Ez 28:25 - Chuj San Sebastian Bible

²⁵ An Jehová in, an tzwal 'ixtic: 'Oj in molb'tzoc cot pax eb' israel sactzicnac yajcn 'at 'a jun tzo'n̈ xo nacion̈, ax in ch'oxn in wach'c'ojlal 'a eb' 'a sat jun tzo'n̈ nacion̈ cha. A eb' israel cha, 'oj scajx eb' slum chi jun 'ejm xo, atn lum wa'jnac 'a win in checb' Jacob.

Chuj San Mateo Bible

²⁵ A in Dios Yajal in svala': Ayic ol in molb'anxicot eb' yin̈tilalcan Israel d'a scaltac nación b'aj sacleminac yajcanb'ati, ol in ch'oxel snivanil velc'och d'a eb' d'a yichan̈ juntzan̈ nación chi'. A eb' yin̈tilalcan Israel chi', ol cajnajxoc eb' d'a lum smacb'en, aton lum vac'naccan d'a vin̈ in checab' aj Jacob.

Ez 28:25 Referans Kwoze

Jeremías 32:37

'oj wac' sactzic eb' et chon̈b' tic 'a junjn nacion̈ yuj yowl in c'ojl to caw 'ay xo smay. 'Oj lajwc cha, ax in molb'tzan eb', ax wi'n pax meltzjoc eb' 'a tic jun 'ejm xo. A 'a tic, man̈x 'a tas 'oj 'i'nc eb'.

Ez 20:41

A yic tox ex wij 'elt 'a jun tzo'n̈ nacion̈ cha, yet' 'a jun tzo'n̈ chon̈b' 'ajtil sactzicnac eyajcn 'at ticnec, ata 'oj in ch'ox eyila', to niwn wel'ch 'a e sat yet' 'a sat jun tzo'n̈ xo nacion̈. 'Oj ex in cha 'icha junc incienso to su'q'ui sjab'.

Ez 37:25

'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej.

Ez 36:28

Ax e canx cajn 'a sat slum e mam eyicham, atn lum wa'jnac 'a eb'. 'Oj eyoch in chon̈b'oc, ax wochx e Diosaloc.

Ez 11:17

An 'oj ex in molb'tzoc cot 'a jun tzo'n̈ nacion̈ 'aj sactzicnac eyajcn 'ati, ax wa'n chon̈b' Israel tic eyico'oc.

Jeremías 23:8

Palta ax yic 'oj b'ey tiempo, 'ixtc 'oj yutc eb' yalni: Yojc wal Jehová, jun x'i'n 'elt eb' israel 'a stojlal norte yet' 'a jun tzo'n̈ xo chon̈b' 'aj sactzicnac yajcn 'at eb', 'oj xchic eb'. 'Ixta to b'i'an, ax yaj cajn eb' israel 'a slum jun 'ejm xo, xchi Dios.

Salmos 106:47

Mamin Jehová, qui Diosal ach on̈, colwjan̈ quet' on̈, tzon̈ a molb'tzej paxt 'a scal eb' chuc nacion̈al, sec tzqui mol b'itnej a b'i yet' qui tzaljc'ojlal.

Ez 34:13

An 'oj in molb'tzoc paxt eb' 'a scal jun tzo'n̈ nacion̈ 'aj sactzicnac yajcn 'at cha, ax wi'n 'at eb' jun 'ejm xo 'a sat slu'um. 'Oj c'ochx cajn eb' 'a lum jolmctac witz, ax laj yu'nc pax eb' a a 'a ch'olctac 'ay 'a yol smacb'en chon̈b' Israel, atn eb' lum 'aj cajn eb' chuc chon̈b'al.

Ez 28:22

Al 'ixtc 'a 'a: To an Jehová in, an tzwal 'ixtic: An tzwal 'aych ach Sidón to tzin 'och 'ajc'ojlal 'ayach. O'oj ax in yi'n chan̈ jun tzo'n̈ xo chon̈b' yuj tas 'oj ach wutoc, ax yojcan 'el eb' to an ton Jehová in, to cojn in ton Dios in, a yic 'oj in b'eyc'ojlanc eb', ax scheclj chan̈ in poder 'a scal eb'.

