Ez 20:11 - Chuj San Sebastian Bible

¹¹ 'Ix wa'n yojcoc 'el eb' in ley yet' in checnb'il 'a jun lugar cha. A eb' tzb'eylb'ani mto tzyiclni, 'ay sq'uinl eb' yu'uj.

Chuj San Mateo Bible

¹¹ Ata' vac' in c'ayb'ub'al yed' in checnab'il yojtaquejel eb', tato sb'eyb'alej eb' vach'n̈ej tz'ec' eb'.

Ez 20:11 Referans Kwoze

Ro 10:5

A Moisés aljnac cani, tas yowlal tzcutjec qui b'a, toto tzqui nib'jec tzon̈ 'ochc wach'l 'a sat Dios yuj jun ley cha. Yaljnac can 'ixtic: Toto 'ay mach c'uxn tzyiclni smasnil tas tzyal ley, 'oj scha sq'uinl yu'uj, xchi.

Dt 4:8

¿Tom 'ay junc xo nacion̈ to 'ay sley mto 'ay schecnb'il tojl yalx 'icha jun wan waln can 'ayx tic?

Lv 18:5

An tzwala to tze b'eylb'ej in checnb'il yet' in ley. A mach 'oj yiclnoc, 'oj 'ajxoc sq'uinl yu'uj.

Gl 3:12

Ax jun ley cha, toxn may tas tzyala, toto yowlal tzca'c 'och qui c'ojl 'a Dios. Palta tzyal 'ixtic: A mach 'oj yiclnoc, 'oj 'ajxoc sq'uinl yu'uj, xchi.

Lc 10:28

—Wach' ton xotj aln 'ayin. Toto tza yiclj jun tzo'n̈ tic, 'oj a cha a q'uinl 'a jun 'ejmn̈ej, xchi Jesús 'a winac.

Ez 20:13

Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Ro 3:2

Ma'ay, 'oj walb't 'ayex tas yaji. A wal 'a eb' 'aj ya'jnac Dios spaxti'.

Ez 20:21

Palta ax eb' 'unnab'il cha, 'ix meltzj pax 'och eb' 'ajc'ojlal 'ayin, ma'ix syiclj eb' in ley yet' in checnb'il, wach'xam to a tz'a'n sq'uinl eb' tzb'eylb'ani. Ma'ix syiclj pax eb' sc'ul 'iljelal, yuj cha, xin nani to tzwa'ch syailal eb' yuj yowl in c'ojol, yic tzin satn 'el eb' 'a lum cusltac lum cha.

Dt 4:1

'Ix yaln pax Moisés 'ixtc 'a eb' yit israelal cha: A ticnec ex wit chon̈ab', chajec eyab' jun tzo'n̈ ley yet' jun tzo'n̈ checnb'il tzwac' 'ayx tic, sec 'oj e b'eylb'oc, ax eyiclni yic 'oj e c'och cajn 'a sat lum lum 'oj yac' Jehová 'ayex, atn qui Diosalec yet' eb' qui mam quichmec.

Ez 33:15

Tzya'n meltzjoc junc tas 'aycn 'a yuj q'uen majn tumin, toto 'ay tas 'elc'b'il yu'uj, tzyac' meltzjoc paxi, tzb'ey pax 'a wach' b'eyb'al 'icha tzyal ley tz'a'n q'uinal. A jun 'anma cha, ma'oj chamoc, 'oj 'ajxoc sq'uinal.

Dt 4:5

'Ix wac' e cuy jun tzo'n̈ ley yet' checnb'il 'ix yac' Jehová wal 'ayex, sec 'oj e b'eylb'oc 'a sat lum lum 'oj e cha eyico'oc.

Dt 30:19

Wal 'a jun c'u tic, tzwa'n can 'och satcha'an̈ yet' lum lum tic testigoal to 'ix wa'cn e si'loc tas tze nib'ej, ¿am q'uinal, mto a chamel? ¿am yaxilal, mto a catab'? Palta a cab' e q'uinl tze si'cn 'eli, sec wach' 'oj eyaj e b'ey yet' eb' eyin̈tl 'a eyojltac b'aq'uin̈.

Pr 6:23

Yujto a jun checnb'il tic yet' jun cuynb'il tic, lajn wal eb' 'aych 'icha junc cantil 'aych sc'aq'uil. A tennb'il yet' wach' nab'enal, a tzach 'i'n 'at 'a jun b'e yic q'uinal.

Ez 18:9

Tzb'eylb'ej in checnb'il, yiclum tzyutj sb'a 'a tas tzwala. Yuj stojlal snab'en cha, najtl 'oj yila'. An Jehová Yajl in, an tzwala.

Ez 33:16

Yujto wach' tas tzb'o'o, yuj cha, tz'ajx sq'uinl cha, man̈x 'oj in na cot smul 'ochnc 'a yictax yalan̈, ma'oj cham muc'uc.