Ez 2:2 - Chuj San Sebastian Bible

² Wanto yaln jun chi 'ayin, ax xwab'ni 'ix 'och Yespíritu Dios 'ayin, 'ix 'och yip woc, in q'ue wan lin̈an.

Chuj San Mateo Bible

² Yacb'an van slolon chi', ix och Yespíritu Dios d'ayin, ix in yic'anq'ue lin̈an. Ichato chi' ix vab'an yoch sjaj jun slolon chi' d'ayin.

Ez 2:2 Referans Kwoze

Ez 3:24

Ax Yespíritu Dios x'och 'ayin, 'ix 'och yip woc, in q'uex lin̈an. Xlajw cha, 'ix yaln 'ayn 'ixtic: 'Ixic, 'at macch a b'a 'a yol atut.

Ez 3:12

Xlajw cha, in yi'n chan̈ Yespíritu Dios, ax 'a in patquil 'ati, ata 'ay jun tas 'ix wab' sc'an̈i, caw wal ow sc'an̈ 'icha quixcab', yujto wan sq'ue wan Jehová yet' stzictznil 'a yet'l 'aj 'ayq'ui.

Apoc 11:11

Palta ax 'a yic 'oj lajw nan̈l schan̈l c'u xcham eb', ax Dios 'oj 'a'nc pitzwc pax eb', 'oj sq'uex wan eb'. Ax jantcn̈ej eb' 'oj 'ilnc eb', caw 'oj xiw eb' si'mb'il.

Dn 8:18

A yic wanto spaxtin 'ayn cha, in 'ec' telnjoc 'a sat lu'um, caw sat in c'ojol; 'ix 'och yamn 'ayin, in sto'n chan̈ lin̈an.

Ez 36:27

'Oj wa'ch Wespíritu 'ayex, ax eyiclni in ley, yic tze b'eylb'ani.

Ez 3:14

In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc.

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

A Ch'an̈ B'ab'el Libro Samuel 16:13

Xlajw cha, xyi'n cot Samuel no ch'ac 'aj 'ay 'ejm aceite. Q'ueln 'och eb' 'u'tacab'il cha, xya'n q'ue Samuel aceite 'a sjolm win David cha. A 'a yic jun c'u cha, 'ix 'ochcn Yespíritu Jehová 'a win yet' spoder. Xlajw swa eb', 'ix meltzj pax can Samuel 'a Ramá.

Jueces 13:25

Ax Yespíritu Jehová, 'ix syamn 'och sch'oxn sb'a 'a Sansón yic 'ayc' 'a scamplamento eb' yin̈tl Dan. Ata tzcan jun chi 'a snan̈l chon̈b' Zora yet' Estaol.

Ez 11:5

Xlajw cha, xjaw pax Yespíritu Jehová 'ayin, xyaln 'ixtic: Al 'a eb' 'anma cha, to an tzwal 'ixtc 'a eb': Ex israel, wojc wal si'mb'il tas wan yec' 'a e nab'en.

Ez 24:3

Alcn 'el jun 'ab'x tic 'a ch'oxnb'ilal, tzaln 'a jun chon̈b' tenmtac tic 'ixtic: 'Ixtc wal xyutj Jehová Cajlil yaln 'ayin: 'Ac' q'ue junc chen 'a yib'n̈ c'ac', tza'n 'ejm a 'a yojol.