Ez 22:31 - Chuj San Sebastian Bible

³¹ Yuj wal cha, 'oj wa' cot yowl in c'ojl 'a yib'an̈. 'Oj wac' lajwc 'el eb' 'anma yuj in c'a'lc'ojlal. 'Ixta 'oj 'aj sjaw yailal 'a yib'n̈ eb' yuj sb'eyb'al cha, xchi Dios, xa chi 'a eb', xchi 'ayin.

Chuj San Mateo Bible

³¹ Yuj chi' a in Jehová in svac'b'at yaelal d'a yib'an̈ eb', ol in satel eb' yed' in c'ac'alc'olal. Icha chi' ol aj sjavi d'a yib'an̈ eb' yuj chucal sc'ulej, xchi Jehová, xa chi d'a eb', xchi d'ayin.

Ez 22:31 Referans Kwoze

Ez 16:43

An Jehová in, an tzwala. 'In man̈xtoc sna coti tas 'ajnc scot 'a yune'al, stzuntzj cot yowl in c'ojl yet' jun tzo'n̈ tas sb'o cha. Yuj wal jun sb'eyb'al tic, ax wa'n 'och syailal.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.

Ez 7:3

Ax israel ex tic, xc'och sc'ul e lajw 'eli, wal scot yowl in c'ojl 'a eyib'n̈ tic. 'Oj ex in b'eyc'ojloc yuj tas maysch'olnil tzlaj e b'o'. 'Oj wa'ch eyailal yuj e b'eyb'al yajb'entac.

Ez 11:21

An Jehová in an tzwala. A eb' tznib'j to tzb'eylb'ej tas yajb'entac, an 'oj wac' syailal eb' yuj jun tzo'n̈ sb'eyb'al cha, xchi Dios 'ayin.

Apoc 16:1

Xlajw cha, xwab'n yoch jun paxti 'a jun Lugar caw yicn̈ej Dios yaj sch'ocoj. Caw 'ip yaln 'ixtc 'a eb' ángel chi yucwn̈il: —'Ixquec, 'at secc 'ejm sb'al uque vaso chi 'a yolyib'n̈q'uinal. A sb'al cha, atn yowl sc'ojl Dios, xchi.

Is 10:5

'Ix yal Dios 'ixtic: A win sreyl Asiria, a win tzin c'anlb'ej yet' yowl in c'ojol, 'icha to in c'occh yaji, a tzwac' 'a'nc 'och eyailal.

Is 13:5

Atn eb' xlaj cot 'a jun tzo'n̈ nacion̈ 'a najat, 'a 'aj tzlajw c'och sti lum lum tic. 'Icha to syamc'ab' Jehová yaj eb' yuj 'a owal, sec a eb' tzsatn 'el smasnil tas 'ay 'a sat lum lum tic yuj yowl sc'ojol.

Is 30:27

'Iltec wal scot Jehová 'a najat. Caw wal tzcot yowl si'mb'il. Lajn wal yowl sc'ojl chi 'icha jun c'ac' caw tzn̈ilchji, tzq'ue pax stab'il. A spaxti', lajn 'icha jun c'ac' tzn̈usntz'a smasnil tastac.

Lm 4:11

'Ix ya' cot Jehová yowl sc'ojl 'a yib'n̈ chon̈b' Sión, xyac' 'el'choc 'icha tas nab'il yu'uj. 'Ix ya'ch sc'a'l jun chon̈b' tic, masnto xlajw stz'a 'ejm smuroal yich.

Ez 7:4

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli to an Jehová in tic to cojn in ton Dios in.

Ez 22:20

'Icha tzyac' junc mach tzsi'n syam sb'a q'uen plata, q'uen bronce, q'uen hierro, q'uen plomo yet' q'uen estaño, tzya'n 'och 'a yol jorna, tzya'n 'och sc'aq'uil sec tz'ulb'xi, 'ixta 'oj ex wutoc, 'oj wec eyam e b'a yuj yowl in c'ojol, ax ex wa'n 'ulb'xoc yet' yailal.

Ez 23:1

'Ix yaln Jehová 'ayn 'ixtic:

Ez 30:8

A yic 'oj wa'n 'och sc'a'l jun chon̈b' cha, ax slajw can pax 'ejm smasnil eb' 'anma tzcoln jun nacion̈ cha. 'Ixta to b'i'an, ax yojcan 'el eb' to an ton Jehová in, to cojn in ton Dios in.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Is 29:2

'Oj ya'ch Dios eb' 'anma cajn 'a chon̈b' chi 'a b'ilc'ojlal, 'a cusc'ojlal. 'Oj laj c'acljoc eb' yab'n syail. A jun chon̈b' cha, 'icha wal yet'l xajmb'al, 'ixta 'oj 'ajcn 'a sat Dios.

Jeremías 8:13

Tzyaln pax Jehová 'ixtic: 'Oj wi'l eb' in chon̈b' tic 'icha tz'aj spolx 'el 'ixm trigo, yujto lajn eb' 'icha junc te snun uva, mto 'icha junc te snun higo may sat, wan stacj pax 'el xi'il, 'ixta 'eb'. Yuj cha, a tas wa'jnac 'a eb', 'oj can 'a yol sc'ab' jun tzo'n̈ chuc chon̈b'al, xchi.