Ez 20:30 - Chuj San Sebastian Bible

³⁰ Al yab' eb' et israelal cha, to an Jehová Yajl in, an tzwal 'ixtc 'a eb': ¿Tas yuj tze nib'j eyixtc 'el e b'a 'icha yutjnac sb'a eb' e mam eyicham? ¿Tas yuj tenmtac tzeyutj e b'a, ax tas yajb'entac tze b'o'o?

Chuj San Mateo Bible

³⁰ Al d'a eb' etisraelal to a in Jehová Yajal in sval icha tic: A ex tic tze jub'at e b'a icha ajnac sjuanb'at sb'a eb' e mam eyicham chi'. Tze tec'b'ej val e b'a eyoch ejmelal d'a juntzan̈ comon dios te yajb'entac chi'.

Ez 20:30 Referans Kwoze

Jeremías 16:12

Ax xo pax ax tic, yel xo wal maysch'olnil xeyutj e b'a 'a yib'n̈ eb' e mam eyichm cha. Junjn ex, tzlaj e b'o tas tu tzjaw 'a e nab'en, man̈xtzac eyiclj tas tzwala.

Jeremías 7:26

Palta ax xo tic, ma'ix eyiclj tas 'ix wala, tenmtac xeyutj e b'a, yel xo wal tu xeyutj e b'a 'a yib'n̈ eb' e mam eyichm cha.

Jueces 2:19

Palta ax yic tzcham jun tzcolwj cha, tzmeltzj can pax eb' 'anma 'a spatic. Tzyamn 'och eb' sb'on maysch'olnil to caw 'ec'b'alxo 'a yib'n̈ tas sb'ojnac smam yichm eb'. Tzya'n 'ejm sb'a eb' 'a jun tzo'n̈ comn dios yic tzya'n servil eb'. Tz'em n̈ojn eb' 'a yojltac eb', matz yactj eb' sb'eylb'an stu b'eyb'al cha, caw pit eb'.

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

Mt 23:32

A tas sb'ojnac eb' e mam eyichm cha, ax xo, ton̈j tze wach' 'a'j 'och xicul.

Jeremías 9:14

Caw 'ix yac' pitb'oc 'el eb' snab'en, ax 'a jun tzo'n̈ comn dios 'ix 'och tza'n eb', 'icha wal yaj scuyx can eb' yuj smam yicham.

Nm 32:14

Ax tic, yunnal ex eb' tenmtac cha, tze nib'j tze b'eylb'ej sb'eyb'al eb' e mam eyichm cha. ¿Tom tze nib'j eyic' paxt yowl sc'ojl Jehová jun 'ejm xo 'a quib'n̈ec?

Ez 2:3

'Ix yaln 'ixtc 'ayin: Ach 'anma', an tzach in checb't 'a eb' et israelal. A jun tzo'n̈ 'anma cha, caw wal pit eb', 'ix 'och eb' 'ajc'ojlal 'ayin. 'Icha wal yutjnac sb'a eb' e mam eyichm 'a pecti', 'ixta tz'ajch pax eb' 'ajc'ojlal 'ayn ticnec.

Ez 20:26

'Ix wa'n yixtc 'el sb'a eb' yet' xajmb'al, to a sb'ab'l 'unnal eb' tzyac' tz'a xajmb'alil. 'Ixta 'ix wutj eb', sec tzxiw chan̈ eb', ax yojcan 'el eb' to an ton Jehová in, to cojn in ton Dios in, xchi Dios, xa chi 'a eb' 'ichmtac winc cha.

Ez 20:29

Xlajw cha, xin c'anb'n 'a eb' 'ixtic: ¿Tas yopiso jun tzo'n̈ lugar chan̈ yajb't chi 'aj tzex 'at cha? xin chi 'a eb'. (Yictax cha, scuchn can jun tzo'n̈ lugar chi Chan̈ Yaji, atn 'aj tzyac' eb' israel jun tzo'n̈ xajmb'al.)

2 Cr 30:7

Man̈ lajnoc cab' tzeyutj e b'a 'icha eb' qui mam quichmec, 'icha pax eb' quit israelal, caw tenmtac yutjnac sb'a eb' 'a Jehová, atn qui Diosalec yet' eb' qui mam quichmec, a wal 'ix 'a'n satxoc 'el eb', 'icha wal tzcutj quilnec ticnec.

Salmos 106:39

'Ixta xyutj eb' sjun 'el sb'a, 'ix laj 'och eb' 'ajmulal yuj tas xlaj sb'o cha.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.