Ez 21:31 - Chuj San Sebastian Bible

³¹ 'Icha wal stz'a junc tas yuj c'ac', 'ixta 'oj wutc wi'n 'el yowl in c'ojl 'a eyib'an̈. 'Oj ex wac' 'a yol sc'ab' eb' 'anma maysch'olnil, atn eb' milm 'anma'.

Chuj San Mateo Bible

³¹ Icha val junoc c'ac' tz'eli, icha val chi' ol aj vac'anb'at yoval in c'ol d'a eyib'an̈. Ol ex vac'och d'a yol sc'ab' eb' anima chuc spensar, aton eb' te jelan smilvaji.

Ez 21:31 Referans Kwoze

Hageo 1:9

A tze na'a to niwn tas 'oj eyic' 'a e munljel, palta jab' wali. An Jehová in, an tzwala, a tas cob' tze mol 'a yol eyatut, 'icha to an tzwutz'j 'at yet' wic'. ¿Tas yuj 'ixta tzex wutj tze na'a? 'Ixta tzex 'aji, yujto lann̈chjnac 'ejm watut, ya' sb'a ax xo tic, cojn eyatut chi 'ayx 'och 'il e b'oni.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Ez 14:19

Toto tzwa't yab'il 'a yib'n̈ junc nacion̈ cha, yet' wal yowl in c'ojol, ax wa'n cham eb' 'anma yet' no noc'.

Ez 7:8

A ticnec b'i'an, wal wa'n cot yowl in c'ojl 'a eyib'n̈ ax israel ex tic. 'Oj wac' 'el'choc yowl in c'ojl 'a eyib'n̈ 'icha tas tzin na'a. 'Oj ex in b'eyc'ojloc yuj tas maysch'olnil tzlaj e b'o', ax wa'n eyailal yuj e b'eyb'al yajb'entac.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Salmos 18:15

'Ix checlj chan̈ yich a mar o'oj, ax sb'achnub'al yaln̈ yolyib'n̈q'uinal 'ix 'ilxi, yujto caw 'ip ach 'awj Mamin Jehová, caw ow pax jun 'ic' 'ix a' coti.

Is 40:7

A te c'ultac caw yajn̈ej tztacj can 'el te', ax snich te', tzlaj puccn 'eli, yic tz'ec' yic' Jehová 'a scal te'. Yel ton wal b'i'an, ax 'anmax tic, lajn ex wal 'icha te c'ultac.

Is 37:7

'Ilto, an 'oj wa'ch junc xiwlal 'a 'a. A yic 'oj yab'nc junc 'ab'ix, ax smeltzj 'a schon̈ab'. Ata 'oj wac' milxc cham yet' espada, xchi Dios, xchi Isaías.

Salmos 79:6

A jun a c'a'lc'ojlal cha, 'at cab' can 'a yib'n̈ eb' chuc chon̈b'al, yet' 'a yib'n̈ eb' yajl may 'aj tzyac' 'ejm sb'a 'ayach.

Ez 7:24

Yuj cha, 'oj wi' cot eb' 'anma yel xo maysch'olnil 'a jun tzo'n̈ xo nacion̈, ax yica'an eb' jun tzo'n̈ tas 'ay 'a jun nacion̈ tic. 'Ixta 'oj 'aj wi'n 'ejm eb' tzb'an̈ sb'a yet' tas 'ay 'a 'a; man̈x 'a yel'ch 'oj 'ajcn jun tzo'n̈ 'aj tzyal sb'a eb' cha.

Ez 25:7

Yuj cha, 'oj wi' chan̈ in c'ab', ax wa'n 'och eyailal. 'Oj ex wac' 'a yol sc'ab' jun tzo'n̈ xo nacion̈, sec 'oj 'ijxoc 'ec' smasnil tas 'ay 'ayx yuj eb'. Ax ex in satn 'el 'a scal jun tzo'n̈ xo chon̈ab', 'oj e lajw 'el 'a jun 'ejmn̈ej, sec 'oj eyojcoc 'eli, to an Jehová in, an 'ixta tzex wutej.

Salmos 89:40

A smuroal schon̈ab', tox 'ix lan̈chj 'ejmi, a jun schon̈b' cha, 'ix lajw 'ejm o'oj.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.