Ez 20:13 - Chuj San Sebastian Bible

¹³ Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Chuj San Mateo Bible

¹³ Palta spitej sb'a eb' d'ayin d'a tz'inan luum chi', maj sc'anab'ajej in c'ayb'ub'al eb', spatiquejel in checnab'il eb', aton juntzan̈ vac' d'a eb' yic vach'n̈ej tz'ec' eb'. Maj sc'anab'ajej pax sc'ual ic'oj ip val d'a eb'. Yuj chi' in na in satel eb' yed' yoval in c'ol d'a tz'inan lum chi'.

Ez 20:13 Referans Kwoze

Ez 20:21

Palta ax eb' 'unnab'il cha, 'ix meltzj pax 'och eb' 'ajc'ojlal 'ayin, ma'ix syiclj eb' in ley yet' in checnb'il, wach'xam to a tz'a'n sq'uinl eb' tzb'eylb'ani. Ma'ix syiclj pax eb' sc'ul 'iljelal, yuj cha, xin nani to tzwa'ch syailal eb' yuj yowl in c'ojol, yic tzin satn 'el eb' 'a lum cusltac lum cha.

Ez 20:8

Palta 'ix meltzj 'och eb' 'ajc'ojlal 'ayin. Ma'ix syiclj eb' tas xwala, ma'ix sjulcn 'el eb' jun tzo'n̈ yechl to yajb'entac cha, ma'ix yactj can eb' jun tzo'n̈ yechl sdiosal eb' 'aj Egipto. Yuj cha, 'ix walni to tzwac' syailal eb', yic tzwi'n 'el yowl in c'ojl 'a yib'n̈ eb' 'a Egipto cha.

Ez 20:24

Yujto ma'ix sb'eylb'ej eb' in ley yet' in checnb'il, ma'ix syiclj eb' sc'ul 'iljelal to wic yaji, 'ix ya'n 'och eb' snab'en 'a jun tzo'n̈ sdiosal smam yicham,

Is 56:6

Ax pax yuj eb' chuc chon̈b'al tzya'ch sb'a wico'oc, yic tzin ya'n servil eb', mto tzin schamc'ojlej eb', sec tz'och eb' in checb'oc, toto tzyiclj eb' sc'ul 'iljelal, matz 'ec' eb' 'a yib'an̈, te'n tzyutj sb'a eb' 'a in trato,

Dt 9:8

A yic 'ayn̈ 'ec' 'a lum yich witz Sinaí, ata xe tzuntzj cot yowl sc'ojl Jehová. Caw wal xcot yowl sc'ojl 'a eyib'an̈. Yuj cha, jab'xoj wal ma'ex smil cham e masnil.

Nm 14:29

Smasnil mach 'ec'b'alx sq'uinl 'a junc'l ab'il, atn mach xyac' tzib'xoc sb'a yic sq'ue wan e b'isul, atn eb' chi tu xyutj yaln 'ayin, 'oj cham eb' chi smasnil, 'oj laj can t'ocn sniwnal eb' 'a lum cusltac lum tic.

Nm 14:22

A eb' x'iln in tzictznil tic, yet' milagro in ch'oxjnac yil eb' 'a Egipto, xin ch'oxn pax yil eb' 'a lum cusltac lu'um, palta slajn̈ 'ejmal xo in ya'n prowal eb' tic, matz yiclj eb' xon tas tzwala.

Ex 32:10

A ticnec b'i'an, man̈ 'ac' a b'a yuj eb', yujto tzcot wowl 'a jun tzo'n̈ 'anma tic, to 'oj in satl eb' smasnil. Cojxn yet' eb' en̈til, ata 'oj in b'o jun niwquil chon̈ab', xchi Dios 'a Moisés.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

Am 2:4

A Jehová tzaln 'ixtic: A wal eb' aj Judá, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Spatquilj can 'el eb' in cuynb'il, ma'ix syiclj eb' in ley. A yic eb', to xyac' eb' 'emmquilal 'a jun tzo'n̈ comn dios, atn jun tzo'n̈ 'aj ya'jnac eb' smam yichm eb' 'emmquilal.

Ez 20:16

Yujto ma'ix syiclj eb' in ley yet' in checnb'il, ma'ix syiclj pax eb' sc'ul 'iljelal to wic yaji, an̈j 'a jun tzo'n̈ yechl comn dios 'aych snab'en eb'.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Pr 13:13

Toto may yel'ch jun tzo'n̈ checnb'il 'a qui satec, tzjaw yailal 'a quib'n̈ec; ax toto 'ay yel'ch 'ayn̈ec, caw wach' 'oj cajc 'el'chi.

Pr 1:25

Palta ax tz'aji to tze patquilj can 'el tas tzwala; matz e chaj eyab' 'ajtil tzex in tench wa'an.

