Ez 20:3 - Chuj San Sebastian Bible

³ Ach 'anma', al yab' eb' yichm wincal chon̈b' Israel tic, to an Jehová Yajl in, an tzwal 'ixtc 'a eb': ¿Tom cob' tzex jaw wul e c'anb'c e b'a 'ayin? Palta wal yel an Jehová in, an tzwala, ma'oj in ta'w xon 'ayex, xchi Dios, xa chi 'a eb'.

Chuj San Mateo Bible

³ Ach anima, al d'a eb' yichamtac vinaquil chon̈ab' Israel tic: Icha tic yalan Jehová Cajal: ¿Tom tzex javi d'ayin ul e c'anb'an eyab'i? Val yel a in val svac' in ti' to man̈ ol in tac'voc d'ayex, xchi Jehová, xa chi d'a eb'.

Ez 20:3 Referans Kwoze

Miqueas 3:7

A wal jun tzo'n̈ checb' to 'a'm 'es cha, yet' eb' tztac' snan 'el paxti chi yalni, caw 'oj q'uixwc can 'el eb', sictac xoj 'oj 'ajcn eb' smasnil, yujto may jac spac 'oj scha eb' 'a Dios.

Pr 28:9

Toto 'ay junc mach matz nib'j yab' sley Dios, an̈jtona ma'oj yab' pax Dios slesal.

Jn 4:24

A Dios Espíritu, yuj cha, toto 'ay mach tzyal sb'a 'a 'a, yowlal tzyal sb'a eb' wal 'a yel, 'a 'esal, xchi Jesús 'a 'ix.

Lc 3:7

'Ay eb' 'anma xlaj cot 'a schon̈ab', 'ix c'och eb' 'a Juan, yic tz'at ya'nc 'ajxc bautisar sb'a eb' 'a 'a. Palta xyaln 'a eb' 'ixtic: —Ax tic, caw jeln ex 'a maysch'olnil 'icha junc no chan. ¿Mach 'ix aln 'ayex, to tztac' e coln 'el e b'a 'a jun niwn yailal 'oj jawc 'a eyib'n̈ yuj yowl sc'ojl Dios?

Mt 3:7

Til wal eb' fariseo yet' eb' saduceo xlaj c'och 'a 'a, sec tz'ajx bautisar eb' yu'uj. Palta xyaln 'a eb' 'ixtic: —Ax tic, caw 'ixtm 'anma 'ex, lajn ex 'icha junc chan. ¿Mach 'ix aln 'ayex, to 'oj stac' e coln 'el e b'a 'a jun niwn yailal 'oj jawoc?

Ez 20:31

A yic tzeya'n e xajmb'al, 'ipn eyixtn 'el e b'a, yujto a eb' eyunnal tzeyac' tz'a xajmb'al-l 'a jun tzo'n̈ yechl comn dios. Ax tz'aji, tzex cob' jawc wul e c'anb'c e b'a 'ayin. Wal yel ma'oj in ta'w xon 'ayex.

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

Is 1:12

¿Mach xc'ann jun tzo'n̈ chi 'ayex, yuj cha, tzex comn jaw 'a wojltac yet'oc? Ax tz'aji tze comn te'n yamq'uil sti watut.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

A Ch'an̈ B'ab'el Libro Samuel 28:6

Yuj cha, 'ix scanb'n 'a Jehová, palta ma'ix ta'w xon 'a waychil 'a 'a; ma'ix ta'w xon 'a eb' yalmal 'el spaxti', yet' 'a eb' ya'mal och sti eb' 'anma 'a Dios.

Ez 20:2

Axn cha, 'ix yaln Jehová 'ayn 'ixtic:

Ez 33:30

Xyaln pax 'ayn 'ixtic: Ach 'anma', a eb' et chon̈b' tic, a yic tzchan sb'a eb' 'a 'aj 'ay smuroal chon̈ab' yet' 'a stitc n̈a, tzlaj stz'ac eb' yal 'a junjn 'ixtic: Coyec, 'at cab'c spaxti Jehová, xchi cob' eb'.

Am 8:12

'Oj oyb'xoc 'ec' eb' 'anma sayn 'ec' mach tzaln 'el in paxti'. 'Oj 'at eb' 'a sti a Mar Muerto, masnto 'oj c'och eb' 'a sti a Mar Mediterráneo. 'Oj 'ec' eb' 'a schan̈paq'uil yolyib'n̈q'uinal, palta may mach 'oj 'ilchjoc yuj eb'.

Is 58:2

Junjn c'u tzcob' 'och eb' 'a 'emmquilal 'ayn yalni. Caw tzalj cob' eb', tznib'n eb' cob' yojcoc 'el in b'eyb'al. Lajn xo wal tzyutj sb'a eb' 'icha junc chon̈b'al eb' 'anma tzb'on swach'il. May 'aj tzyij 'el eb' snab'en 'a in checnb'il. Caw tznib'j eb' cob' yojcoc 'el jun tzo'n̈ checnb'il yic tojlal, tzch'oxn eb' 'ilxoc to 'ay stzaljc'ojlal eb' sjaw 'ayin.

Ez 14:1

'Ix jaw nan̈l eb' yichm wincal chon̈b' Israel 'ayin, yic tzwul sc'anb'noc sb'a eb' 'a Jehová, 'ix 'em wocn eb' 'a wojltac.