Ez 26:10 - Chuj San Sebastian Bible

¹⁰ Til wal no chej ajun yet' win rey cha, yuj cha, caw 'oj mucchjoc 'el jun chon̈b' chi yuj lum pococ 'oj ste' chan̈ no'. A yic 'oj 'och win sreyl Babilonia chi 'a spuertail chon̈ab' 'icha xoj yoch 'a yojl junc chon̈b' to jacwnacx smuroal. Tz'ib'x lum sb'ey setetal scaruaje winac, tz'ib'x pax smuroal jun chon̈b' cha.

Chuj San Mateo Bible

¹⁰ Man̈xo jantacoc noc' chej yed'nac vin̈ rey chi', ol b'ud'joquel chon̈ab' yuj pococ ol stec'q'ue vaan noc'. Ayic ol och vin̈ sreyal Babilonia d'a spuertail chon̈ab' chi', ol te ib'xocq'ue smuroal yuj sc'an̈ carreta, carruaje, yuj pax sc'an̈ yem yoc noc' chej chi', icha tz'aj junoc chon̈ab' toxo ix ac'ji ganar.

Ez 26:10 Referans Kwoze

Ez 27:28

A yic 'oj 'el yaw s'atcn eb' munljum chi 'a yich a', ax eb' 'anma cajn 'a stitc a cha, caw 'oj xiw chan̈ eb' yab'n yel yaw eb'.

Ez 26:15

An Jehová Yajl in, an tzwal 'ixtc 'a yib'n̈ Tiro: A eb' 'anma cajn 'a sti a mar, caw 'oj xiw eb' yab'n yel yaw slajw 'el eb' 'anma 'a chon̈b' Tiro, til wal eb' 'oj chamoc, 'ay pax eb' ton̈j 'oj lajwc cani.

Jeremías 47:3

A wal yic 'oj yab'nc eb' sc'an̈ ste'n 'ejm no chej yoc, yet' 'a yic 'oj yab'nc pax eb' sc'an̈ scot caruaje, caw 'oj pax yip eb'. A eb' mamb'il yet' eb' nunb'il, 'oj yactc can eb' yunnal.

Ez 26:7

An Jehová Yajl in, an tzwala: 'Oj wi' cot win Nabucodonosor 'a stojlal 'aj tzq'uel c'u, atn win sreyl Babilonia, win yel xo jeln 'a yib'n̈ jun tzo'n̈ xo eb' rey. 'Oj jawc win yac' owl et'oc. 'Oj yi' cot scaruaje, schej yet' pax smasnil eb' soldado winac.

Jeremías 4:13

'Ix yaln pax Jehová 'ixtic: 'Iltec wal scot eb' 'ajc'ojol, lajn wal scot eb' 'icha junc 'asun. A wal scaruaje eb', lajn sb'ey 'icha junc chacxuxm 'ic'. 'Ec'b'al sb'ey schej eb' 'a no salt'iw. Alc 'ixtic: ¡'Oltacn̈ec wal an̈ec tic, caw wal 'oj qui satc 'eli! xe chi.

Josué 6:20

A yic 'ix 'utz'x no cacha cha, 'ix 'el yaw smasnil eb' soldado. Yajn̈j wal cha 'ix cot lan̈n̈joc smuroal jun chon̈b' cha. Ax eb' soldado cha, 'ix 'at tza'njoc eb' 'a stojlal 'aj 'ayq'ui, 'ix 'och eb' 'a yol jun chon̈b' cha.

Josué 6:5

A yic tzeyab'ni to man̈xtzac 'och wan yoc' no cacha cha, caw 'ip tzex 'awj cha'an̈, ax scot lan̈njoc smuroal jun chon̈b' cha. Tzlajw cha, tzex 'at tza'njoc junjn ex 'a eyojltac, yic tzex 'och 'a yol chon̈b' cha, xchi.

Jeremías 39:3

Ata 'ix 'oxt smasnil eb' soldado to niwc yopiso yic win sreyl Babilonia. Axta x'och wan eb' 'a jun puerta 'a spacl snan̈l chon̈ab'. A eb' niwc yajl cha, atn eb' tic: Nergal-sarezer, Samgar-nebo, yet' Sarsequim, yet' pax junx win Nergal-sarezer.

Ez 23:24

'Oj jawc eb' 'aych yet' scaruaje, scareta yet' eb' soldado eb'. A eb' soldado cha, caw niwn syamc'ab' eb' yet'i, 'ay q'ue sq'uen xumpiln eb', yet' eb' syamc'ab' tzmacn sat jul-lab'. 'Oj 'och oyn eb' 'ayach, ax ach wa'n 'a yol sc'ab' eb', yic 'oj ach sb'eyc'ojlanc eb' yet' sley.

Ez 26:9

'Oj sma' poj eb' smuroal jun chon̈b' chi yet' te niwc yib'te 'aych q'uen 'a sn̈i', ax sma'n 'ejm eb' jun tzo'n̈ torre yet' niwc almáguina.