Ez 21:17 - Chuj San Sebastian Bible

¹⁷ An xo tic, 'oj in poc' in c'ab' yic tzwi'n 'el yowl in c'ojl 'a yib'n̈ eb' 'anma'. An Jehová in, an tzwala, xchi Dios, xa chi 'a eb', xchi 'ayin.

Chuj San Mateo Bible

¹⁷ A in Jehová in svala' to ol in tz'it pax in c'ab', masanto ol sicb'oc yoval in c'ol d'a in chon̈ab' tic, xchi Jehová d'ayin.

Ez 21:17 Referans Kwoze

Ez 5:13

'Ixta wal 'oj wutc wa'n cot yowl in c'ojl 'a yib'n̈ eb'; 'ixta to b'i'an, ax sb'o in c'ojol. 'Oj yojcoc 'el eb', to yet' sc'a'l in c'ojl an Jehová in tic, 'ix waln jun tzo'n̈ paxti tic.

Ez 21:14

Ach 'anma', al yab' eb' et chon̈b' cha, to 'ay tas 'oj jawc 'a yib'n̈ eb'. Poc' a c'ab' yil eb', yujto caw wal 'ay smay jun espada cha, yel xo wal 'oj cot yowl jun chi smilwj yet' q'ue'en, tzanxn̈ej 'ajtil 'oj 'och chaml yuj q'ue'en.

Zacarías 6:8

Xlajw cha, x'awj jun ángel chi 'ayn 'ixtic: 'Ilt nab'an, yuj wal jun caruaje 'ix 'at 'a jun nacion̈ 'ay 'a stojlal norte, ax yoch wan yowl sc'ojl Jehová 'a yib'n̈ jun nacion̈ cha, xchi.

Ez 22:13

An Jehová Yajl in an tzwala, caw wal tzcot wowl yuj tas tzyij eb' 'a spatc eb' yit 'anma'il, yet' yuj smilwjumal eb'.

Ez 16:42

'Ixta wal 'oj wutc wi'n 'el yowl in c'ojl 'a yib'an̈. 'Oj b'o in c'ojol, man̈x 'oj cot wowl 'a 'a.

Is 1:24

Yuj cha, an Jehová in tztac' wuj smasnil, Syajlil in chon̈b' Israel, an tzwal 'ixtic: Ax xo 'ajc'ojl eyajch 'ayin. Wal in b'on yaj in b'a eyet' tic, 'oj in pac in b'a 'ayex.

Dt 28:63

A Jehová caw 'ay stzaljc'ojlal yic tzya'n niwtjoc qui b'islec; 'ixta pax 'oj tzaljoc 'a jun tiempoal cha yic 'oj e lajw pax 'eli. Caw man̈x 'a yel'ch 'oj eyaj e satl 'a sat lum lum 'aj jab'xoj e c'och cajn cha.

Nm 24:10

A yic xyab'n Balac jun tzo'n̈ paxti cha, caw wal xcot yowl 'a Balaam, caw spoc' sc'ab' scot yowal, xyaln 'ixtic: —Ach wawtej yic tza catb'tzan jun tzo'n̈ 'anma 'ajc'ojl yajch 'ayn tic, palta ax tzotej, 'in to yox 'ejmal xo aln wach' paxti 'a yib'n̈ eb'.

Ez 21:16

'Oj milwjoc q'uen 'a swach' yet' 'a surito, 'oj milwjoc 'a schapaq'uil.

Ez 21:18

'Ix yaln pax Jehová 'ayn 'ixtic:

Jeremías 6:25

¡Man̈x ex 'at munljoc, man̈x ex 'ec' b'eyc'oc 'a yoltc b'e! ¡Yujto a eb' 'ajc'ojl yajch 'ayn̈ec, 'ayx 'ec' eb' yet' syamc'ab' yic owal. 'Ayxn̈ej xiwc'ojlal 'a smasnil lugar! xchi eb' 'anma cha.

Jeremías 31:19

'Ix quij 'el qui b'a 'ayach, palta xqui na qui b'a ticnec. A yic xcojcan 'eli, to caw may qui ch'olnil on̈, chijn on̈ 'ejmi, tzon̈ 'ec' yuj q'uixwc'ojlal. 'Emmquilal xoj tzcutj qui b'a yuj jantc qui mul x'och 'a yictax quelm on̈t on̈, xchi eb' 'aj chon̈b' Efraín 'ayin.

Ez 36:31

A yic 'oj e nanc cot e tu b'eyb'al cha, mto e mul, ax eyiln cot e b'a, to maysch'olnil tas e b'ojnac, ax eyecn q'uixwc e b'a yuj tas maysch'olnil tze b'o cha.