Ez 27:29 - Chuj San Sebastian Bible

²⁹ A eb' tzma'n b'ey jun tzo'n̈ xo te barco, yet' eb' tzch'umn te', 'oj 'eltoc eb' 'a yol sbarco cha, ax yel-l eb' 'a sti a chi 'aj tacn̈ lu'um.

Chuj San Mateo Bible

²⁹ A eb' smac'an b'ey juntzan̈xo te' barco, tz'emta eb' d'a yol sbarco chi'. A eb' tz'ic'an b'ey te' chi', tz'och vaan eb' d'a sti' a' mar.

Ez 27:29 Referans Kwoze

Ez 32:10

A mulojoc, ax wa'n 'ejm xiwc'ojlal 'a scal jun tzo'n̈ xo chon̈ab'; caw 'oj satcn sc'ojl sreyl jun tzo'n̈ chon̈b' cha, yic 'oj 'ec' jupljoc wespada 'a yojltac eb'. A yic 'oj a satl cha, caw 'oj xiw eb', yujto 'ay smay scham pax eb'.

Ez 26:16

Yuj cha, smasnil eb' rey cajn 'a sti a mar 'oj yactc can eb' sdespacho, ax yi'n 'el eb' spotil yet' jun tzo'n̈ spichl caw wach' yajch yelwnub'al, yet' wal xiwc'ojlal eb', ax yem wocn eb' 'a sat lu'um. 'A junjn rato, ax yib'x eb' yuj xiwlal, yujto tzyil eb' tas 'oj 'aj jun chon̈b' cha.

Ez 27:8

A eb' winc tzma'n b'ey te barco chi yet' sma'lab'il cha, ata cajn eb' 'a chon̈b' Sidón yet' 'a chon̈b' Arvad, ax eb' ch'umn barco, atn eb' winc caw jeln 'ay 'a yol a chon̈ab'.

Ez 32:9

A yic 'oj c'och ab'xil 'a jun tzo'n̈ xo nacion̈ man̈ ojcoc, 'oj wac' cus chan̈ eb' yuj tas tzach 'aj 'a satli.