eb'.

1 Ti 4:16

Caw tzac' cuenta a b'a yuj a b'eyb'al ta'. An̈jtona', tzac' cuenta a b'a yuj jun tzo'n̈ cuynb'il tzac' scuy eb'. Te'n tzotj a b'a 'a smasnil tiempo, sec 'oj a colcn 'el a b'a, yet' eb' tz'ab'n tas tzala, 'oj colchjoc pax 'el eb'.

Jn 8:21

'Ix yaln Jesús 'a ewin 'ixtic: —An tic, 'oj in 'ati. Ax xo tic 'oj cob' in e sayq'ui, palta a 'a scal e mul 'oj e chami. Yuj cha, ma'oj stac' e comn c'och 'a 'aj 'oj in c'och cha, xchi.

Ez 18:20

A mach tz'och smul, a tzchami. A win 'unnab'il, matz tac' scham win yuj smul smam. 'Ixta pax win mamb'il cha, matz tac' scham win yuj smul yunnal. A mach tojl tas tzb'o'o, wach' spac 'oj scha'; ax mach maysch'olnil tas tzb'o'o, maysch'olnil tas 'oj scha sb'a yet'oc.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

Ez 18:4

A eb' 'anma', wic eb' smasnil, wic win mamb'il yet' win 'unnab'il, a mach tz'och smul, tojln̈ej schami.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

1 Ti 5:22

Man̈ a comn 'a'c 'och yopiso junc mach muc'uc, yic mantzac a b'eyc'ojlej. Toto tz'och smul, caw locn ach yet' 'a smul chi 'a sat Dios. Caw tzej 'el a b'a 'a junc tzann̈j maysch'olnil.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

Lc 13:3

An tzwal 'ayex, caw ma'ay. Palta ax xo tic, toto matz e na e b'a yuj e mul, c'uxn 'oj e cham pax junx 'icha ewin cha.

Ez 18:13

Tzyac' tumn majnil, tzc'ann yune q'uen tumn cha. A junc winc 'ixta sb'eyb'al cha, man̈ najtloc 'oj yila', yujto yajb'entac tas tzb'o'o, yuj cha, mun tzyij cot chaml 'a yib'an̈.

Is 3:11

'Oltac wal eb' 'anma tu snab'en, a maysch'olnil 'oj scha sb'a eb' yet'oc, a tas sb'ojnac eb', a chi 'oj 'ajxoc spacc 'a eb'.

A Ch'an̈ Schab'il Libro Yic Yab'ixal Eb' Rey 1:4

Tzaln paxi, chajtlto an Jehová in, an tzwal 'a jun rey chi 'ixtic: Man̈x 'oj a q'ue wan 'a a waynub' 'aj t'ocn ach 'eq'ui, cojn to 'oj a chami, ma'oj 'ec'oc, xchi Dios, xa chi, xchi jun ángel cha. Xlajwn̈ej cha, 'ix 'at Elías, syiclj tas 'ix alx 'a 'a.

Gn 2:17

ax pax te tz'a'n nachjoc 'el tas wach' yet' tas tu', man̈ a lo sat te'. Toto 'oj a lo sat te', wal yel 'oj a chami, xchi Dios 'a winac.

Nm 26:65

Yujto a Jehová, a 'ix alni to smasnil eb' cha, yowlal tzchamcn eb' 'a lum cusltac lu'um, man̈x 'a xon junc eb' 'ix cani, cojxn Caleb win yunnal Jefone, yet' win Josué yunnal Nun, cojn eb' xcani.

Gn 42:22

Xyaln win Rubén 'a eb' yu'tac 'ixtic: —Waljnac 'ayex to matz 'och e mul 'a winac, palta ma'ix e chaj eyab' 'a tas xwala. A ticnec tic wal tzcot 'a quib'n̈ec yuj xchamlil winac, xchi winac.

A Ch'an̈ B'ab'el Libro Samuel 8:9

Yuj cha, a tas tzc'an eb' 'ayach, yiclj a b'on 'a eb'; palta yowlal tzal yab' eb' tas 'oj 'aj eb' yuj jun sreyl 'oj yac' yajlil 'a yib'n̈ cha, xchi.

Ez 33:12

'Ix yaln pax 'ixtic: Ach 'anma', al yab' eb' et chon̈b' tic: Toto 'ay junc mach tojl sb'eyb'al, ax tz'aji tz'och smul. A jun cha, matz colchj yuj swach' b'eyb'al 'a yic yalan̈; an̈jtona', toto a junc mach 'ay smul, tzyactj can jun tzo'n̈ maysch'olnil cha, ax tojlal tzb'o'o, ma'oj cham yuj tas sb'ojnac 'a yic yaln̈ cha. 'Ixta junc mach tojl sb'eyb'al, toto tz'och smul, ma'oj colchjoc yuj swach' b'eyb'al 'a yic yaln̈ cha.