Ez 20:23 - Chuj San Sebastian Bible

²³ A yic 'ayc' eb' 'a lum cusltac lum cha, ata 'ix wa'cn in ti', to 'oj sactzic can 'at eb' 'a jun tzo'n̈ xo nacion̈ 'a yolyib'n̈q'uinl tic.

Chuj San Mateo Bible

²³ Palta yacb'an aytoec' eb' d'a tz'inan lum chi', vac'an in ti' to ol in saclemejb'at eb' d'a scaltac nación d'a masanil yolyib'an̈q'uinal tic,

Ez 20:23 Referans Kwoze

Lv 26:33

Ax xo tic, 'oj ex in pechcn 'at 'a scal jun tzo'n̈ xo nacion̈, tza'n 'och wespada eyu'uj, ax e 'atcni. A e nacion̈, 'oj 'ochcn waymtaquil, ax e chon̈ab', cusltac xoj yilx 'oj 'ajcn sjuwi.

Ez 20:15

An̈jtona', a 'a lum cusltac lum chi 'ix walcn 'a eb', to ma'oj 'och eb' 'a sat lum lum 'aj xwac' in ti wa'n 'a eb', atn lum caw 'ay syaxil sat, lum yel xo wach' 'a yib'n̈ lum lum smasnil.

Jeremías 15:4

'Oj jawc jun yailal tic yuj wal jun tzo'n̈ tas caw 'ay smay x'el sb'on win Manasés yunnal Ezequías 'a Jerusalén, yic 'aych win reyl 'a chon̈b' Judá. Smasnil eb' nacion̈ 'a yolyib'n̈q'uinl tic, caw 'oj xiw eb' yiln 'och jun tzo'n̈ yailal 'oj jawc 'a yib'n̈ eb' in chon̈b' tic.

Salmos 106:27

sec tz'emt can sb'isl eb' a chon̈ab', yic tzsactzic can eb' 'a scal jun tzo'n̈ xo nacion̈ 'a sat lum lum tic.

Dt 32:40

Tzwij chan̈ in c'ab', tzwa'n in ti to 'aynn̈ej 'ec' 'a jun 'ejmn̈ej.

Dt 4:27

A Jehová 'oj e sactzicn can 'at 'a scal jun tzo'n̈ xo nacion̈, jaywn̈xoj ex 'oj e can ta'.

Salmos 44:11

On̈ ac' 'a yol sc'ab' eb' on̈, 'icha junc calnelu tz'ijx 'at 'a 'aj tzchami. On̈ laj sactzic can 'at 'a scal eb' chuc nacion̈al.

Ez 22:15

'Oj sactzic can 'at eb' 'anma chi 'a jun tzo'n̈ xo nacion̈ yet' 'a junjn chon̈ab'. 'Ixta 'oj ach wutc ach in sacb'tzan yuj a tu'al.

Ez 44:12

Yujto a 'a yic yalan̈, 'ix yac' servil eb' eyit israelal yic xya'n 'ejm sb'a eb' 'a yechl jun tzo'n̈ comn dios, 'ixta xyutj eb' ex sjucb'tzan 'a maysch'olnil. An Jehová in, an tzwala, to 'oj yab' eb' syal yuj smul cha.

Ez 11:16

Yuj cha, al 'a eb' 'ijxnac cot 'icha presoal cha to an tzwal 'ixtic: Wach'xam najt ex in pechcn 'at 'a jun tzo'n̈ nacion̈, sactzicnac ex 'ajcn 'a yolyib'n̈q'uinl tic wu'uj, palta an 'ayn ec' eyet' 'aj 'ayx ec' cha yic tzeyaln e b'a 'ayin.