Ez 20:37 - Chuj San Sebastian Bible

³⁷ An 'oj ex in b'eyc'ojloc, ax wa'n eyiclc in trato.

Chuj San Mateo Bible

³⁷ Icha syutej vin̈ tan̈vum calnel sic'lan noc' scalnel ayic sb'isan noc' vin̈, icha chi' ol ex vutej. Ol ex in siq'uelta mach ex ol ex och d'a in trato ol in b'o eyed'oc.

Ez 20:37 Referans Kwoze

Jeremías 33:13

An Jehová in, an tzwala: A 'a eb' lum chon̈b' 'ay 'a lum jolmctac witz, 'a eb' lum pan̈n 'a'lic, 'a lum Négueb, 'a lum yic Benjamín, yet' 'a jun tzo'n̈ aldea 'a spatquil 'el Jerusalén, yet' 'a jun tzo'n̈ xo chon̈b' 'a yol yic Judá, 'oj 'ilxoc eb' 'ilm calnelu jun 'ejm xo ta', 'oj 'ab'xoc sb'isn eb' no scalnelu cha, xchi Dios.

Lv 27:32

A yic sb'isx no cajb'en noc' 'a junjn ab'il, a junjn lajn̈wan̈ no', ata tz'ijx 'el junjn wic an Jehová in, atn no wacax, no calnelu yet' no chiwo, atn no chi tz'ajx diesmoal 'ayin.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Ez 34:17

An Jehová in, an tzwala: A eb' in chon̈ab' lajn eb' 'icha no calnelu, mto 'icha no chiwo. A no chiwo cha, cojn tas wach' xlaj sc'uxu', ax tas xlaj yac' sobra, ton̈j xlaj stec' yet' yoc, xlaj yuc' a a caw wach', xlaj ste'cn tatb'oc eb' a yet' yoc cha. ¿Tom wach' tzc'ux no calnelu chi jun tzo'n̈ tas xlaj ste'cn 'ejm no chiwo cha? ¿tom wach' tzyu'j no calnelu chi a a ste'cn tatb'oc no chiwo cha?

Ez 16:62

Atn yuj in trato 'oj wac' 'el'choc yet'oc, 'ixta to b'i'an, ax in yojcan 'eli, to an ton Jehová in.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.