Ez 14:10 - Chuj San Sebastian Bible

¹⁰ A junc 'anma tzc'anb'j sb'a cha, yet' junc tzyalch sb'a in checb'oc, 'oj wa'ch syailal eb' yuj smul cha,

Chuj San Mateo Bible

¹⁰ Yovalil ol javoc yaelal d'a yib'an̈ jun anima ix montan jun in checab' chi' yed' pax d'a yib'an̈ jun in checab' ix pacan d'a yol yic chi'.

Ez 14:10 Referans Kwoze

Ez 23:49

A chawn̈ eb' 'ix 'ix cha, 'oj wac' stup lajwc eb' smul yuj yajmulal, yujto xyac' pax 'ejm sb'a eb' 'a jun tzo'n̈ yechl comn dios. Ax snachj 'el eyuj ax chab' chon̈b'al ex cha, to an Jehová Yajl in, an 'ixta tzex wutej, xchi Dios 'ayin.

Gl 6:5

Yujto junjn on̈ec, yowlal 'oj ca'c 'och qui cuenta 'a Dios, a tzyal tas 'ac'b'il 'a yol qui c'ab'.

Miqueas 7:9

'Ix 'och qui mulc 'a Jehová, yuj cha, 'oj ca'c techjoc yowl sc'ojol, masnto 'oj on̈ sb'eyc'ojloc, ax on̈ sb'onec yaji. 'Oj yac' Jehová quilc sacq'uinlal, 'oj quilc tas 'oj yutc on̈ scolnec 'eli.

Ez 14:4

Al 'a eb' to an Jehová in, an tzwal 'ixtc 'a eb': Tzann̈j junc 'a eb' israel to tzyac' 'ejm sb'a 'a jun tzo'n̈ yechl comn dios, a maysch'olnil 'aj 'aych snab'en, tzlajw cha, tzcob' jawc sc'anb'c sb'a 'a junc in checab', an Jehová Yajl in, an tzwala to a yailal 'oj wac' spacc 'a junc 'anma cha, yujto niwn yechl sdiosal cha.

Jeremías 14:15

An Jehová in, an tzwal yuj jun tzo'n̈ checb' chi tzte'wtzej sb'a yaln 'el 'a in b'i chajtlto may owal, may pax wejl 'oj jawc 'a yib'n̈ jun nacion̈ tic; palta caw man̈oc in tzwac' yal eb'. A jun tzo'n̈ checb' cha, 'oj cham eb' yuj owal, yuj pax wejel.

Nm 5:31

May yailal 'oj jawc 'a yib'n̈ win yichmil 'ix cha; palta toto a 'ix 'ix chi 'ay smul, mun a 'a yib'n̈ 'ix 'oj jawc yailal, xchi Dios.

Gn 4:13

Yuj cha, xta'w Caín 'ixtc 'a Jehová: —Caw niwquil yailal jun xcotcn 'a wib'n̈ tic, caw wal ma'oj techjoc wu'uj.

Ez 14:9

Toto 'ay junc mach tzcob' sc'anb'j sb'a 'a junc tzyalch sb'a in checb'oc, toto tzyac' jun checb' chi spac junc paxti chi 'a yol yico', a jun cha, an tzwac' 'ixtxoc paxti'. 'Oj wic' chan̈ in c'ab' 'a 'a, ax wa'n 'och syailal, 'oj wi'l 'a scal eb' in chon̈ab'.

Ez 14:11

sec wach' man̈xtzac yij 'el eb' israel snab'en 'ayin, man̈x 'oj sb'o eb' tas maysch'olnil. 'Oj 'ochx eb' in chon̈b'oc, ax wochx sDiosalc eb', xchi Jehová.

Os 9:7

A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.