Jeremías 30:18

Tzyaln pax Jehová 'ixtic: Caw 'oj in jel tas 'aych 'a eyib'n̈ ex yin̈tl can Jacob, 'oj 'o'ch in c'ojl 'ayex. A e chon̈ab', 'oj e b'ox chan̈ jun 'ejm xo 'a yet'l 'aj lan̈chjnac 'ejm 'a yic b'ab'el, an̈jtona pax e despacho, 'oj e b'ox chan̈ 'a yet'l 'aj 'e'nc xoni.

Jeremías 27:11

A pax jun tzo'n̈ nacion̈ to 'oj yaln̈j sc'ojl ya'n 'och sb'a 'a yol sc'ab' win sreyl Babilonia cha. An Jehová in, an tzwala to 'oj can cajn eb' 'a sat slu'um. 'Oj munljoc eb' 'a sat lu'um, xchi Dios, xa chi, xchi 'ayin.

Jl 3:7

Palta an 'oj wi'x 'elt eb' 'a 'aj e chon̈jnac can 'at cha, ax 'a eyib'n̈ 'oj wa'x can 'och yailal 'icha 'ajnc yab'n eb' syal cha.

Os 1:11

'Oj lajwc cha, ax syamn sb'a smasnil eb' 'aj Judá, yet' eb' 'aj Israel, junxn̈ej syajlil eb' 'oj ya'chi. Junxn̈ej 'oj 'aj sjapx eb' wul yi'x slum jun 'ejm xo. ¡Caw niwn yel'ch jun c'u yic Jezreel!

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Ez 37:21

Tzlajw cha, tzaln 'a eb' 'ixtic: 'Ixtc wal xyutj Jehová Cajlil yaln 'ayex: Ex israel, an 'oj ex wi'x 'elt 'a scal jun tzo'n̈ nacion̈ 'aj c'ochnc ex; 'oj ex in molb'tzoc, ax ex wi'n 'at 'a e lum jun 'ejm xo.

Ez 34:27

'Oj ya'x te 'awb'ente sat, til wal sb'al lum lum chi 'oj yac'a', caw junc'ojlal 'oj can eb' 'anma chi 'a sat lu'um. A yic 'oj in coln 'elt eb' 'a yol sc'ab' eb' 'aj 'aych mosoal cha, 'aj to man̈ yico'oc sb'a eb', ax yojcan 'el eb' to an Jehová in, an tzin col eb'.

Is 5:16

A Jehová tztac' yuj smasnil, 'oj sch'ox 'ilxoc to niwn yel'ch sb'eyc'ojlal. A Dios yel xo wal wach', 'oj sch'ox 'ilxoc to tojl snab'en.

Ez 34:14

'Oj wi't eb' 'a lum lum caw 'ay syaxil sat, atn lum jolmctac witz wa'jnac 'a eb'. Ata 'oj wac' 'iljoc eb', ax wa'n tas caw wach' tzc'ux eb' ta'.

Os 2:15

'Oj wa'x can slum 'aj 'awb'il yuva, atn lum span̈nil yic b'ilc'ojlal, palta 'oj 'ochx can pan̈n yic yipc'ojlal. 'Ixta 'oj wutc cani, 'icha ya'jnac 'a b'ab'el yic yelt 'a Egipto. Ata 'oj ta'wc 'ayin 'icha junc 'ix cob's 'ix.

Os 11:11

'Icha sjelnal sb'ey junc no ch'ic, 'ixta 'oj 'aj eb' scot 'a Egipto. 'Icha no 'uch, 'ixta pax 'oj 'aj eb' scot 'a Asiria. An Jehová in, an tzwala, to 'oj wa'x scajx eb' yatut jun 'ejm xo.

Jeremías 12:14

'Ix yaln Jehová yuj jun tzo'n̈ nacion̈ caw wal maysch'olnil cajn 'a stz'ey chon̈b' Israel, eb' x'i'n 'ec' lum lum xyac' Jehová smacloc eb' israel, atn eb' schon̈ab', 'ix yaln 'ixtic: An 'oj wi'l eb' 'a sat slu'um, 'icha 'ix wutj wi'n 'el eb' 'aj Judá.