Ez 18:17 - Chuj San Sebastian Bible

¹⁷ Matz yixtj eb' meb'a', matz c'an yune q'uen majn tumin. A yico' to tzyiclj tas tzwala, tzb'eylb'an in checnb'il. A jun mach 'ixta tzb'o cha, ma'oj cham yuj smul smam, to 'oj najtxb'oc sq'uinal.

Chuj San Mateo Bible

¹⁷ Malaj junoc mach syixtej yujto a stumin syac' majanil man̈ nivanoc yune' sc'ana'. Sb'eyb'alan in checnab'il yed' in c'ayb'ub'al. A jun anima icha chi', man̈ ol cham yuj smul smam chi', palta to ol najatb'oc sq'uinal.

Ez 18:17 Referans Kwoze

Malaquías 3:7

Ax tic, in e patquilj can 'eli, ma'ix in eyiclej, 'icha wal yutjnac eb' e mam eyichm spatquiln can 'el in checnb'il, 'ixta in eyutej. Meltzjan̈c pax cot 'ayin, 'ixta to b'i'an, ax in meltzj pax 'at 'ayex. Palta ax tic, tze canb'n 'ixtic: ¿Tas 'aj tzon̈ meltzjec cha? xe chi.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Ez 33:13

Q'uinloc a junc mach tojl sb'eyb'al 'aj tzwac' in ti wa'n sq'uinal, tzya'n 'och yipc sc'ojl jun swach' b'eyb'al cha, ax tz'aji, tzya'n 'och smul, man̈x 'a yel'ch jun sb'eyb'al 'a yic yaln̈ cha, tojln̈ej scham yuj smul cha.

Ez 20:30

Al yab' eb' et israelal cha, to an Jehová Yajl in, an tzwal 'ixtc 'a eb': ¿Tas yuj tze nib'j eyixtc 'el e b'a 'icha yutjnac sb'a eb' e mam eyicham? ¿Tas yuj tenmtac tzeyutj e b'a, ax tas yajb'entac tze b'o'o?

Ez 20:18

Yuj cha, xwaln 'ixtc 'a eb' yunnal eb' chi ta', man̈ e b'eylb'oc sb'eyb'al eb' e mam eyicham, man̈ e cha eyab' tas tzyalcn eb' 'ayex, man̈ eyixtc 'el e b'a yuj jun tzo'n̈ comn dios.

Ez 18:28

Yujto tzyil cot sb'a to maysch'olnil tas tzb'o'o, yuj cha, 'oj colchjoc can 'eli.

Ez 18:13

Tzyac' tumn majnil, tzc'ann yune q'uen tumn cha. A junc winc 'ixta sb'eyb'al cha, man̈ najtloc 'oj yila', yujto yajb'entac tas tzb'o'o, yuj cha, mun tzyij cot chaml 'a yib'an̈.

Ez 3:21

Palta toto tzal yab' junc mach wach' sb'eyb'al cha, to matz b'o tas tu', toto tzyiclej, 'oj yil najtl tiempo, yujto tzchaj yab' tas tzal chi 'a 'a, ach xo tic, libre ach 'a jun 'anma cha, xchi 'ayin.

Jeremías 22:16

Xcolx eb' meb'a yu'uj, yet' eb' tz'ixtx yuj eb' tu snab'en. Yuj cha, caw wach' 'ix 'aj 'el'chi. An Jehová in, an tzwala, to wach' 'ix yutj sb'a, sch'oxn 'eli, to 'ojcab'iln yu'uj.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Pr 29:14

A junc yajl wach' tzyutj sb'onyaj eb' meb'a', caw wach' yaj 'a yopiso chi 'a smasnil tiempo.

Pr 29:7

A junc yajl tojl snab'en, wach' tzyutj sb'onyaj eb' meb'a', ax pax junc maysch'olnil snab'en, toc 'ay yel'ch junc chi 'a 'a.

Pr 14:31

Toto tzquixtjec eb' meb'a', caw tzqui patquiljec can 'el Dios, atn jun mach b'ojnac eb'. Palta toto tz'o'ch qui c'ojlec 'a eb', wan qui ch'oxnec 'eli to 'ay yel'ch Dios 'a qui satec.

Job 29:16

'Icha to mamb'il waj 'a eb' 'ay tas sc'a'l tz'och yu'uj, tzin colwj pax in b'onyaj eb' chuc chon̈b'al yic 'ay tas tznib'j eb' sb'o'yaji.

Lv 18:30

Yuj cha, b'eylb'ejc in checnb'il, man̈ e b'eylb'oc jun tzo'n̈ b'eyb'al to yajb'entac, yujto a jun tzo'n̈ tic sb'eylb'ej eb' 'anma b'ab'l cajjnac lum lum chi 'ayex, man̈ eyixtc 'el e b'a yu'uj. An Jehová e Diosal in, an tzwala, xchi Dios.

Lv 18:26

Palta ax israel ex tic, yet' pax eb' chuc chon̈b'al cajn 'a e cal, yicljec jun tzo'n̈ in checnb'il tic, tze b'eylb'ani, man̈ eya'ch e b'a 'a tas maysch'olnil,

Lv 18:4

An Jehová e Diosal in, an tzwala. Yicljec in checnb'il, tze b'eylb'an pax in ley.

Lc 19:8

Ax win Zaqueo cha, 'ix q'ue lin̈an, 'ix yaln 'ixtc 'a Cajlil: —Al ticnec Mamin, jantcn̈ej tas 'ay 'ayin, spacl 'oj wutoc. 'Icha wic 'oj canoc, 'ixta 'oj wac' a eb' meb'a'. Toto 'ay eb' xlaj wixtoc, xlaj welc' stumin, chan̈ 'ejm 'oj in jel 'a eb', xchi winac.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Salmos 119:1

Mamin Jehová, a eb' tojl sb'eyb'al 'a a sat, wach' yic eb', yujto tzb'eylb'ej eb' a cuynb'il.

Ez 18:18

A smam cha, 'ixtm 'anma winac, caw wal 'elc'um, maysch'olnil tas sb'o 'a scal yit chon̈ab', yuj cha, mun 'oj cham yuj smul cha.

Salmos 119:3

atn eb' may jac maysch'olnil tzb'o'o, eb' to tzb'ey wal 'a stojlal.