Ez 2:6 - Chuj San Sebastian Bible

⁶ Ach 'anma', man̈ ach xiw yuj tas 'oj yal eb' 'ayach, wach'xam 'oj yoych sb'a eb' 'aych 'icha te q'ui'ix, mto 'icha to scal no sinan 'aych 'ec' tzela, man̈ ach xiw xon yuj tas 'oj yal eb' 'ayach, yujto caw pit xon eb'.

Chuj San Mateo Bible

⁶ Ach anima, man̈ ach xiv d'a eb', man̈ ach xivpax yuj tas ol yal eb' d'ayach. Vach'chom icha d'a scal te' q'uiix, ma d'a scal noc' sinaan ayach eq'ui, palta man̈ ach xivoc, man̈ ach xiv yuj tas syal eb' d'ayach, man̈ ach xivpax tas tz'aj sat eb' ste cot yoval d'ayach yujto te pit eb'.

Ez 2:6 Referans Kwoze

Jeremías 1:8

Man̈ ach xiw 'a eb' 'aj tzach in chec cha. An tic, 'aynn̈ej 'och et'oc yic tzach in colni, xchi 'ayin.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

A Sb'ab'el Carta San Pedro 3:14

Palta toto tzcab'c syal yuj qui wach' b'eyb'al, caw wach' quiquec. Yuj cha, man̈ ex xiw 'a junc mach. Man̈ eyac' somchjc 'el e nab'en.

2 Ti 1:7

A Dios, man̈oc xiwc'ojlal xyac' 'ayon̈. Palta a spoder 'ix yac'a, sec te'n tzcutj qui b'a. 'Ix ya'n qui chamc'ojloc qui b'a, 'ix ya'n pax cac' cuenta qui b'a qui ch'ocoj.

Lc 10:19

An xwac' e poder sec tztac' e te'n no chan yet' no sina'an. Wu'uj, tztac' eya'n ganar 'a yib'n̈ jantcn̈ej spoder win Satanás. Toxn may junc tas tztac' ex yixtni.

Miqueas 7:4

A mach wach' to wal 'a scal eb', lajn wal 'icha te q'ui'ix. A mach tojl to wal tas tzb'o'o, lajn wal 'icha te cacwq'ui'ix. Palta jun, caw la'n xoj sjaw sc'ual yic 'oj 'ajxoc 'och yailal 'a yib'n̈ eb' yuj Dios, 'icha x'aj yaln 'el eb' schecb' yu'uj. Cojxn̈ej somc'ojlal 'oj niwtjoc chan̈ 'a scal eb' 'anma cha.

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Miqueas 3:8

An xo pax an tic, 'aych Yespíritu Jehová 'ayin, a tz'a'n wip, tzya'n wojcoc 'aj 'ay tojlal. Yuj wal cha, caw tzin te'wtzej in b'a waln 'och jantc smul eb' wit israelal 'a sat.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

A Tas Sc'ulejnac Eb' Schecab' Jesús Hechos 4:29

Al ticnec Mamin, 'ilt wal eb' tic, caw tzcot yowl eb' 'ayn̈ on̈. Yuj cha, 'ac' qui te'nal on̈, sec matz on̈ xiw caln 'el a paxti on̈, yujto a checb' caj on̈.

Is 9:18

Yujto a maysch'olnil 'a scal 'anma', lajn wal 'icha junc c'ac' tz'ec' 'a tzalan, c'uxn tz'a te q'uix yu'uj, lum waymtac, te niwc te', tzch'umn sb'a yic'l 'a scal tab'.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.

Ez 28:24

Man̈x 'oj yab' eb' yin̈tl Israel syail yuj eb' nacion̈ 'a sla'nil cha, atn eb' 'icha q'uix yajch 'a eb' yuj schichnc'ojlal. 'Ixta to b'i'an ax yojcan 'el eb' to an Jehová Yajl in, xchi Dios, xa chi 'a 'a.

A Ch'an̈ Schab'il Libro Yic Yab'ixal Eb' Rey 1:15

Xlajw cha, 'ix yaln jun yángel Jehová 'a Elías 'ixtic: —'Ixc yet' winac, man̈ ach xiwoc, xchi. 'Ix q'ue wan Elías, 'ix pax 'emt yet' jun capitan̈ cha. Xlajw cha, x'at yilnoc jun rey cha.

A Scarta San Pablo D'a Eb' Aj Filipos 1:28

Caw man̈ ex xiw 'a eb' tzchichn 'och 'ayn̈ec. 'Ixta 'oj eyutc e ch'oxn 'eli, to 'oj satcn 'el eb' 'a jun 'ejmn̈ej. An̈jtona', 'ixta 'oj 'aj scheclj 'eli, to 'ayx qui colnb'ilec, yujto 'ixta 'oj yutc Dios sch'oxni.

Ef 6:19

Tzex leslwi pax wu'uj, sec 'oj yac' Dios nachjoc 'el wu'uj, tas 'oj wala', sec an̈ja te'n 'oj wutc waln 'el wach' 'ab'ix, atn jun ch'oxb'il yuj Dios 'ayn̈ec.

A Tas Sc'ulejnac Eb' Schecab' Jesús Hechos 4:19

Palta 'ix ta'w Pedro chi yet' Juan 'a ewin 'ixtic: —Palta tzcham wal e nani. ¿Tom wach' 'a sat Dios tze na'a, toto a eyic tic tzqui yiclj on̈, ax Dios, matz qui yiclj tas tzyal on̈?

A Tas Sc'ulejnac Eb' Schecab' Jesús Hechos 4:13

Ax 'ix yiln ewin yajl cha, chajtlto caw te'n xyutj sb'a Pedro yaln yet' Juan. 'Ix yiln pax ewinac, to may 'aj cuywnac eb', comn 'anma eb'. Yuj cha, caw sat sc'ojl ewinac. 'Ix nachj 'el yuj ewinac, chajtlto jun 'e'nc eb' yet' Jesús.

Lc 12:4

Ax xo ex in wach'c'ojol, tzwal 'ayex, man̈ ex xiw 'a eb' tztac' smiln e niwnal tic, yujto a yic tzlajw ex smiln eb', may junc xo tas tztac' sb'on eb' 'ayex.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Jeremías 6:28

Caw tenmtac eb' smasnil, may snab'en eb', alm peclal eb'. 'Ix pitb' 'el eb', lajn eb' 'icha wal stzatzl q'uen bronce mto q'uen hierro.

Apoc 9:10

'Ay sn̈e junjn e no'. Ax 'a sn̈e e no cha, ata 'ay stotz'b' e no 'icha yic no sina'an. A stotz'b' e no cha, 'ay spoder yixtn 'anma 'a o'e 'uj.

Ez 24:3

Alcn 'el jun 'ab'x tic 'a ch'oxnb'ilal, tzaln 'a jun chon̈b' tenmtac tic 'ixtic: 'Ixtc wal xyutj Jehová Cajlil yaln 'ayin: 'Ac' q'ue junc chen 'a yib'n̈ c'ac', tza'n 'ejm a 'a yojol.

Lc 11:12

Toto a junc n̈olb' tzc'an pax 'ayex, ¿tom a junc sinan tzeyac' 'a 'a?