A Ch'an̈ Schab'l Libro Samuel 12:9

¿Tas yuj ma'ix a yiclj in checnb'il an Jehová in? 'Ix a b'on wal tas maysch'olnil 'a in sat. 'Ix ac' milxoc win Urías hitita, ax eb' amonita 'ix miln win o'oj, 'ix e'nec' yistzil winac.

A Ch'an̈ B'ab'el Libro Samuel 8:8

'Icha wal yutjnacn eb' yic wi'n 'elt eb' 'a Egipto masnto ticnec, in yactj can eb', ax 'a jun tzo'n̈ comn dios 'aj xlaj yac' 'ejm sb'a eb', 'ixta wal tzach yutj eb' ticnec.

Dt 31:27

Yujto wojtac, to ax tic caw wal pit ex, tenmtac ex. 'Aynto cob' 'ec' eyet'oc, palta 'in toxn to tenmtac tzeyutj e b'a 'a Jehová Dios, ¿ocxom wal yic 'oj in chami?

Nm 26:25

A 'ix 'aj chan̈ sb'isl eb' yin̈tl Isacar, 'ay 64,300 eb' winc 'a smasnil.

Nm 16:45

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi. —Ax Moisés yet' Aarón, 'ix 'em n̈ojn eb', masnto squil 'ejm eb' snan̈l sat 'a sat lu'um.

Lv 26:43

Ya' sb'a tz'elcn eb' 'a sat lu'um, ax scan lum 'iljoc, ax eb' 'oj yab' eb' syal yuj smul cha, yujto matz yiclj eb' in checnb'il yet' in cuynb'il xwac' 'ayex.

Lv 26:15

Toto tze patquilj can 'el in cuynb'il, may yel'ch in checnb'il 'ayex, tzeyixtn 'el in trato in b'ojnac eyet'oc,

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Ro 10:5

A Moisés aljnac cani, tas yowlal tzcutjec qui b'a, toto tzqui nib'jec tzon̈ 'ochc wach'l 'a sat Dios yuj jun ley cha. Yaljnac can 'ixtic: Toto 'ay mach c'uxn tzyiclni smasnil tas tzyal ley, 'oj scha sq'uinl yu'uj, xchi.

Lv 18:5

An tzwala to tze b'eylb'ej in checnb'il yet' in ley. A mach 'oj yiclnoc, 'oj 'ajxoc sq'uinl yu'uj.

2 Cr 30:7

Man̈ lajnoc cab' tzeyutj e b'a 'icha eb' qui mam quichmec, 'icha pax eb' quit israelal, caw tenmtac yutjnac sb'a eb' 'a Jehová, atn qui Diosalec yet' eb' qui mam quichmec, a wal 'ix 'a'n satxoc 'el eb', 'icha wal tzcutj quilnec ticnec.

Jeremías 7:24

Palta ma'ix schaj eb' yab'i'. A yic eb', to caw pit xyutj sb'a eb', syiclni eb' sb'on tas tu xjaw 'a snab'en. Caw 'ix yixtj 'el sb'a eb', man̈x 'ic sna sb'a eb' jab'oc.

Ez 20:11

'Ix wa'n yojcoc 'el eb' in ley yet' in checnb'il 'a jun lugar cha. A eb' tzb'eylb'ani mto tzyiclni, 'ay sq'uinl eb' yu'uj.

Ez 20:14

Palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' israel 'a Egipto cha.

Ez 20:36

Ata q'uelc'mb'a 'oj waj eyet'oc yic tzex in b'eyc'ojlani. 'Icha wutjnac in b'eyc'ojlan eb' e mam eyichm 'a lum cusltac lum yic Egipto, 'ixta 'oj ex wutoc.

Ez 22:8

A 'in cajnub', may yel'ch 'a sat eb', matz yiclj eb' sc'ul 'iljelal to wic yaji.

Ez 23:38

Man̈ cojnoc jun tzo'n̈ cha, palta 'ix yixtj 'el eb' in cajnub', ma'ix syiclj pax eb' sc'ul 'iljelal. 'Ay jun c'ual to a yune eb' xyac' xajmb'al-l 'a jun tzo'n̈ sdiosal, a 'a jun c'u cha, ata 'ix 'och eb' 'a yol in cajnub', 'ixta xyutj eb' yixtn can 'eli. Atn wal jun tzo'n̈ chi sb'ojnac eb' 'a yol watut cha.

Dt 9:7

May wal b'a'n̈ tzeyac' sat 'a e c'ojol, chajtlto ax tic, 'ochnc ex 'ajc'ojlal 'a Jehová, yic 'ayn̈ec 'ec' 'a lum cusltac lu'um. Yictax on̈ 'eltec 'a Egipto masnto on̈ jawc 'a jun lugar tic, an̈j 'ijnoc pit tzeyutj e b'a 'a 'a.

Nehemías 13:17

Yuj wal cha, in owx 'a eb' yajl yaj 'a yol yic Judá, xwaln 'a eb' 'ixtic: —Man̈ jantcoc maysch'olnil tze b'o 'a sc'ul 'iljelal, comn xoj tzeyutej.