Ez 23:24 - Chuj San Sebastian Bible

²⁴ 'Oj jawc eb' 'aych yet' scaruaje, scareta yet' eb' soldado eb'. A eb' soldado cha, caw niwn syamc'ab' eb' yet'i, 'ay q'ue sq'uen xumpiln eb', yet' eb' syamc'ab' tzmacn sat jul-lab'. 'Oj 'och oyn eb' 'ayach, ax ach wa'n 'a yol sc'ab' eb', yic 'oj ach sb'eyc'ojlanc eb' yet' sley.

Chuj San Mateo Bible

²⁴ Ol cot eb' chi' d'ayach yed' jantac carruaje yed' eb' soldado. Toxon̈ej ol oymaj eb' d'a a patic, yed'nac syamc'ab' eb' yic oval yed' sq'uen xumpil, yed'nac pax smaclab' jul-lab' eb'. A in ol vac' yopisio eb' yic syac'an a yaelal, icha yalan sley eb'.

Ez 23:24 Referans Kwoze

Ez 26:10

Til wal no chej ajun yet' win rey cha, yuj cha, caw 'oj mucchjoc 'el jun chon̈b' chi yuj lum pococ 'oj ste' chan̈ no'. A yic 'oj 'och win sreyl Babilonia chi 'a spuertail chon̈ab' 'icha xoj yoch 'a yojl junc chon̈b' to jacwnacx smuroal. Tz'ib'x lum sb'ey setetal scaruaje winac, tz'ib'x pax smuroal jun chon̈b' cha.

Ez 23:45

Palta 'oj b'eyc'ojlaxc eb' 'ix yuj ewin winc tojl snab'en. 'Oj b'eyc'ojlaxc eb' 'ix yuj yajmulal, ax sb'eyc'ojlax eb' 'ix yuj smilm 'anma'il, yujto niwn 'anma xcham yuj eb'.

Ez 16:38

Ax in b'eyc'ojlan yuj yajmulal yet' yuj smilm 'anma'il, 'oj wac' 'a yol sc'ab' chaml yuj yowl in c'ojl 'a yib'an̈.

Jeremías 47:3

A wal yic 'oj yab'nc eb' sc'an̈ ste'n 'ejm no chej yoc, yet' 'a yic 'oj yab'nc pax eb' sc'an̈ scot caruaje, caw 'oj pax yip eb'. A eb' mamb'il yet' eb' nunb'il, 'oj yactc can eb' yunnal.

A Ch'an̈ Schab'l Libro Samuel 24:14

Yuj cha, xyaln David 'a Gad 'ixtic: —Caw wal matz nachj wu'uj. Yel xo wach' tzon̈ canc 'a yol sc'ab' Jehová, yujto niwquil schamc'ojlal 'ayn̈ec; man̈oc cab' 'a yol sc'ab' eb' 'anma tzon̈ canec, xchi.

Ez 21:23

Palta a eb' 'aj Jerusalén cha, ma'oj scha eb' yab'i'. A snan eb' to 'es jun cha, yujto 'ayx strato eb' b'ob'il yu'uj. Palta a win rey cha, 'oj yac' win sna cot eb' smul, ax ya'n win yamchjoc eb'.

Ez 26:7

An Jehová Yajl in, an tzwala: 'Oj wi' cot win Nabucodonosor 'a stojlal 'aj tzq'uel c'u, atn win sreyl Babilonia, win yel xo jeln 'a yib'n̈ jun tzo'n̈ xo eb' rey. 'Oj jawc win yac' owl et'oc. 'Oj yi' cot scaruaje, schej yet' pax smasnil eb' soldado winac.

Jeremías 52:9

'Ix yamchj win rey Sedequías chi yuj eb' soldado yic Babilonia, xyi'n 'at eb' win 'a win sreyl Babilonia 'ayc' 'a Ribla 'a yol yic Hamat. Ata 'ix yal Nabucodonosor tas tz'aj Sedequías.

Jeremías 52:11

Ax pax Sedequías cha, 'ix 'ijx 'elt yol sat, 'ix jalx yet' q'uen cadena, 'ix 'ijx 'at presoal 'a Babilonia. Ata xchami.