Ez 23:25 - Chuj San Sebastian Bible

²⁵ Ax wa'n cot wal yowl in c'ojl 'a eb'an̈, 'oj wac' yi'l eb' a n̈i', a chiquin, ax eb' 'anma 'oj canoc, 'oj tzu'xoc cham eb' yet' q'uen espada. 'Oj stoc'c' eb' smasnil eb' 'anma', ax 'a slajub', ax ach sn̈usntz'a eb'.

Chuj San Mateo Bible

²⁵ Yed' val in c'ac'alc'olal ol vac'b'at yoval in c'ol d'a ib'an̈. A eb' chi' ol ach ixtan sic'lab'il. Ol spolel a n̈i' eb' yed' a chiquin. A eb' ol canoc, ol xicjoccham eb' d'a q'uen espada. Ol ic'joquec' eb' une', eb' vinac unin yed' eb' ix. Axo d'a slajvub'al, ol n̈uschajtz'a eb' olto canoc.

Ez 23:25 Referans Kwoze

Ez 23:47

Ax eb' 'anma cha, a eb' 'oj julq'uenan eb' 'ix. 'Oj tzu'x cham eb' yet' q'uen espada, ax smilx pax yune eb' chi yet'oc. Tzlajw cha, ax sn̈usx can yatut eb'.

Sofonías 1:18

A wal 'a jun c'u yic 'oj ya'nc Jehová yowl sc'ojl cha, caw ma'oj colchjoc 'el eb' 'anma yuj q'uen oro, mto yuj q'uen plata, yujto yuj yowl sc'ojl cha, 'oj satl smasnil nacion̈. Wal 'a yajn̈ej ax slajw 'el smasnil 'anma 'a yolyib'n̈q'uinl tic, 'icha tz'aj junc tas satl yuj c'ac'.

Ez 5:13

'Ixta wal 'oj wutc wa'n cot yowl in c'ojl 'a yib'n̈ eb'; 'ixta to b'i'an, ax sb'o in c'ojol. 'Oj yojcoc 'el eb', to yet' sc'a'l in c'ojl an Jehová in tic, 'ix waln jun tzo'n̈ paxti tic.

Ex 34:14

Man̈ ex leslwoc 'a jun tzo'n̈ comn dios, yujto an Jehová in, caw wal own yuj jun tzo'n̈ cha.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.

Cantares 8:6

Comnoc matz chaj a c'ojl tas tzyal junc xo 'ix 'ix, cojn cab' wic tzchaj a c'ojol. May cab' junc xo mach tza la'coti, cojn in cab' tzin a la'coti. A qui chamc'ojlal 'ayn̈ junjn on̈, 'ay cab' yip 'icha chamel. 'Icha yet'l eb' chamnac, matz yactj 'el tas yamb'il yu'uj, 'ixta cab' qui chamc'ojlal tic, lajn cab' 'icha te stzac'ac' caw ow sn̈ilchji.

Pr 6:34

A win winc x'ixtx yistzil cha, caw ow win 'icha te c'ac', matz yac' win niwnc'ojlal 'a yic tzc'och sc'ul spacn sb'a.

Dt 29:20

A Jehová man̈x 'oj yac' niwnc'ojlal, palta tojl xoj ya'n cot yowl sc'ojl 'a yib'n̈ jun 'anma cha. A smasnil yowl sc'ojl Dios alb'il can 'a yojl ch'an̈ un̈ tic, a 'oj jawc 'a yib'an̈, ax satn 'el yin̈tl jun 'anma chi 'a sat lum lum cha.

Ez 23:29

'Oj ach schacl eb', ax yi'n 'ec' eb' smasnil tas tzej 'a a munljel, caw 'oj elcn jitn yuj eb'; c'uxn 'oj checljoc a niwnal xac' tzaljb'oc a c'ojl a b'on 'ajmulal chi yet'oc.

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.