Ez 27:28 - Chuj San Sebastian Bible

²⁸ A yic 'oj 'el yaw s'atcn eb' munljum chi 'a yich a', ax eb' 'anma cajn 'a stitc a cha, caw 'oj xiw chan̈ eb' yab'n yel yaw eb'.

Chuj San Mateo Bible

²⁸ A eb' ayec' d'a stitac a' chi', syab' eb' yel yav eb' smunlaj d'a te' barco van sb'atcan d'a yich a' chi'.

Ez 27:28 Referans Kwoze

Ez 26:10

Til wal no chej ajun yet' win rey cha, yuj cha, caw 'oj mucchjoc 'el jun chon̈b' chi yuj lum pococ 'oj ste' chan̈ no'. A yic 'oj 'och win sreyl Babilonia chi 'a spuertail chon̈ab' 'icha xoj yoch 'a yojl junc chon̈b' to jacwnacx smuroal. Tz'ib'x lum sb'ey setetal scaruaje winac, tz'ib'x pax smuroal jun chon̈b' cha.

Nahúm 2:3

A wal eb' 'ajc'ojl tzcot 'ayex, caw chac yilx syamc'ab' eb' yic owal, chac yilx pax spichl eb' soldado cha. Lista xo yaj eb' yoch 'a owal. Caw tzictzni yilx scaruaje eb', man̈xtzac yamchj 'och wan lin̈n no schej eb'.

Ez 31:16

A yic xc'an̈ yem lan̈njoc cha, caw 'ix xiw jun tzo'n̈ nacion̈ yab'ni, ax yic 'ix 'emch 'a 'aj 'ay yet'l eb' chamnac, ax eb' chamnc chi 'ayc' ta', 'ix yij eb' sniwnal sc'ojol, atn eb' lajn yet' eb' te 'awb'ente 'ay 'a Edén yet' eb' te yic Líbano.

Ez 27:35

Smasnil eb' 'anma cajn 'a sti a mar, caw tzxiw eb' yab'n yab'xil, ax eb' rey 'a junjn chon̈ab', caw tzxiw chan̈ eb', checl yilx sat eb' yuj xiwlal.

Ex 15:14

A yic 'oj yab'nc jun tzo'n̈ xo nacion̈ jun tic, caw 'oj 'ib'xoc eb' yuj xiwlal, 'oj xiw chan̈ pax eb' filisteo.

Apoc 18:17

Palta junn̈j wal rato, c'uxn xlajw 'ejm smasnil sricoal tic, 'oj schic eb'. Jantcn̈ej eb' yajl barco, yet' eb' ajun 'a yojol, yet' eb' tzmunlj yet' syamc'ab'il barco, yet' jantcn̈ej eb' tzmunlj 'a a mar, c'uxn xcan eb' smasnil 'a najat.

Jeremías 50:46

A wal yic 'oj 'em Babilonia cha, caw 'oj 'ib'xoc lum lum tic, 'oj c'och yel yaw eb' 'a jun tzo'n̈ xo nacion̈, xchi Dios.

Ez 27:27

A yic 'oj a satl cha, a 'a ricoal yet' smasnil chon̈ 'ayc' 'ayach, 'oj atcn 'a yich a mar, yet' eb' tz'i'n b'ey te barco cha, eb' tzch'umni, eb' nipn barco, eb' chon̈wjum, eb' a soldado yet' smasnil eb' ton̈j 'ayc' et'oc.

Ez 45:2

A 'a jun lum cha, ata tz'echtax can 'elt slumal watut, 250 metro tz'aj 'a jun jun spac'b'il. Ax 'a junjn spac'b'il cha, tzcan jun 25 metro sat coln tz'ajcni, tz'och oyn 'a spac'b'il chi schan̈il.