Ez 21:10 - Chuj San Sebastian Bible

¹⁰ Lista xo yaji yic tzmilwji, caw wal tzictzni yel sc'a'l 'icha raya. Man̈x 'a tzaljc'ojlal, yujto ex cob' in tench wa'an, palta may yel'ch tas xwal 'ayex.

Chuj San Mateo Bible

¹⁰ Jayxo yaj q'ueen yic xicjicham anima. N̈icb'ilel q'ueen yic tz'el copnaj sc'ac'al q'ueen. Man̈xalaj tzalajc'olal yujto a vin̈ e reyal max xivlaj vin̈ d'a yaelal yed' d'a scachnab'il.

Ez 21:10 Referans Kwoze

Ez 20:47

Tzalni to an Jehová in an tzwal 'ixtic: An Jehová in, an 'oj wa'ch sc'a'l lum calcte 'ay 'a Neguev, 'oj sn̈us jun c'ac' chi eb' te te yax xi'il yet' eb' te tacn̈ xo. A jun c'ac' cha, ma'oj tupoc, 'oj sn̈us jun c'ac' chi sat eb' 'anma 'ay 'a stojlal sur masnto 'oj c'och 'a eb' 'ay 'a stojlal norte.

Apoc 2:27

'Icha yutjnac in Mam ya'n Wopiso an tic, 'ixta 'oj wutc wa'n yopiso eb'. Yuj cha, 'oj yac' eb' yajlil yet' junjn sq'uen c'ococh. Ax junjn nacion̈ cha, 'icha junc lum chen tzma'x pojoc, 'ixta 'oj 'aj yuj eb'.

Habacuc 3:11

Ax c'u yet' 'uj, 'ix 'och wan eb' sb'eyi, yic 'ix 'elt jupljoc a jul-lab' cha, caw 'ix q'ue wan jupljoc a lanza.

Nahúm 3:3

'Ay q'ue eb' soldado 'a yib'n̈ chej tz'ec' eb'. Caw tzcopmj yespada eb' yeq'ui. Tzictzni yilx q'uen lanza. Smil-l xo sb'isl eb' x'ejmi, b'ulctac xoj yaj eb' chamnac. Man̈x yalnb'ilc niwnal t'ocq'uixtac yaji. Tzlaj can locn yoc eb' 'anma 'a eb'.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Jeremías 46:4

'A'c 'och stz'um e no chej, tzex 'och 'a yib'n̈ e no'. 'A'c q'ue e q'uen xumpilin, jun jit'n̈ tzeyutj e b'a. Ñicc sn̈i e lanza. 'A'c 'och smacl sn̈i e c'ojol, xchi cab' eb' 'a eb' soldado cha.

Ec 3:4

'Ay yorail yoch 'oq'uel, 'ay pax yorail yoch tze'ej. 'Ay yorail yoch cusc'ojlal, 'ay pax yorail yoch q'uin̈.

Ester 3:15

Wal 'a yajn̈ej 'ix spucn 'el eb' checb' chi ch'an̈ un̈ 'aj tz'ib'b'il jun ley cha, a tzyal xyutj win rey yalni. 'Ix alx 'el jun paxti chi mu'c 'a yol chon̈b' Susa. Ya' sb'a wan yu'w 'an̈ win rey yet' win Amán, ax eb' 'anma 'a chon̈b' Susa cha, caw wal somchj chan̈ eb' yuj jun paxti cha.

A Ch'an̈ Schab'l Libro Samuel 7:14

An 'oj woch mamb'il-l 'a 'a, ax 'oj 'och 'unnab'ilal 'ayin. Toto 'ay 'aj 'oj 'och smul, 'oj wa'ch syailal, 'icha tzyac' junc mamb'il tz'a'n 'och tz'um 'a junc yunnal,

Ez 21:11

A jun espada cha, caw wal tzictzni x'aj sb'o'i, caw jay pax ye, lista xo yaji yic tz'ajx 'a yol sc'ab' jun 'oj milwjoc cha, xchi Dios, xa chi 'a eb'.

Jeremías 23:20

Ma'oj 'och wan yowl in c'ojl cha, masnto 'oj 'el'choc 'icha tas tzin nib'ej. At 'a slajb' c'ual, atta 'oj nachjoc 'el jun tzo'n̈ tic eyu'uj.