Ez 17:15 - Chuj San Sebastian Bible

¹⁵ Palta 'ix 'och win 'ajc'ojlal 'a win sreyl Babilonia cha, 'ix ya'n 'at win schecb' 'a win sreyl Egipto yic tzc'ann cot win no chej yic owal yet' nan̈loc eb' soldado, (a no schab'l salt'iw cha, tzyal 'el'chi, atn win sreyl Egipto). ¿Tom 'oj yac' ganar scoln sb'a yet' jun snab'en cha? ¿Tom 'oj stac' scoln sb'a jun mach to matz yac' 'el'choc strato cha?

Chuj San Mateo Bible

¹⁵ Palta a vin̈ rey chi' te pit ix yutej sb'a vin̈ d'a vin̈ sreyal Babilonia tic. Ix yac'b'at schecab' vin̈ d'a vin̈ sreyal Egipto yic sc'anancot noc' chej vin̈ yed' jantacoc soldado. ¿Tzam e na' to ol yal scolanel sb'a vin̈ yed' jun spensar chi'? ¿Tom ol yal scolanel sb'a junoc mach max c'anab'ajan junoc strato?

Ez 17:15 Referans Kwoze

Ez 17:7

'Ay junx no salt'iw caw niwquil, niwc sc'axl no', caw pim xil no'. 'Ix c'och te sch'an̈l yib' chi 'a stz'ey no', ax te sc'ab' cha, x'at t'in̈n te', yic tzc'och te 'a no', sec tzya'ch no yalil te 'a 'aj 'awb'il cha.

Jeremías 52:3

Caw tenmtac xyutj sb'a 'a win sreyl Babilonia. A eb' 'aj Judá yet' eb' 'aj Jerusalén caw 'ix stzuntzj cot eb' yowl Jehová, yuj cha, 'ix yi'n 'el eb' 'a yojltac. Yuj jun tzo'n̈ cha, tz'ec' jun tzo'n̈ niwc yailal tic 'a yib'n̈ eb'.

Jeremías 38:18

Palta toto ma'oj a'ch a b'a 'a yol sc'ab' eb', to 'ixta', 'oj yi'c eb' jun chon̈b' tic, ax sn̈usn can eb', ach xo tic, man̈x 'oj stac' a coln a b'a 'a eb', xchi Dios, xin chi 'a win rey.

Jeremías 34:3

Ach tic man̈x 'oj stac' a 'at 'eloc. 'Oj a yamchj yuj eb' soldado winac, ax ach ya'n 'och eb' 'a yol sc'ab' win rey cha. A yic 'oj a c'och 'a yojltac, ax spaxtin win et'oc, 'oj lajwc cha, ax ejx 'at 'a Babilonia.

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

A Ch'an̈ Schab'il Libro Yic Yab'ixal Eb' Rey 24:20

Yuj cha, 'ix cot yowl sc'ojl Jehová 'a Jerusalén yet' 'a Judá, masnto 'ix yij 'el eb' 'a yojltac. 'Ix meltzj 'och Sedequías 'ajc'ojlal 'a sreyl Babilonia.

Dt 17:16

Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.

Ez 17:18

Yujto ma'ix yac' 'el'choc win rey tas xyal yet' sti', 'ix yac' win 'es 'a strato, xcob' yala' to yiclum tzyutj sb'a. Yujn̈ej cha, ma'oj stac' xon scoln sb'a.

Ez 17:9

Ax ticnec, al jun tzo'n̈ tic 'a eb' et' chon̈ab'. An Jehová in, an tzwal 'ixtic: A jun snun uva tic, ma'oj q'uib'oc. A no b'ab'l salt'iw, a no 'oj to'noc chan̈ te yet' sch'an̈lyib', ax spucl te sat yet' te xil cha. Man̈ yowlalc niwn 'anma tzto'n chan̈ te yet' sch'an̈lyib' yic tztacji.

