Ez 14:5 - Chuj San Sebastian Bible

⁵ 'Ixta 'oj wutc wi'n meltzjoc snab'en eb' israel yijnac 'el snab'en 'ayn yuj jun tzo'n̈ yechl cha.

Chuj San Mateo Bible

⁵ Icha chi' ol aj vic'an meltzaj spensar eb' israel d'ayin, aton eb' ix yiq'uel sb'a d'ayin, axo d'a comon dios ix och eb' ejmelal.

Ez 14:5 Referans Kwoze

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Zacarías 11:8

A 'a yol jun 'uj, xin chec meltzjc 'oxwn̈ eb' 'ilm calnelu, 'ix lajw c'och in niwnc'ojlal 'a eb', 'ixta pax eb', caw wal man̈xtzac in snib'j eb'.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

A Scarta San Pablo D'a Eb' Aj Colosas 1:21

Ax xo, caw 'ajc'ojl eyajch 'a Dios 'a yic yalan̈. Caw tu eyutjnac e nab'en 'a sat, yujto maysch'olnil e b'eyb'al ta'. Palta ax ticnec, junc'ojlal xoj eyaj yet'oc,

Ef 4:18

Ax snab'en eb', caw q'uic'q'uinl yaji. May xon jac sq'uinl eb' tzyac' Dios 'a jun 'ejmn̈ej. Yuj spitl eb', yuj cha, man̈ jac tznachj 'el yuj eb'.

Gl 6:7

Man̈ eyixtc e b'a e nani to matz yil Dios tas tze b'o'o. May junc mach tztac' sc'ub'n 'el tas 'a sat Dios. Yuj cha, a tas tzqui b'o'ec, a chi 'oj 'ajxoc pax spacc 'ayn̈ec.

Ro 8:7

Palta ax eb' tzb'eylb'an 'icha tznib'j stu nab'enal, ton̈j tz'och eb' 'ajc'ojlal 'a Dios. Matz nib'j eb' tzyiclj sley Dios cha. Caw matz tac' yuj eb'.

Ro 1:30

Tzyaln eb' maysch'olnil 'a spatc eb' yit 'anma'il. Tzchichn 'och eb' 'a Dios. Tzuntzm maysch'olnil eb'. Tzyij chan̈ sb'a eb'. B'an̈quintac yec' eb'. Caw jeln tzyutj eb' snan 'el junc maysch'olnil. Man̈ yiclumoc tzyutj sb'a eb' 'a smam snun.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Os 10:2

A eb' israel tic, chapojn̈ yajl eb'. A ticnec, 'oj stoj lajwc eb' smul cha. 'Oj smac' 'ejm Jehová jun tzo'n̈ yet'l xajmb'al eb' cha, ax sma'n pax 'ejm q'uen q'uen 'aj tzyac' 'ejm sb'a eb'.

Jeremías 2:5

'Ix yal 'ayx 'ixtic: ¿Tas in mul 'ilchjnac yuj eb' e mam eyicham, yuj cha, in spatquiln can 'el eb'? 'Ix 'och tza'n eb' yuj jun tzo'n̈ comn dios to may jac yel'chi, yuj cha, man̈x 'a jac yel'ch x'ajcn eb'.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.