Ez 28:5 - Chuj San Sebastian Bible

⁵ Yuj sjelnal a nab'en 'a yib'n̈ chon̈, yuj cha, ach 'och ricoal, ax a ricoal chi tzach 'a'n 'och b'an̈quinal.

Chuj San Mateo Bible

⁵ Yuj a jelanil d'a chon̈, ix q'uechaan̈ a b'eyumal. Yuj a b'eyumal chi' te ac'umtac ach aji.

Ez 28:5 Referans Kwoze

Salmos 62:10

A mach tzyac' ganar tumn 'a spatc maysch'olnil mto yuj 'elc'al, caw matz tac' ya'n 'och jun chi yipc sc'ojol. Toto tzq'ue'ch yet' tas 'ay 'a 'a, matz tac' ya'n 'och sricoal chi yipc sc'ojol.

Salmos 52:7

'Iltec wal jun 'anma to man̈oc Dios tzya'ch yipc sc'ojol; cojn wal sricoal tzya'ch yipc sc'ojol, cojxn maysch'olnil tzb'o'o, 'oj schic eb'.

Os 13:6

Palta a yic ya'n sobra tas tzc'ux eb', 'ix sb'an̈n sb'a eb', in 'atcn 'a satc'ojlal yuj eb'. 'Ixta pax ex ax tic.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Pr 11:28

A eb' tzya'ch sricoal yipc sc'ojol, 'oj 'em eb' 'icha tz'aj yem stacn̈il xil te te 'a yich, palta ax eb' tojl sb'eyb'al, 'oj yic' eb' yip 'icha tz'aj syaxb' sc'ab' te te'.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

Ro 12:16

Junc'ojlal tzlaj cutquec qui b'a qui masnil. Matz tac' qui b'an̈nec qui b'a. Jun tzon̈ 'e'c cab' yet' eb' may yel'ch 'a sat eb' 'anma'. Matz tac' qui nanec, to caw jeln on̈ec.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Is 5:21

'Oltac wal eb' cob' tzyal jelnal sb'a, caw wach' cob' snab'en eb' chi 'a tzyutj snani.

Pr 26:12

'Ayt wal jacx wach'l 'a eb' may snab'en, 'a yib'n̈ eb' to tzyal jelnal sb'a.

Zacarías 9:3

A eb' 'aj Tiro cha, 'ix sb'o chan̈ eb' smuroal schon̈ab'. Xlajw cha, smolb'tzan eb' q'uen oro yet' q'uen plata, 'icha tz'aj chan̈ ch'ucn lum lum smontoaxi.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Ez 16:49

Yaj jun tzo'n̈ smul chon̈b' Sodoma yet' yaldeail. Caw wal sb'an̈ sb'a yet' tas 'ay 'a 'a. Til wal tas tzc'uxu, caw wach' yaji, palta ma'ix colwj jac 'a eb' meb'a', yet' 'a eb' 'anma may tas tzc'uxu.

Is 23:8

¿Mach xnan chan̈ jun tic 'a yib'n̈ Tiro? A jun chon̈b' tic yicn̈ej eb' rey yaji, a eb' chon̈wjum caw niwc wincn̈ej eb', caw b'inab'il eb' 'a smasnil yolyib'n̈q'uinal.

Is 23:3

Tzc'och eb' e manwjum chi 'a Sihor, tzmann eb' 'ixm trigo ta', atn 'ixm tz'el 'a sti a Nilo, tzlajw cha, tzchon̈n 'at eb' 'a jun tzo'n̈ xo nacion̈, atn ta tzeyij tas tzeyac' ganar.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.

2 Cr 25:19

Ach tic tzala, to x'ajx ganar eb' edomita o'oj, yuj cha, tza b'an̈n a b'a. Palta yel xo wach' tzach can 'a atut. ¿Tas yuj tza nib'j tzej cot junc yailal 'a eb'an̈, yet' 'a yib'n̈ chon̈b' Judá? xchi cot 'a Amasías.

Jeremías 49:4

Ex chon̈b' to caw wal pit, ¿tas yuj tze b'an̈ e b'a yet' eyip? A jun eyip cha, tox 'ix lajw 'ejmi. A wal e ricoal xe molb'tzej, a 'aych yipc e c'ojol, yuj cha, tzeyaln 'ixtic: ¿Mach wal 'oj stac' ya'n owl quet'ec? xe chi.

Dt 8:17

'Ayt ex xe na 'ixtic: A jun tzo'n̈ qui ricoal tic, 'ix ca'c ganar yet' quip, xe chi ta.

A Ch'an̈ Schab'il Libro Yic Yab'ixal Eb' Rey 14:10

Wal yel 'ix eyac' ganar eb' edomita cha. 'Ij cab' chan̈ a b'a a' atut cha, palta man̈ e' chan̈ a b'a 'ayin. ¿Tas yuj cob' tza nib'j ac' 'owl wet'oc? Ton̈j 'oj cot 'a eb'n̈ yet' eb' et' chon̈b' cha, xchi Joás.

Salmos 62:11

Til wal 'ejm 'ix wab' yaln Dios jun tzo'n̈ tic, chajtlto caw 'ay sjelnal, 'ay pax schamc'ojlal. A tz'a'n spac yic junjn 'anma', a tzyala tas tz'el sb'oni.

Ez 28:17

Yuj wal swach'l elxi, yuj cha, xa b'an̈n a b'a, yuj pax snib'jub'tacl elx cha, yuj cha, 'ix 'ixtx 'el a jelnal. An wal ach in jul 'ejm 'a sat lu'um, yic ach wa'n 'och ch'oxnb'ilal 'a eb' rey.

Dn 11:12

Yujto 'oj cham jun b'uln̈ eb' soldado chi yu'uj, yuj cha, ax sb'an̈n sb'a, palta man̈ najtloc tiempo 'oj yac' yet' yopiso cha.