Ez 27:15 - Chuj San Sebastian Bible

¹⁵ A eb' 'aj Rodas yet' eb' cajn 'a jun tzo'n̈ xo chon̈b' 'ay 'a sti a mar, tzwulc' eb' manwjoc 'ayach, ax q'uen marfil yet' ébano, a tzya'cn eb' stojloc tas tzman cha.

Chuj San Mateo Bible

¹⁵ A eb' aj Dedán yed' d'a juntzan̈xo chon̈ab' d'a stitac a' mar, a tas sman eb', stup eb' yed' marfil yed' te' ébano.

Ez 27:15 Referans Kwoze

Apoc 18:12

Yaj wal sb'isl jun tzo'n̈ schon̈ eb' tic: oro, plata, jun tzo'n̈ q'uen chan̈ stojol, perla, jun tzo'n̈ nip caw wach', lino yet' sera nip, jun tzo'n̈ nip q'uic'mucnac yet' chac, smasnil te te su'q'ui sjab', smasnil jun tzo'n̈ tzb'o yet' marfil, bronce, hierro, yet' q'uen mármol.

A Ch'an̈ B'ab'el Libro Yic Yab'ixal Eb' Rey 10:22

'Ay jun tzo'n̈ sniwc barco win rey Salomón jun tz'ec' yet' jun tzo'n̈ sniwc barco win Hiram, yoxxil ab'il tzjaw eb' 'a Israel, yet' eb' oro, plata, marfil, no chab'in, yet' no pavo real.

Gn 10:7

Ax eb' yunnal win Cus, atn Seba, Havila, Sabta, Raama yet' Sabteca. Eb' yunnal Raama, atn Seba, yet' Dedán.

Ez 27:20

At 'a Debán, atta tzyij cot eb' jun tzo'n̈ posmtac tzq'ue 'a sat no xila tz'u'um.

Jeremías 25:23

'Ix wa'n 'a eb' yin̈tl Dedán, eb' yic Tema, eb' yic Buz; yet' smasnil eb' chon̈b' tzjoxn 'el xil sjolm 'a stz'eynb'il sjolom.

Ez 25:13

Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal.

Jeremías 49:8

Ex 'aj chon̈b' Dedán, 'ixquec 'eloc, c'ub'jec 'el e b'a 'a yoltc n̈aq'ue'en, yujto 'oj in satl schon̈b' Esaú tic. 'Ix c'och stiempoal wa'n 'och syailal.

1 Cr 1:32

Ax pax eb' yune 'ix Cetura, 'ix schab'l 'istzil Abraham: atn Zimrán, Jocsán, Medán, Madián, Isbac yet' Súa. Ax eb' yunnal Jocsán atn Seba, yet' Dedán.

1 Cr 1:9

Eb' yunnal Cus: atn Seba, Havila, Sabta, Raama, yet' Sabteca. A eb' yunnal Raama, atn Seba yet' Dedán.

Gn 25:3

A Jocsán atn smam Seba yet' Dedán. Ax eb' yin̈tl Dedán, atn eb' asureo, eb' letuseo yet' eb' leumeo.

Is 21:13

A jun tzo'n̈ tic alb'il can 'ixtc 'a yib'n̈ Arabia: Ex chon̈wjum 'aj Dedán, ex to tz'ec' 'ac'wl eyuj 'a calcte 'a Arabia:

Ez 38:13

Ax eb' 'anma yic chon̈b' Sabá, eb' yic Dedán yet' eb' chon̈wjum yic chon̈b' Tarsis yet' jun tzo'n̈ xo eb' 'a junc xo chon̈b'al, 'oj sc'anb'nc eb' 'aych 'ixtic: ¿Tom achn̈ej tzwul ec' tas 'ay 'a eb' 'anma tic, yuj cha, xa molb'tzan eb' a soldado tic yet' smasnil 'anma ajun et'oc, yic tzwul elc'noc q'uen plata, q'uen oro, no cajb'en noc' yet' jun tzo'n̈ xo tas yic tzach 'och ricoal yu'uj? 'oj schic eb', xchi Dios, xa chi 'a 'a.

2 Cr 9:21

A eb' schecb' win rey, tz'at eb' yet' eb' schecb' Hiram yet' te barco 'a Tarsis, yic tz'at yi'nc cot eb' q'uen oro, q'uen plata, q'uen marfil, no chab'in yet' no pavo real 'a junjn yoxxil ab'il.