Jeremías 38:23

Smasnil eb' 'ix estzil, yet' eb' onnal mamin rey, 'oj 'ajxoc 'och eb' 'a yol sc'ab' eb' 'aj Babilonia. Ach xo, ma'oj stac' a 'at 'elc 'a eb', palta to 'oj ajx 'och 'a yol sc'ab' win sreyl Babilonia cha, ax sn̈usn can eb' jun chon̈b' tic, xin chi.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

Mt 23:33

Ax tic, caw 'ixtm 'anma 'ex, lajn ex 'icha no chan, an̈jtona', 'ixta pax eb' e mam eyicham. ¿Tom 'oj stac' e coln 'el e b'a 'a jun niwn yailal 'a infierno?

Ez 21:25

Ach sreyl Israel, tecb'il ach, caw may a ch'olnil. A ticnec xc'och sc'ul ajx 'och 'a yol sc'ab' yailal yuj a mul.

Jeremías 32:4

Ax win Sedequías cha, man̈x 'oj stac' scoln 'el sb'a 'a yol sc'ab' eb' caldeo. 'Oj can 'a yaln̈ yuj win sreyl Babilonia cha, yuj cha, yowlal 'oj c'och 'a yojltac jun rey cha.

Pr 19:5

A mach tzya'ch sb'a testigoal 'a tas man̈ yeloc, yowlal 'oj yab' syail; toto tzyac' 'es, ma'oj colchjoc.

Salmos 55:23

Ach in Diosal, a eb' milm cham 'anma', yet' eb' 'a'm 'es, caw may sq'uinl eb', ma'oj nan̈lb'oc sq'uinl eb' yilni. Ach 'oj a'cn 'ejm eb' 'a yich sjul-l eb' chamnac, palta an xo tic, ach tzach wa'ch yipc in c'ojol.

Salmos 56:7

¿Tom 'oj stac' s'at eb' 'elc yuj smul cha? Ach in Diosal, 'ij 'ejm eb' 'anma tic yet' yowl a c'ojol.

Ez 23:20

'Ix ya'ch 'ix snab'en 'a ewin 'aj Egipto cha, yic tzya'n 'ix sgana yet' ewinac, yujto caw 'ay yip ewin 'icha no b'uru mto 'icha no cawyu chej.

Ez 29:7

'Ix cob' can yamn eb' 'aych 'icha c'ococh, 'icha to ach poji, 'ix lajw 'el eb' o'oj. A yic sc'ann eb' a colwal, 'icha to ach wecchj 'a yol sc'ab' eb', 'ix telw 'ejm eb'.

Ez 29:16

Yuj cha, ax chon̈b' Israel, man̈x 'a b'a'n̈ 'oj ya'ch Egipto chi yipc sc'ojol. A yic 'oj yiln 'och tas tz'aj Egipto cha, ax snan cot smul yic in yactn cani, ax cob' 'a Egipto x'at yal sb'a yic tzcolwj 'a 'a, 'oj yojcoc 'eli, to an Jehová Yajl in, an 'ixta tzwutej, xchi Dios, xa chi 'a 'a, xchi 'ayin.

Josué 9:20

A tas 'oj qui b'oc yet' eb', to 'oj can cajn eb' 'a qui calec, sec ma'oj cot yowl Jehová 'ayn̈ec, yujto tox 'ix ca'c qui ti 'a 'a, xchi eb'.

Is 36:5

¿Tom tzcob' e na', to yujn̈ej paxti wach' yalxi, ax yel yip eb' in soldado jeln ya'n owal? ¿Mach wal 'aych yipc e c'ojol, yuj cha, tze nib'n tzeyac' owl wet'oc?

Ez 21:28

Ach 'anma', al yab' eb' amonita tzb'uchwj 'a chon̈b' Israel, to an Jehová Yajl in, an 'ixtc tzwutj waln 'a eb': 'Iltec wal jun espada, lista xo yaj smilwji, caw wal tzictzni yel sc'a'l 'icha raya.