Ez 20:4 - Chuj San Sebastian Bible

⁴ Ach 'anma', b'eyc'ojlej eb' ach tic, 'ac' yojcoc 'el eb' tas syajb'entacl x'ec' smam yichm eb'.

Chuj San Mateo Bible

⁴ Ach anima al d'a eb' tas syaelal eb' ol vac'a'. Scham val ac'an yojtaquejel eb' tas te yajb'entac sc'ulejnac eb' smam yicham eb'.

Ez 20:4 Referans Kwoze

Ez 22:2

Ach 'anma', b'eyc'ojlej chon̈b' Jerusalén, ax alni tas 'oj 'aj yuj smilm 'anma'il. Tza ch'oxn yil smasnil tas yajb'entac sb'o'o.

Ez 23:36

'Ix yaln Jehová 'ayn 'ixtic: Ach 'anma', al yab' 'ix Ahola yet' 'ix Aholiba, to 'oj yab' eb' syal yuj jantcn̈ej tas yajb'entac sb'o'o.

1 Co 6:2

¿Tom mant eyojcoc, to an̈ec yic on̈c xo Dios tic, an̈ec 'oj cochc yajlil 'a yib'n̈ eb' yic yolyib'n̈q'uinl tic? Yuj cha, smoj an̈ec tzqui b'oc yaj jun tzo'n̈ mayn̈ej wal yel'ch tic.

Ez 23:45

Palta 'oj b'eyc'ojlaxc eb' 'ix yuj ewin winc tojl snab'en. 'Oj b'eyc'ojlaxc eb' 'ix yuj yajmulal, ax sb'eyc'ojlax eb' 'ix yuj smilm 'anma'il, yujto niwn 'anma xcham yuj eb'.

Ez 14:20

Q'uinloc ata cajn Noé, Daniel yet' Job, cojn eb' tzcolchj can 'eli yujto tojl snab'en eb'. May junc mach tztac' scoln 'el eb', wach'xam yunnal eb' mto yisl eb', ma'oj stac' scoln 'el eb'.

Ez 14:14

Q'uinloc a 'a jun chon̈b' chi cajn Noé, Daniel, yet' Job, cojn am eb' 'oxwn̈ tic tzcolchj can 'eli, yujto tojl sb'eyb'al eb', palta may junc mach 'oj stac' scoln 'el eb'.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 11:14

Yuj cha, ach Jeremías, man̈ ach leslwoc yuj jun chon̈b' tic, man̈ ach tewoc 'ayn yuj eb', yujto ma'oj in ta'wc 'ayach. Wach'xam 'oj sc'an eb' in colwal 'a scal syailal, wal yel, ma'oj in ta'w 'a eb', xchi.

Jeremías 7:16

Ach Jeremías, man̈ ach leslwoc yuj jun chon̈b' tic. Man̈ al 'ayin, man̈ ach 'och tecn 'ayin, man̈ ach tewc 'ayn yu'uj, yujto ma'oj in ta'w 'ayach.

Is 5:3

Yuj cha, 'ix yaln win 'aj munljel chi 'ixtic: Ex 'aj Jerusalén yet' ex 'aj Judá, a ticnec alc wab'i', mach 'ay spaltail, ¿tom a 'in mto a te 'awb'ente tic?