Ez 26:19 - Chuj San Sebastian Bible

¹⁹ An Jehová Yajl in, an tzwal 'ixtic: 'Oj in satl jun chon̈b' cha, sictac 'oj 'ajcni, 'icha junc chon̈b' 'aj may xon mach cajjnac. 'Oj wac' pultz'joc cot a a chi 'a yib'an̈, ax smucchj can 'at 'a yich a'.

Chuj San Mateo Bible

¹⁹ Yuj chi' sval a in Dios Yajal in tic icha tic: Ol vac' ac'joc satel Tiro chi', icha juntzan̈xo chon̈ab' man̈xa junoc anima cajan d'ay. Ol vac' mucchajcanem d'a yich a' mar.

Ez 26:19 Referans Kwoze

Ez 26:3

Yuj cha, an Jehová Yajl in, an tzwal 'ixtic: Ach Tiro, a ticnec tox in 'och 'ajc'ojlal 'ayach. An tzwala ax yoch pax jun tzo'n̈ xo nacion̈ 'ajc'ojlal 'ayach, 'oj cot eb' 'aych 'icha sq'ue wan b'alb'noc yib'n̈ a mar yuj 'ic'.

Apoc 17:15

Xlajw cha, xyaln pax 'ayn 'ixtic: —A jun tzo'n̈ a mar 'ix ela, 'aj wocn q'ue 'ix 'ajmul 'ix, tzyal 'el'chi, atn jun tzo'n̈ chon̈ab', jun tzo'n̈ nacion̈, yet' eb' 'anma 'a junjn chucchc ti'al.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Dn 9:26

A yic 'oj lajwc 'ec' 62 seman cha, ax smilx cham jun Yajl sic'b'il 'el cha, 'icha to may tas 'ix wul sb'o'. 'Oj lajwc cha, ax sma'x 'ejm lan̈chjoc chon̈b' Jerusalén yet' jun yatut Dios yuj eb' 'anma 'aych yet' jun yajl tot 'oj jawoc. 'Icha wal yel a 'elmal a', 'ixta 'oj 'aj satl Jerusalén. Caw 'oj 'ochn̈j owal, til wal tas 'oj satxoc 'eli, a tzyal wal tas nab'il yuj Dios, masnto 'oj jawc slajb' c'ual.

Ez 27:26

A eb' tzach 'i'n b'ey 'a yib'n̈ a cha, caw najt tzach yij 'at eb' 'a yib'n̈ a mar, ax 'ic' tzcot 'a stojlal 'aj tzq'uel c'u, a 'oj a ma'n b'uychjoc 'a yib'n̈ a'.

Ez 37:3

Yuj cha, xyaln Jehová 'ayn 'ixtic: Ach 'anma', ¿tzam stac' spitzw pax jun tzo'n̈ b'ac tic jun 'ejm xo? xchi 'ayin. In ta'w 'ixtc 'a 'a: Mamin Jehová, ach Wajlil, cojn ach ojtac, xin chi.