Ez 20:36 - Chuj San Sebastian Bible

³⁶ Ata q'uelc'mb'a 'oj waj eyet'oc yic tzex in b'eyc'ojlani. 'Icha wutjnac in b'eyc'ojlan eb' e mam eyichm 'a lum cusltac lum yic Egipto, 'ixta 'oj ex wutoc.

Ez 20:36 Referans Kwoze

Ez 20:21

Palta ax eb' 'unnab'il cha, 'ix meltzj pax 'och eb' 'ajc'ojlal 'ayin, ma'ix syiclj eb' in ley yet' in checnb'il, wach'xam to a tz'a'n sq'uinl eb' tzb'eylb'ani. Ma'ix syiclj pax eb' sc'ul 'iljelal, yuj cha, xin nani to tzwa'ch syailal eb' yuj yowl in c'ojol, yic tzin satn 'el eb' 'a lum cusltac lum cha.

Ez 20:13

Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Dt 32:10

Ata on̈ 'ilchjec yuj 'a lum cusltac lu'um, 'a lum caw tacn̈ sat, 'a 'aj caw ow 'ic'. Ata on̈ sme'c cot Jehová, caw xon̈ ya'ilxec yu'uj, 'icha wal tzcutj qui ya'iln sc'ul yol qui sat.

Is 3:14

Ata 'oj sb'eyc'ojloc Jehová eb' yichm wincal chon̈ab' yet' eb' 'aych yajlil 'a scal eb', ax yaln 'a eb' 'ixtic: An Jehová in tztac' wuj smasnil, an tzwala: Ax am wal tic xe satl eb' in chon̈ab', 'icha 'awb'en uva, 'ixta yaj eb' 'ayin. Xeyelc'n tas 'ay 'a eb' meb'a', xlaj e c'ub'n 'el 'a yol eyatut.

Jeremías 2:9

'Ix yaln pax Jehová 'ixtic: Yuj cha, an Jehová in, an tzwala: Caw 'oj wa'n̈j owl eyet'oc, yet' pax eb' eyin̈til.

Jeremías 25:31

'Oj 'ab'xoc sc'an̈ 'a 'aj tzlajw c'och lum lum tic, yujto 'ay wal tas 'oj yal Jehová 'a yib'n̈ smasnil nacion̈. Caw 'oj b'eyc'ojlaxc smasnil 'anma yu'uj, ax ya'n can 'och chaml 'a yib'n̈ smasnil eb' maysch'olnil, xchi Dios, xa chi 'a eb', xchi 'ayin.

Ez 17:20

'Icha to 'oj wa't 'in ch'an̈ yal 'a yib'an̈, ax scan 'a yojol. 'Oj wi' cot 'a Babilonia tic, ax 'a tic 'oj in b'eyc'ojloc, yujto tenmtac xyutj sb'a 'ayin.

Ez 20:35

'Oj ex wic' 'elt 'a jun tzo'n̈ chon̈b' cha, ax ex wi'n 'at 'a junc cusltac lu'um.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Ez 34:17

An Jehová in, an tzwala: A eb' in chon̈ab' lajn eb' 'icha no calnelu, mto 'icha no chiwo. A no chiwo cha, cojn tas wach' xlaj sc'uxu', ax tas xlaj yac' sobra, ton̈j xlaj stec' yet' yoc, xlaj yuc' a a caw wach', xlaj ste'cn tatb'oc eb' a yet' yoc cha. ¿Tom wach' tzc'ux no calnelu chi jun tzo'n̈ tas xlaj ste'cn 'ejm no chiwo cha? ¿tom wach' tzyu'j no calnelu chi a a ste'cn tatb'oc no chiwo cha?