Ez 24:6 - Chuj San Sebastian Bible

⁶ An Jehová Yajl in, an tzwal 'ixtic: ¡'Ay, 'oltac wal jun chon̈b' tic, caw milm 'anma'! Lajn wal 'icha junc chen c'uxmtac, a yic tzb'icx 'eli, matz 'el jun sc'uxmtacl cha, xin chi. Ach xo tic, junjnal tzotj e'n q'uet no chib'j cha, man̈ a si'loc.

Chuj San Mateo Bible

⁶ Yujto a in Jehová Yajal in sval icha tic: Ob'iltac jun chon̈ab' milumcham anima. Lajan icha junoc chen c'ustacxo. A sc'ustaquil chi' maxtzac el-laj. D'a junjunal tz'aj ic'anq'ueta noc' chib'ej chi', man̈ a sic'lejlaj noc'.

Ez 24:6 Referans Kwoze

Ez 22:2

Ach 'anma', b'eyc'ojlej chon̈b' Jerusalén, ax alni tas 'oj 'aj yuj smilm 'anma'il. Tza ch'oxn yil smasnil tas yajb'entac sb'o'o.

Nahúm 3:1

'Oltac wal chon̈b' Nínive, yujto ata 'ay eb' 'ixtm 'anma', yet' eb' milwjum. Man̈x yalnb'ilc tas tz'el sb'on eb' ta'.

Nahúm 3:10

Palta jun, a eb' 'aj Tebas, 'ix 'ijx 'at pax eb' 'icha presoal. Ax yunnal eb', xma'x can ch'iychjoc eb' 'a yisquinyoal caye. 'Ix 'ajx 'och suerte 'a yib'n̈ eb' niwc winc 'a scal eb', x'ajx 'och q'uen cadena 'a eb' tzjucb'tzan eb'.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Abdías 1:11

A yic xma'x poj spuertail chon̈b' Jerusalén yuj eb' soldado chuc chon̈b'al, yic yijx 'elt smasnil sricoal jun chon̈b' chi yuj eb' 'ajc'ojl cha, ax xo tic, ton̈j ex 'och q'uelan. A yic xya'n 'och eb' 'ajc'ojl chi suerte 'a yib'n̈ smasnil tastc 'ay 'a jun chon̈b' cha, 'ix yi'n 'at eb' smasnil, ax tic, caw lajn xeyutj e b'a yet' eb' 'ajc'ojl cha.

Ez 22:27

A eb' yajl cha, lajn eb' 'icha no 'ocs tzyam schib'ej, 'anma tzlaj smil eb', tzyi'n 'ec' eb' tas 'ay 'a eb' 'anma cha.

A Ch'an̈ Schab'il Libro Yic Yab'ixal Eb' Rey 24:4

yet' yuj eb' 'anma may smul 'ix yac' milxoc 'a Jerusalén. Yuj cha, man̈xtoc 'ix yac' Jehová niwnc'ojlal.

Apoc 18:24

A 'a jun chon̈b' cha, ata x'ilchj schic'l eb' schecb' Dios, yet' schic'l jun tzo'n̈ xo eb' yic xo. Jantcn̈ej eb' milb'il cham 'a yolyib'n̈q'uinal, c'uxn 'oj 'ochcn schamlil eb' 'a yib'n̈ jun chon̈b' cha.

Apoc 17:6

Ax xwilni, caw 'u'm 'an̈ 'ix yuj schic'l eb' yic xo Dios, atn eb' milb'il chamoc, yujto xyac' eb' testigoal sb'a yuj Jesús. Xcaw sat in c'ojl wiln jun cha.

Mt 23:35

Yuj cha, a 'a eyib'n̈ 'oj jawc schaml smasnil eb' tojl snab'en 'ix milx cham 'a yolyib'n̈q'uinl tic, yictax xcham win Abel, jun tojl snab'en, masnto xc'och stiempoal xcham win Zacarías, win yunnal Berequías. Atn Zacarías chi chamnc yuj eb' e mam eyichm 'a snan̈l yatut Dios yet' jun yet'l xajmb'al.

Jonás 1:7

'Ix yaln eb' ch'umn barco chi 'a junjn 'ixtic: —A ticnec, ca'c 'och b'ul, sec wach' 'oj nachjoc 'el cujec mach 'ay smul, yuj cha, tzjaw jun tic 'a quib'n̈ec, xchi eb'. Xlajw cha, 'ix ya'n 'och eb' jun b'ul cha. Ax x'aji 'ix can 'a yib'n̈ Jonás chajtlto yu'uj 'ixta tz'aj eb'.

