Ez 28:18 - Chuj San Sebastian Bible

¹⁸ Til wal 'anma xextj yet' tas xlaj a mana, yet' pax tas xlaj a chon̈o, xextn 'el pax jun tzo'n̈ yet'l a diosal. Yuj cha, 'ix wa'n 'elt jun c'ac' tzach 'a'n tz'a'oc, cojxn a tan̈il tzyil eb' 'anma 'a sat lu'um.

Chuj San Mateo Bible

¹⁸ Tzijtum a mul ix ac'ochi, ix ixtej mach schon̈vaji yed' mach smanvaj d'ayach. Ix ixtejb'at juntzan̈ templo, yuj chi' ix vaq'uelta jun c'ac' d'ayach, ix ach tz'ab'ati. Taan̈xon̈ej ix ach vutejcan d'a sat luum d'a yichan̈ mach tzach ilani.

Ez 28:18 Referans Kwoze

Malaquías 4:3

A 'a yic jun c'ul cha, 'oj e te'cn 'ejm eb' tzb'on maysch'olnil, 'icha wal tz'aj ste'x q'uen stan̈il c'ac', 'ixta 'oj eyutc eb'.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.

Ez 28:16

Yujto caw xniwtj a chon̈, yuj cha, 'ix niwtj 'och pax maysch'olnil 'ayach, 'ix a'n 'och a mul. Atn yuj cha, ach wi'n 'el 'a wojltac, xwi'n 'ec' opiso yic tan̈wjumal cha. Ach wa'n pechxoc 'el 'a lum tzaln yic 'emmquilal, yet' 'a scal eb' q'uen q'uen tzictzni yilx cha.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

A Schab'il Carta San Pedro 2:6

An̈jtona', ya'jnac Dios yailal 'a yib'n̈ eb' 'aj Sodoma yet' eb' 'aj Gomorra. C'uxn lajwnac 'el chab' chon̈b' chi yet' c'ac'. Nab'a tan̈ xoj 'ajnc can smasnil. A eb' lajwnac 'el cha, ch'oxnb'il yaj eb' 'a jantcn̈ej mach maysch'olnil sb'eyb'al.

Mr 8:36

Q'uinloc tzquique'ej smasnil yolyib'n̈q'uinl tic, palta toto tzon̈ satcn 'el 'a jun 'ejmn̈ej, ¿tast wal qui ganar 'ixta'?

Am 2:5

Yuj cha, 'oj wac' n̈usxoc tz'a Judá, ax jun c'ac' chi 'oj satnc 'el jun tzo'n̈ cuartel 'a Jerusalén, xchi Jehová.

Am 2:2

Yuj cha, 'oj wac' n̈usxoc tz'a chon̈b' Moab, ax jun c'ac' chi 'oj satnc 'el jun tzo'n̈ cuartel 'a Queriot. 'A scal 'aw yic owal, yet' 'a yic wan yutz'x trompeta, ax scham eb' 'aj Moab.

Am 1:14

Yuj cha, 'oj wac' n̈usxoc tz'a smuroal chon̈b' Rabá, ax jun c'ac' chi 'oj satnc 'el scuartel eb'. Caw 'oj 'el yaw eb' yuj owal. A jun owl cha, 'icha wal junc niwquil 'ic', 'ixta 'oj 'aj sjawi.

Ez 5:4

Tza si'n cot jaye'ocx xil a jolm cha, tza'n 'och 'a scal c'ac'. 'Oj 'och n̈ilnjoc c'ac' chi 'a 'a, ax stz'a'i. 'Icha wal jun c'ac' cha, 'ixta 'oj 'aj sjaw cusc'ojlal 'a eb' et israelal.

Jueces 9:20

Palta toto ma'ay, 'elt cab' n̈iln̈joc c'ac' 'a Abimelec, ax e lajw 'el ax 'aj Siquem ex tic, yet' ex 'aj Bet-milo; 'oj 'eltoc n̈iln̈joc c'ac' 'ayex, ax e lajn 'el Abimelec cha, xchi win Jotam.

Jueces 9:15

Xta'w te snun q'uix chi 'ixtic: Toto yel tzeyala to tze nib'j tzin 'och e reyloc, cotn̈ec, c'ub'jec 'el e b'a 'a yaln̈ wen̈ul. Toto matz e nib'j an tzin 'och e reyloc jun, 'elt cab' n̈iln̈joc c'ac' 'ayin, ax stz'acn eb' te c'ute 'a Líbano wu'uj, xchi te'.

Ez 28:15

Yictax a pitzw cha'an̈, caw wach'n̈j 'a b'eyb'al masnto 'ix jelmj a nab'en yuj maysch'olnil.

Zacarías 9:4

Palta ax Jehová 'oj 'i'n 'ec' smasnil 'a eb', 'oj julxoc can 'at sricoal eb' chi 'a yojl a mar. 'Oj n̈usxoc can tz'a jun schon̈b' eb' chi smasnil.

Is 66:16

A Jehová, 'oj sb'eyc'ojloc smasnil 'anma 'a yolyib'n̈q'uinl tic yet' c'ac' mto yet' owal, til wal 'anma 'oj cham yuj jun tzo'n̈ cha.