Ez 26:2 - Chuj San Sebastian Bible

² Ach 'anma', a eb' 'aj Tiro, 'ix yal eb' 'ixtc 'a yib'n̈ chon̈b' Jerusalén: ¡A Jerusalén tox 'ix lajw 'ejmi! A 'a yic yalan̈, sb'e eb' chon̈wjum yaji, ata tztojcn eb' yic tz'ec' eb' yet' schon̈ cha, ax ticnec, tox xlajw 'ejm jun chon̈b' cha, yuj cha libre xo que'c ticnec yet' qui chon̈, 'oj cochc wal ricoal, xchi eb'.

Chuj San Mateo Bible

² Ach anima, icha tic ix yal eb' aj Tiro yuj Jerusalén: A Jerusalén ix sateli. A d'a yalan̈taxo sb'e eb' chon̈vajum yaji. Ata' stupcan eb' yic vach' tz'ec' eb' yed' schon̈ chi'. A ticnaic vach'xo quec' yed' co chon̈ chi'. Te nivan co b'eyumal ol quic'a', yacb'an a jun chon̈ab' chi' toxo ix satjieli, xchi eb'.

Ez 26:2 Referans Kwoze

Jl 3:4

¿Tas tze nib'j 'ayn ex 'aj Tiro, ex 'aj Sidón, yet' ex 'aj Filistea? ¿Tom tze nib'j tze pac e b'a 'ayin? Toto tze nib'j tze pac e b'a, wal 'a yajn̈ej ax wa'n spac 'ayx 'icha wal smoj e chani.

Ez 36:2

An Jehová in, an tzwal 'a eb' 'ixtic: A eb' 'ajc'ojl yajch 'ayex, xcob' yal eb' to yic xoj eb' smasnil lum jolmctac witz cha.

Jeremías 25:22

smasnil eb' rey 'a Tiro, 'a Sidón, yet' smasnil eb' rey 'ay 'a jun tzo'n̈ nacion̈ 'ay 'a sti 'a mar Mediterráneo.

Ez 25:10

'Oj cot eb' 'anma 'a jun tzo'n̈ chon̈b' 'a stojlal 'aj tzq'uel c'u, ax yi'n 'ec' eb' slum eb' 'aj Amón. 'Oj wac' jun lum chi yico'oc eb', sec man̈x 'oj b'inaxc eb' amonita chi 'a scal jun tzo'n̈ xo nacion̈.

Ez 25:6

An tzwal 'ixtic: Ax tic, caw e po'jnac e c'ab', e te'n wal 'ejm eyoc, caw tzaljnac ex yic slajw 'el chon̈b' Israel.

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Jeremías 49:1

A spaxti Jehová yaljnac can 'a yib'n̈ chon̈b' Amón yic yaln can 'ixtic: ¿Tom may yunnal Israel tztac' yi'n can smacl lum tic? ¿Tas yuj a jun tzo'n̈ 'anma tz'och 'emmquilal 'a dios Milcom, a eb' tzcajn lum slum eb' yin̈tl Gad? ¿Tas yuj a eb' amonita cajn 'ec' 'a jun tzo'n̈ schon̈b' eb' cha?

Jeremías 47:4

Yujto xc'och sc'ul slajw 'el eb' filisteo, atn eb' tzcolwj to 'a chon̈b' Tiro yet' 'a Sidón, xchi Dios. A Jehová 'oj satnc 'el eb' filisteo, atn smasnil eb' cotnc 'a chon̈b' Creta 'a snan̈l a mar.

Jeremías 27:3

Tzlajw cha, tzaln 'at junc checnb'il 'a eb' sreyl Edom, Moab, Amón, Tiro yet' Sidón. A 'a eb' checb' tzjaw 'a Jerusalén yic tzwul yilnc eb' win rey Sedequías, a 'a eb' tzalb'ti.

Salmos 83:7

eb' 'aj Gebal, eb' 'aj Amón, eb' yin̈tl Amalec, eb' filisteo, eb' 'aj Tiro,

Salmos 70:3

A eb' tzin tzetzni, 'at cab' eb' 'elc yuj sq'uixwc'ojlal.

Salmos 40:15

A eb' tzin tzetzni, 'at cab' pax eb' 'elc yuj sq'uixwc'ojlal cha.

Salmos 35:21

Caw 'ip tzlaj 'awj chan̈ eb' 'a in patic, tzyaln eb' 'ixtic: 'Iltec wal tz'aji, caw 'ix quilc yet' qui sat, xchi eb'.

A Ch'an̈ Schab'l Libro Samuel 5:11

A Hiram win sreyl Tiro, 'ix ya't eb' smunljum 'a David: atn jun tzo'n̈ eb' josm te', yet' pax jun tzo'n̈ eb' tzeym q'ue'en. Xyi'n eb' jun tzo'n̈ te c'ute', xlajw cha, sb'on chan̈ eb' yatut David.

Josué 19:29

Axta tzmeltzj smon̈jonal 'a Ramá, masnto tzc'och 'a jun chon̈b' caw wach' yajch smuroal atn Tiro, axta tzc'och 'a Hosa, tz'el'ch 'a a Mar Mediterráneo, locn pax chon̈b' Mahaleb, Aczib, Uma, Afec yet' Rehob.

Is 62:10

Ex 'aj Jerusalén, 'eln̈ect 'a sti spuertail e chon̈ab', tze b'on sb'e eb' eyit chon̈b' 'aj 'oj jawc paxi. Caw wach' tzeyutj eya'n pan̈nb'oc lum ch'olctac. Tze si'n 'el eb' q'uen q'uen 'a yol b'e cha, caw mesmni tzeyutej. Tzlajw cha, tzeya'n q'ue e bandera yil jun tzo'n̈ xo nacion̈.

Ez 25:8

An Jehová Yajl in, an tzwal 'ixtic: A eb' 'aj Moab yet' eb' 'aj Seir, tzyal eb' to a eb' 'aj Judá, lajn eb' yet' jun tzo'n̈ xo nacion̈.

Ez 26:1

A 'a b'ab'l c'u yoch 'uj yic yuxlchil ab'il quijx cot 'icha presoal, ata 'ix yal Jehová 'ayn 'ixtic:

Ez 35:10

'In xcob' al 'ixtic: A chab' nacion̈al lum slum eb' israel tic, wach'xam ata 'ayc' Jehová 'a lu'um, palta 'oj wico'oc, xcob' a chioc.

Salmos 40:16

Palta ax smasnil eb' tzyal sb'a 'ayach, tzalj cab' eb'. A eb' tznib'n a colwal, yal cab' eb' 'ixtic: A Jehová caw niwn yel'chi, xchi cab' eb'.