Jl 3:3

'Ix ya'n 'och eb' suerte 'a yib'n̈ eb' in chon̈ab', xchon̈x 'el eb' winc 'unn yuj eb' yet' eb' 'ix 'unin. A q'uen tumn schaj eb' stojloc eb' cha, ata slaj eb' q'uen 'a te 'an̈, yet' 'a 'ajmulal.

Ez 24:9

An Jehová Yajl in, an tzwal 'ixtic: ¡'Ay, 'oltac wal jun chon̈b' tic! caw wal milm 'anma'. Yuj cha, 'icha to 'oj wa'ch wal jun niwquil c'ac' 'a yalan̈.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Ez 11:11

A jun chon̈b' tic, ma'oj 'och chenl 'ayex, man̈oc ex 'oj eyoch chib'jal chi 'a 'a, at 'a smon̈jonal e nacion̈ tic 'oj ex in b'eyc'ojloc,

Jeremías 6:29

A yic tzwalx te c'ac' yet' junc wal-lab' 'a caw 'ip, caw tzn̈ilchj te c'ac' chi si'mb'il, tz'ulb'x 'el q'uen plomo 'a scal q'uen plata yuj te'. Ax eb' in chon̈ab', wach'xam xwa'lj in b'on sb'eyb'al eb', palta caw may jac yel'chi, yujto a eb' maysch'olnil sb'eyb'al, caw matz satl eb' 'a scal eb'.

A Ch'an̈ Schab'il Libro Yic Yab'ixal Eb' Rey 21:16

Caw 'ix 'och smul smasnil eb' 'aj Judá yuj jantcn̈ej maysch'olnil sb'o Manasés 'a sat Jehová; til wal 'anma may smul 'ix ya' milxoc, 'ix b'ey schic'l eb' 'anma chi 'a smasnil yol yic Jerusalén.

A Ch'an̈ Schab'l Libro Samuel 8:2

An̈jtona', xya'n ganar David eb' moabita. Xya'n 'em n̈ojn eb' 'a sat lu'um, xlajw cha, xyechtan yet' jun ch'an̈ tz'echtan lu'um. A jantc mach tzcan 'a yojl chab' ch'an̈il, tzcham eb', ax eb' tzcan 'a yojl yoxl ch'an̈il, matz cham eb'. 'Ixta 'ajnc yochcn eb' moabita 'a yaln̈ schecnb'il David, x'ochcn eb' yac' stojlb'al 'a 'a.

Josué 10:22

Xlajw cha, xyaln Josué 'ixtic: —'At jacc sti q'uen n̈aq'uen cha, tzeyi'n 'elt eb' rey chi yown̈il 'a yojl q'ue'en, xchi.

A Ch'an̈ Schab'il Libro Yic Yab'ixal Eb' Rey 24:3

Wal yel 'ix jaw jun tic 'a yib'n̈ Judá, yujto a Jehová 'ix alni, sec tz'elch can eb' israel 'a yojltac yuj smasnil smaysch'olnil 'ix 'el sb'on win Manasés,

Ez 11:3

Tzyaln eb' 'ixtic: An̈ec tic jab'xoj 'oj laj qui b'oc pax catut. A qui chon̈b'ec tic, lajn 'icha junc chen, an̈ec xo tic, lajn on̈c 'icha no chib'j tz'em 'a yojol, yujto colchjnacn̈ec xo 'eli, xchi eb'.

Ez 22:3

Al yab'i', to an Jehová in, an tzwal 'ixtc 'a 'a: Ach chon̈ab', milm ach cham 'anma', 'ix laj a b'o jun tzo'n̈ yechl comn dios, 'ix extn 'el a b'a yet'oc. Ax ticnec b'i'an, tzjaw wal sc'ul eco'.

Ez 24:3

Alcn 'el jun 'ab'x tic 'a ch'oxnb'ilal, tzaln 'a jun chon̈b' tenmtac tic 'ixtic: 'Ixtc wal xyutj Jehová Cajlil yaln 'ayin: 'Ac' q'ue junc chen 'a yib'n̈ c'ac', tza'n 'ejm a 'a yojol.

Dt 23:13

Yowlal tzeyij b'ey junc e te 'icha istaca, tzeyac' 'ejm 'a yol e pa, sec ax yic tzex 'at chuljoc cha, tze joy lum lum chi yet' te'. Tzlajw cha, tzex chulji, ax yic tzlajw e chulj cha, tze lan̈n can pax e chul chi yet' lum lum cha.

Jeremías 2:22

An Jehová in, an tzwala: Wach'xam cob' tze b'icl e b'a yet' q'uen yalta'an̈, mto cob' niwn sawon tzeya'ch 'ayex, palta a e mul cha, caw 'ayn̈j 'ec' 'a wojltac, may xon tzex 'aj e sacb'i.