Ez 29:10 - Chuj San Sebastian Bible

¹⁰ Atn yuj cha, tzin 'och 'ajc'ojlal 'aych yet' a a cha. 'Oj 'ochcn a chon̈b' 'a cusltac lumal, caw 'ay xoj smay yilx 'oj 'ajcni. 'Oj 'el yich 'a Migdol, ax sc'och 'a Asuán, masnto 'oj c'och 'a smon̈jonal Etiopía.

Chuj San Mateo Bible

¹⁰ Yuj chi' a in svala' to ajc'ol in d'ayach yed' d'a a a' b'aj ayach ec' chi'. Ol vac'can tz'inan Egipto chi', ayxo smay ol ajcanoc, icha taquin̈ luum ol ajcanoc, ol schael d'a Migdol, ol ec' d'a Asuán, masanto d'a smojonal Etiopía.

Ez 29:10 Referans Kwoze

Ez 30:12

Ax wa'n tup a niwn a tzcuch Nilo, 'oj wac' jun nacion̈ chi 'a yol sc'ab' eb' 'anma maysch'olnil; a eb' chuc chon̈b'al chi 'oj satnoc 'ejm smasnil tas 'ay 'a 'a.

Habacuc 3:8

Mamin Jehová, man̈oc 'a eb' a niwc a xcot owal. Man̈oc 'a a mar xc'ac'b' 'och yowl a c'ojol, yic ach 'at ac' owal, yuj a satn 'el eb' 'ajc'ojol, 'icha to ach q'ue 'a yib'n̈ a chej, yet' 'a yojl a caruaje yic owal.

Ez 29:11

Chawinc ab'il 'oj can a chon̈b' 'a sictaquil, man̈x 'a 'anma', yet' no noc' 'oj 'ec' 'a jun tiempoal chi ta'.

Jeremías 46:14

Al yab' eb' chon̈b' 'a yol yic Egipto, atn Migdol, Menfis, yet' Tafnes to tzya' lista sb'a eb'. Macwj cab' eb', yujto a eb' 'anma 'ay 'a stz'ey eb', wan laj smilx cham eb' yuj q'uen espada.

Jeremías 44:1

A jun tzo'n̈ spaxti Dios in chajnac an Jeremías in tic yic tzalx 'a eb' 'aj Judá cajn 'ec' 'a stojlal norte 'a yol smacb'en Egipto, atn 'a chon̈b' Migdol, 'a Tafnes, 'a Menfis, yet' 'a stojlal sur.

Ex 14:2

Al 'a eb' et israelal tic, to tzmeltzj eb' jac 'a spatic, axta tz'och wan eb' 'a Pi-hahirot, 'a snan̈l Migdol yet' a mar, 'a yojltac Baal-zefón, ata tze b'o e mantiado 'a sla'nil sti a mar cha,

Ez 13:8

Yuj cha, an Jehová Yajl in, an tzwal 'ixtc 'a eb': Yujto man̈ yelc tas tzeyala, cojn 'es tzeyac'a, yuj cha, tzin 'och 'ajc'ojlal 'ayex.

Ez 21:3

Al yab' eb' to an Jehová in, an tzwal 'ixtc 'a yib'n̈ eb': An tzwala, to tzin 'och 'ajc'ojlal 'ayex. 'Oj wic' q'uet wespada 'a yol yet'ul, ax in miln cham eb' 'anma wach' snab'en yet' eb' maysch'olnil sb'eyb'al. 'Oj 'el yich scham eb' 'anma 'a stojlal sur masnto 'oj c'och scham eb' 'a stojlal norte.

Ez 26:3

Yuj cha, an Jehová Yajl in, an tzwal 'ixtic: Ach Tiro, a ticnec tox in 'och 'ajc'ojlal 'ayach. An tzwala ax yoch pax jun tzo'n̈ xo nacion̈ 'ajc'ojlal 'ayach, 'oj cot eb' 'aych 'icha sq'ue wan b'alb'noc yib'n̈ a mar yuj 'ic'.

Ez 29:3

Al 'ixtc 'a 'a: To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.

Ez 29:9

'Oj can a chon̈b' chi 'a cusltaquil, ax yojcan 'el eb' 'anma', to an Jehová in, an 'ixta tzach wutej, yujto 'ix ala to ec a Nilo, ach xa b'o a alni.