Ez 22:22 - Chuj San Sebastian Bible

²² 'Icha tz'aj yulb'x q'uen plata 'a scal c'ac', 'ixta 'oj eyaj eyulb'x yuj yailal 'a yol chon̈b' cha. 'Ixta to b'i'an, ax eyojcan 'eli, to an Jehová in, an tzwa'ch eyailal yuj yowl in c'ojol, xchi Dios, xa chi 'a eb', xchi 'ayin.

Ez 22:22 Referans Kwoze

Ez 20:33

An Jehová in, an tzwa'cn in ti', to 'oj jawc yowl in c'ojl 'a eyib'an̈, yet' in poder ax wa'n 'och eyailal niwquil.

Ez 20:8

Palta 'ix meltzj 'och eb' 'ajc'ojlal 'ayin. Ma'ix syiclj eb' tas xwala, ma'ix sjulcn 'el eb' jun tzo'n̈ yechl to yajb'entac cha, ma'ix yactj can eb' jun tzo'n̈ yechl sdiosal eb' 'aj Egipto. Yuj cha, 'ix walni to tzwac' syailal eb', yic tzwi'n 'el yowl in c'ojl 'a yib'n̈ eb' 'a Egipto cha.

Os 5:10

An Jehová in, an tzwala: A eb' yajl yaj 'a chon̈b' Judá, lajn eb' 'icha eb' 'anma tzt'un̈n smon̈jonal lum lu'um, yuj cha yelc'ojlal 'oj in satl eb' yet' yowl in c'ojol.

Apoc 16:1

Xlajw cha, xwab'n yoch jun paxti 'a jun Lugar caw yicn̈ej Dios yaj sch'ocoj. Caw 'ip yaln 'ixtc 'a eb' ángel chi yucwn̈il: —'Ixquec, 'at secc 'ejm sb'al uque vaso chi 'a yolyib'n̈q'uinal. A sb'al cha, atn yowl sc'ojl Dios, xchi.

Ez 22:31

Yuj wal cha, 'oj wa' cot yowl in c'ojl 'a yib'an̈. 'Oj wac' lajwc 'el eb' 'anma yuj in c'a'lc'ojlal. 'Ixta 'oj 'aj sjaw yailal 'a yib'n̈ eb' yuj sb'eyb'al cha, xchi Dios, xa chi 'a eb', xchi 'ayin.

Ez 22:16

Q'uixweltac 'oj ajcn 'a sat jun tzo'n̈ xo nacion̈, ax ojcan 'eli, to an Jehová in, cojn in ton Dios in, xchi Dios, xa chi 'a chon̈b' Jerusalén, xchi 'ayin.

Ez 22:21

'Oj wec eyam e b'a, ax wa'n 'och eyailal, 'oj ex wac' 'ulb'xoc, 'icha tz'aj yoch sc'a'l junc tas, 'ixta 'oj ex wutc yet' yowl in c'ojol.

Ez 22:23

'Ix yaln pax Jehová 'ayn 'ixtic:

Ez 36:18

Yuj cha, xwa'n cot yowl in c'ojl 'a yib'n̈ eb', yujto til wal 'anma smil eb' 'a yol schon̈ab', xlaj ya'n 'ejm sb'a eb' 'a jun tzo'n̈ yechl comn dios.

Ez 7:9

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli, to an Jehová in, an tzwa'ch eyailal.