Ez 20:8 - Chuj San Sebastian Bible

⁸ Palta 'ix meltzj 'och eb' 'ajc'ojlal 'ayin. Ma'ix syiclj eb' tas xwala, ma'ix sjulcn 'el eb' jun tzo'n̈ yechl to yajb'entac cha, ma'ix yactj can eb' jun tzo'n̈ yechl sdiosal eb' 'aj Egipto. Yuj cha, 'ix walni to tzwac' syailal eb', yic tzwi'n 'el yowl in c'ojl 'a yib'n̈ eb' 'a Egipto cha.

Chuj San Mateo Bible

⁸ Palta spitej sb'a eb' d'ayin. Maj yal sc'ol eb' scha yab' tas vala'. Maj satel-laj sdiosal eb' yajb'entac chi', maj yactejpaxcan juntzan̈ sdiosal eb' aj Egipto chi' eb'. Yuj chi' in na vac' syaelal eb' yed' masanil yoval in c'ol d'a yol smacb'en Egipto chi'.

Ez 20:8 Referans Kwoze

Ez 20:21

Palta ax eb' 'unnab'il cha, 'ix meltzj pax 'och eb' 'ajc'ojlal 'ayin, ma'ix syiclj eb' in ley yet' in checnb'il, wach'xam to a tz'a'n sq'uinl eb' tzb'eylb'ani. Ma'ix syiclj pax eb' sc'ul 'iljelal, yuj cha, xin nani to tzwa'ch syailal eb' yuj yowl in c'ojol, yic tzin satn 'el eb' 'a lum cusltac lum cha.

Ez 20:7

Xlajw cha, xwaln 'a eb' 'ixtic: Junjn mach, sjul cab' 'el jun tzo'n̈ yechl sdiosal yajb'entac yilx cha. Man̈ eyixtc 'el e b'a yet' jun tzo'n̈ yechl sdiosal eb' 'aj Egipto, yujto an Jehová in, an e Diosal in, xin chi 'a eb'.

Ez 7:8

A ticnec b'i'an, wal wa'n cot yowl in c'ojl 'a eyib'n̈ ax israel ex tic. 'Oj wac' 'el'choc yowl in c'ojl 'a eyib'n̈ 'icha tas tzin na'a. 'Oj ex in b'eyc'ojloc yuj tas maysch'olnil tzlaj e b'o', ax wa'n eyailal yuj e b'eyb'al yajb'entac.

Ez 5:13

'Ixta wal 'oj wutc wa'n cot yowl in c'ojl 'a yib'n̈ eb'; 'ixta to b'i'an, ax sb'o in c'ojol. 'Oj yojcoc 'el eb', to yet' sc'a'l in c'ojl an Jehová in tic, 'ix waln jun tzo'n̈ paxti tic.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Ez 20:13

Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Dt 9:7

May wal b'a'n̈ tzeyac' sat 'a e c'ojol, chajtlto ax tic, 'ochnc ex 'ajc'ojlal 'a Jehová, yic 'ayn̈ec 'ec' 'a lum cusltac lu'um. Yictax on̈ 'eltec 'a Egipto masnto on̈ jawc 'a jun lugar tic, an̈j 'ijnoc pit tzeyutj e b'a 'a 'a.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

Lv 18:3

Man̈ e b'eylb'oc sb'eyb'al eb' 'aj Egipto, atn jun nacion̈ 'aj 'e'nc ex cajan. Man̈ e b'eylb'oc pax sb'eyb'al eb' 'aj Canaán, atn 'aj wan ex wi'n 'ati.

Salmos 69:24

'A' cot yowl a c'ojl 'a yib'n̈ eb', yamchj cab' eb' yuj a c'a'lc'ojlal.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Jeremías 7:24

Palta ma'ix schaj eb' yab'i'. A yic eb', to caw pit xyutj sb'a eb', syiclni eb' sb'on tas tu xjaw 'a snab'en. Caw 'ix yixtj 'el sb'a eb', man̈x 'ic sna sb'a eb' jab'oc.

Jeremías 11:8

Palta ma'ix schaj eb' yab'i', ma'ix syiclj eb'. A yic eb', to 'ix yac' eb' pitb'oc 'el snab'en. 'Ix ya'n 'at sb'a eb' 'a scal maysch'olnil. Man̈x 'ic yal sc'ojl eb' syiclj tas waljnac 'a 'a. Yuj cha, 'ix wa'n cot yailal 'a yib'n̈ eb', 'icha wal yaln can 'a jun trato cha, xchi Dios 'ayin.

Ez 20:16

Yujto ma'ix syiclj eb' in ley yet' in checnb'il, ma'ix syiclj pax eb' sc'ul 'iljelal to wic yaji, an̈j 'a jun tzo'n̈ yechl comn dios 'aych snab'en eb'.

Ez 22:22

'Icha tz'aj yulb'x q'uen plata 'a scal c'ac', 'ixta 'oj eyaj eyulb'x yuj yailal 'a yol chon̈b' cha. 'Ixta to b'i'an, ax eyojcan 'eli, to an Jehová in, an tzwa'ch eyailal yuj yowl in c'ojol, xchi Dios, xa chi 'a eb', xchi 'ayin.

Os 9:10

Tzyaln Jehová 'ixtic: A wal yic xin chan in b'a yet' eb' 'aj Israel, caw wal in tzalji, 'icha eb' tz'ilchj te uva yuj 'a lum cusltac lu'um. A eb' e mam eyicham, 'icha wal junc sat te higo tzb'ab'l 'el-li, 'ixta eb' 'a in sat. Palta ax yic xc'och eb' 'a Baal-peor, 'ix ya'n 'ejm sb'a eb' 'a Baal, yuj cha, caw yajb'entac xyutj sb'a eb' 'icha jun comn dios schamc'ojlej eb' cha.

Dt 9:24

¡Yictax ex wojcan 'eli, xin yamn 'och wilni to caw wal pit tzeyutj e b'a 'a Jehová!

Salmos 78:8

Man̈ lajnoc 'oj yutc sb'a eb' 'icha eb' qui mam quichmec, yujto a eb' cha, 'e'nc eb' 'a yib'an̈, tenmtac eb', may pax ste'nal eb'. Man̈ yiclumoc eb' 'a Dios.

Salmos 78:17

Palta an̈j 'ijnoc 'ix 'och smul eb' qui mam quichmec chi 'a Dios to niwn yel'chi, 'ix meltzj 'och eb' 'a 'a, yic 'ayc' eb' 'a cusltac lu'um.

Salmos 81:12

Yuj cha, xwa'n can 'at eb' 'a scal stenmtaquil, 'ix ya'n eb' sgana 'icha tznib'ej.

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.

Ez 23:3

A chawn̈ 'ix tic, caw cob's to eb', xya'n 'och sb'a eb' 'ajmulal 'a Egipto; ata xyac' eb' yamxoc yim, 'ix 'e'cn scob'sal eb' chi ta'.