Ez 17:16 - Chuj San Sebastian Bible

¹⁶ An Jehová in, an tzwal 'ixtic: 'Oj cham win sreyl Judá 'a Babilonia tic, yujto ma'ix syiclj win strato yet' win rey x'a'n yopiso cha.

Chuj San Mateo Bible

¹⁶ A in Jehová Yajal in svac' in ti': A d'a Babilonia tic ol cham vin̈ sreyal Judá chi', yujto malaj yelc'och b'aj ix yac' sti' vin̈, maj sc'anab'ajej strato vin̈ ix sb'o yed' vin̈ rey ix ac'an yopisio.

Ez 17:16 Referans Kwoze

Ez 12:13

An xo 'oj wa't in ch'an̈ yal 'a yib'an̈, ax scan 'a yojol, ax yijx cot 'icha presoal 'a Babilonia tic, atn lum slum ewin caldeo. Palta ma'oj yil xon jun chon̈b' tic, a pax a tic 'oj chamoc.

Jeremías 52:11

Ax pax Sedequías cha, 'ix 'ijx 'elt yol sat, 'ix jalx yet' q'uen cadena, 'ix 'ijx 'at presoal 'a Babilonia. Ata xchami.

Ez 17:13

'Ix yi'n cot win jun yican win rey cha, 'ix ya'n win yopiso winac, sb'on win strato yet' winac, xya'n pural win ya'n win sti', sec yiclum tzyutj sb'a win 'a win sreyl Babilonia cha. 'Ixta xyutj win yi'n cot eb' niwc winc 'a 'icha presoal,

Ez 16:59

An Jehová in, an tzwal 'ixtic: 'Oj wac' spac tas 'ix sb'o'o, yujto ma'ix syiclj tas tzyal in trato.

Jeremías 39:7

Xlajw cha, xya'n win rey 'ijxoc 'elt yol sat Sedequías, 'ix jalx win yet' cadena. Xlajw cha, 'ix 'ijx 'at 'a Babilonia.

Salmos 15:4

Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.

A Ch'an̈ Schab'il Libro Yic Yab'ixal Eb' Rey 24:17

Ax win sreyl Babilonia cha, a 'ix 'a'n 'och Matanías yu'tac smam Joaquín chi reyl 'a Judá, 'ix sjeln win sb'i winac, 'ix ya'n sb'ic Sedequías.

A Ch'an̈ Schab'l Libro Samuel 21:2

Yuj cha, 'ix yawtn cot rey David eb' gabaonita, yic tzpaxtin yet' eb'. (A eb' gabaonita cha, man̈ israeloc eb', palta to amorreo eb'. 'Aycn eb' 'a scal eb' israel cha, atn 'a eb' 'aj ya'jnac eb' israel sti 'a pecti', to matz satl eb' yuj eb'. Palta a Saúl, 'ix ya'lj satn 'el eb', yuj swach'loc chon̈b' Israel yet' Judá yalni).

Josué 9:20

A tas 'oj qui b'oc yet' eb', to 'oj can cajn eb' 'a qui calec, sec ma'oj cot yowl Jehová 'ayn̈ec, yujto tox 'ix ca'c qui ti 'a 'a, xchi eb'.

Nm 30:2

Toto 'ay mach tzyac' sti' ya'n junc tas 'a Jehová, mto junc strato tzb'o yet'oc, yowlal tzyac' 'el'choc spaxti cha, matz tac' sma'n 'ec' tas 'aj tzyac' sti cha.

Ex 20:7

An Jehová e Diosal in tic, man̈ e comn locc in b'i 'a nab'an̈ej, yujto 'oj wac' syailal eb' tzcomn locn in b'i.

Ex 8:2

Toto matz a chaj 'at eb', 'oj wa'ch yailal 'a eb'an̈, 'oj wac' pitzwc e no pajtza 'a yol smasnil a nacion̈ tic.

2 Ti 3:3

May jac schamc'ojlal eb', may 'aj 'oj 'o'ch sc'ojl eb' 'a junc xo mach. Caw tu 'oj yal eb' 'a spatc yit 'anma'il. Ma'oj stac' ya'n cuenta eb' sniwnal. 'Icha junc noc' caw ow, 'ixta 'oj yutc sb'a eb'. 'Oj chichnc 'och eb' 'a jantcn̈ej tas wach'.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

Ro 1:31

Man̈ nab'enal tzyutj sb'a eb'. Matz yiclj eb' strato 'a junc mach. May schamc'ojlal eb'. [Matz yac' eb' niwnc'ojlal 'a junc xo mach.] Matz 'o'ch sc'ojl eb' 'a junc yit 'anma'il.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Os 10:4

Cojn spaxtin eb', tzlaj ya'nc eb' strato 'a 'a'j 'esal. Ax smasnil b'eyc'ojlal man̈ tojloc tzyutj eb', lajn eb' 'icha te c'ultc caw c'a tzpac' 'a scal 'awal.

Ez 17:10

Wach'xam 'oj cob' 'awxoc paxi, palta man̈x 'oj wolnoc, ax 'ic' 'oj cot 'a stojlal 'aj tzq'uel c'u, a 'oj ma'nc tacjoc. 'Oj tacjoc chan̈ 'a yet'l 'aj 'awb'il cha, xa chi 'a eb', xchi Dios 'ayin.

A Ch'an̈ Schab'il Libro Yic Yab'ixal Eb' Rey 24:20

Yuj cha, 'ix cot yowl sc'ojl Jehová 'a Jerusalén yet' 'a Judá, masnto 'ix yij 'el eb' 'a yojltac. 'Ix meltzj 'och Sedequías 'ajc'ojlal 'a sreyl Babilonia.

Jeremías 34:21

An 'oj wac' 'ajxoc ganar Sedequías sreyl Judá, yet' smasnil eb' 'aych yajlil yet'oc, caw 'oj 'em eb' yuj eb' 'ajc'ojl yajch 'a cha, atn eb' tznib'n xon milnc cham eb'. 'Oj 'ajxoc ganar eb' yuj eb' soldado yic Babilonia, wach'xam tox xcob' 'actx can eb' yuj eb'.

Ez 21:23

Palta a eb' 'aj Jerusalén cha, ma'oj scha eb' yab'i'. A snan eb' to 'es jun cha, yujto 'ayx strato eb' b'ob'il yu'uj. Palta a win rey cha, 'oj yac' win sna cot eb' smul, ax ya'n win yamchjoc eb'.