Ez 22:6 - Chuj San Sebastian Bible

⁶ Ax eb' syajlil chon̈ab', yaln̈ej tas yopiso eb', tzyac' eb' yip smilw 'anma'.

Chuj San Mateo Bible

⁶ A jantac eb' yajal cajan d'a e cal chi', smilcham anima eb', yujto ay yopisio eb'.

Ez 22:6 Referans Kwoze

Ez 22:27

A eb' yajl cha, lajn eb' 'icha no 'ocs tzyam schib'ej, 'anma tzlaj smil eb', tzyi'n 'ec' eb' tas 'ay 'a eb' 'anma cha.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Zacarías 3:3

Ax Josúe cha, caw wal lumtac spichl 'aych yu'uj, lin̈n 'och 'a yojltac yángel Jehová cha.

Miqueas 2:1

'Oltac wal eb' waync cob'i', palta xoj smitz'tz'ec' snab'en eb' snani tas maysch'olnilal 'oj sb'o eb', ax yic tzsacb' 'eli, tzyamn 'och eb' sb'on tas tzna cha, yujto 'ayc' 'a yol sc'ab' eb' sb'oni.

Dn 9:8

An̈ tic on̈ Mamin Jehová, caw lajn on̈n̈ej 'icha eb' qui reyl on̈, eb' yajl yaj 'a qui cal on̈, yet' pax eb' qui mam quichm on̈. Caw wal q'uixweltac quec' tzcab' on̈, yujto x'och qui mul 'aych on̈.

Jeremías 32:32

A eb' israel yet' eb' et chon̈b' 'aj Judá cha, caw stzuntzj cot eb' yowl in c'ojl yuj jun tzo'n̈ smaysch'olnilal xlaj sb'o'. Lajn xoj tas tz'el sb'on eb' yet' sreyal, eb' yajal, eb' ya'mal 'och sti eb' 'ayin, eb' in checab', yet' pax smasnil eb' 'anma cajn 'a Jerusalén yet' 'a Judá.

Jeremías 5:5

'Oj in 'at paxtinc yet' eb' 'anma caw niwn yel'chi. A eb' cha, tecn yojc eb' tas tznib'j Jehová sDiosal eb', yet' tas tzyal 'a eb', xin chi cob'i'. Palta smasnil jun tzo'n̈ eb' cha, an̈jtona x'och eb' tenmtacl 'a Dios, ma'ix syiclj eb' tas 'ix yala.

Nehemías 9:34

A eb' qui reyl on̈, eb' qui yajlil on̈, eb' ya'mal 'och qui ti 'ayach, eb' qui mam quichm on̈, ma'ix syiclj eb' a ley, ma'ix chaj eb' yab' tas 'ix alx 'a eb'.

Ez 21:12

Ach 'anma', 'el cab' aw oq'ui, yujto 'oj tzu'xoc cham eb' in chon̈ab' yet' eb' 'aych yajlil 'a scal eb'. A eb' yajl cha, junn̈j 'oj 'aj eb' scham yet' eb' chon̈ab', ach xo tic, tza mac' sn̈i a c'ojl yuj cusc'ojlal.

Ez 22:3

Al yab'i', to an Jehová in, an tzwal 'ixtc 'a 'a: Ach chon̈ab', milm ach cham 'anma', 'ix laj a b'o jun tzo'n̈ yechl comn dios, 'ix extn 'el a b'a yet'oc. Ax ticnec b'i'an, tzjaw wal sc'ul eco'.

Pr 30:14

'Ay pax mach matz 'o'ch xon sc'ojl 'a eb' meb'a', caw tz'ixtx eb' yu'uj, tzyi'n can 'ec' tas 'ay 'a eb'.

Jeremías 22:17

Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Sofonías 3:4

A eb' tzyalch sb'a schecb'oc Dios, caw tzb'an̈ sb'a eb', 'a'm 'es eb'. A eb' ya'mal 'och sti eb' 'anma', tzyixtj 'el eb' scajnub' Dios, tzjeln eb' tas tzyal sley.