Ez 16:53 - Chuj San Sebastian Bible

⁵³ Palta 'oj wi'x chan̈ Sodoma yet' yaldeail, ax wi'n chan̈ Samaria yet' yaldeail, an̈jtona 'oj wi'x chan̈ Jerusalén yet' eb' yanma pucnc can 'ati,

Chuj San Mateo Bible

⁵³ A Sodoma yed' yaldeail vach' ol ajxoc vuuj. A Samaria yed' yaldeail vach' ol aj paxoc. Icha pax chi' Jerusalén vach' ol ajxoc vuuj.

Ez 16:53 Referans Kwoze

Ez 39:25

Palta ax ticnec, an Jehová Yajl in, an tzwal 'ixtic: Caw wal tz'o'x 'och in c'ojl 'a eb' israel, atn eb' yin̈tl can Jacob. 'Oj wa'x in wach'c'ojlal 'a eb' jun 'ejm xo, yic tz'ijx chan̈ in b'i.

Ez 29:14

A eb' 'aj Egipto 'icha presoal yajcn 'at cha, 'oj wi'x meltzjoc eb' 'a stojlal sur yic Egipto 'a slum 'aj 'aljnac smam yichm eb'. Ata 'oj ya'ch sb'a eb' chon̈b'al, palta may wal ste'nal jun chon̈b' cha.

Jeremías 12:16

Yujto a jun tzo'n̈ chon̈b' cha, a xcuyn eb' in chon̈ab' yic tzlocn eb' sb'i jun comn dios tzcuch Baal 'a junc tas tzyala. Ax ticnec, yet' 'a yojltac, 'oj stac' yaj cajn eb' 'a scal eb' in chon̈ab', toto caw yel 'oj syiclc eb' scuynb'il eb' in chon̈b' tic, ax slocn eb' in b'i 'a tas 'oj yala'.

Jl 3:1

A wal yic 'oj jawc jun c'u cha, caw 'oj wi'xq'ue'ch Judá yet' Jerusalén tic 'a swach'l jun 'ejm xo.

Jeremías 49:39

Ax 'a slajub', 'oj wi'xq'ue'ch chon̈b' Elam tic jun 'ejm xo, xchi Dios.

Jeremías 49:6

Palta an Jehová in, an tzwala: To a 'a yic 'oj lajwc ye'cn jun tzo'n̈ tic, 'oj wi'xq'ue'ch chon̈b' Amón tic jun 'ejm xo, xchi Dios.

Jeremías 48:47

Palta an Jehová in, an tzwala, to ax 'a slajub', 'oj wi'x q'ue'ch chon̈b' Moab jun 'ejm xo, xchi Dios. Atn jun tzo'n̈ yailal tic 'ix yalcn Jehová 'a yib'n̈ chon̈b' Moab.

Jeremías 31:23

A Jehová tztac' yuj smasnil, atn qui Diosalec an̈ israel on̈c tic, a tzaln 'ixtic: A yic 'oj wi'nc pax meltzjoc eb' israel jun 'ejm xo 'a slu'um, yet' 'a schon̈ab', 'oj yalx eb' chon̈b' 'a yol yic Judá 'ixtic: Ya' cab' Jehová syaxilal 'a yib'n̈ jun tzaln to sic'b'il 'el yuj tic, atn lum 'aj tzb'eylb'ax tojlal, 'oj schic eb'.

Jeremías 20:16

Sat cab' 'el jun winc cha, 'icha jun tzo'n̈ chon̈b' satnc 'el yuj Jehová 'a jun 'ejmn̈ej. 'Ab'x cab' yel 'aw yuj yailal 'a yic sq'uin̈b'ial, yet' 'aw yic 'a'j owl 'a yic chimc'ual.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Salmos 126:1

A yic sjeln Jehová snab'en 'a yib'n̈ Sión yuj tas 'aych 'a yib'an̈, 'icha ton̈j on̈ waychniec xquila.

Salmos 85:1

Mamin Jehová, yel xo wal wach' a nab'en 'a quib'n̈ an̈ a chon̈b' on̈ tic, yuj cha, 'ix a'n meltzjoc qui tzaljc'ojlal an̈ yin̈tl on̈ Jacob tic jun 'ejm xo.

Salmos 14:7

A cab' 'a tzaln Sión, ata tzcot qui colnb'il an̈ israel on̈c tic. A yic 'oj ya'nc pax Jehová swach'c'ojlal 'a quib'n̈ec jun 'ejm xo, caw 'oj qui tzaljec an̈ yin̈tl on̈c can Jacob tic.

Job 42:10

A yic xlajw sleslwi can Job yuj eb' swach'c'ojl cha, 'ixta to b'i'an, 'ix ya'n pax Jehová swach'c'ojlal 'a yib'n̈ jun 'ejm xo, 'icha xon 'a yic yalan̈, 'ec'b'al to xyutj pax Dios ya'n sjel 'a 'a.

Ez 16:52

A Jerusalén cha, 'oj yac' techjoc q'uixwc'ojlal, yujto yel xo wal yajb'entac 'ix yutj sb'a, 'a yib'n̈ Sodoma yet' Samaria. A chab' chon̈b' cha, toto tzqui lajb'tzej eb' yet' Jerusalén, wach' to wal eb' jab'x 'a yib'an̈.

Ez 16:54

sec 'oj techjoc q'uixwelal yu'uj, yic tzyi'n 'ejm sb'a yuj tas sb'o cha. 'Oj 'och sniwnalc sc'ojl chab' chon̈b' cha,

Ez 26:6

Ax eb' 'anma cajn 'a jun tzo'n̈ aldea 'ay 'a sti a mar cha, 'oj satl eb' smasnil yuj owal, sec 'oj yojcoc 'el eb', to an Jehová in.

Jeremías 46:27

'Ix yaln pax Jehová 'ixtic: Ex Israel, atn ex yin̈tl can Jacob, in checb' eyaji, caw man̈ ex xiwoc, yujto 'oj ex in col 'elt yet' eyunnal 'a jun nacion̈ 'aj ex 'ijx 'at 'icha presoal 'a caw najat. An Jehová in, an tzwala: 'Oj e cajx e lum 'a junc'ojlal, man̈x 'a tas 'oj e na', man̈x 'a junc mach 'oj e xib'tni.