Ez 13:23 - Chuj San Sebastian Bible

²³ Yuj cha, man̈x 'a wal b'a'n̈ 'oj stac' eyalni to 'ay tas tzeyila, mto 'ay tas 'oj stac' e nan 'eli. An 'oj in col-l eb' in chon̈b' tic 'a yol e c'ab', ax in eyojcan 'eli, to an Jehová in, xchi Dios, xa chi 'a eb', xchi 'ayin.

Chuj San Mateo Bible

²³ Yuj chi' man̈xalaj b'aj ol eyala' to ay tas tz'ac'ji eyila', ma olto e tz'ac e nael tas ol ujoc. A in ol in colel in chon̈ab' d'a yol e c'ab'. Icha chi' ol aj snachajel eyuuj to a in ton Jehová e Diosal in, xchi Jehová, xa chi d'a eb' ix, xchi d'ayin.

Ez 13:23 Referans Kwoze

Ez 13:21

'Oj in jatl jun tzo'n̈ nip chi tzeya'ch 'a sc'ab' eb' yet' spotl sjolm eb' cha. 'Oj in col-l eb' in chon̈b' chi 'a yol e c'ab', man̈x 'oj montchjoc eb' eyu'uj. 'Ixta to b'i'an, ax eyojcan 'eli, to an Jehová in, to cojn in ton Dios in.

Miqueas 3:6

'Icha to yajn̈ej 'oj 'ec' c'u 'a yib'n̈ eb', ax scancn eb' 'a scal q'uic'q'uinal. Man̈x 'a b'a'n̈ 'oj ch'oxxoc yil eb' jun tzo'n̈ tas 'a 'icha waychil, man̈x 'oj stac' yaln pax 'el eb' tas 'oj ujc b'aq'uin̈, xin chi, xchi Dios.

Ez 12:24

Yujto man̈x 'a mach 'oj cob' stz'ac yala', to 'ay tas tzyil 'a 'icha waychil, mto cob' 'oj sna chan̈ junc 'es paxti 'a scal eb' in chon̈b' cha.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

Zacarías 13:3

Yuj cha, toto 'ay junc mach 'oj stz'ac yal-l in paxti', ax smam yet' snun 'oj alnc 'a 'ixtic: Ach tic 'oj a chami, yujto xa te'wtzej a b'a 'a'n 'es aln 'eli, chajtlto yic Jehová jun tzal-l cha, 'oj schic eb' 'a 'a. A wal smam yet' snun chi 'oj tecn chamoc, yujto cob' tzyalch sb'a in checb'oc.

Apoc 15:2

'Ix wiln pax jun 'icha mar, lajn yilx 'icha nen caln yaj yet' c'ac'. Ax 'a stz'ey jun cha, 'ay jun tzo'n̈ eb' lin̈n 'eq'ui. Atn eb' x'a'n ganar 'a yib'n̈ jun noc' sb'i, yet' 'a jun yechel. 'Ix ya'n pax ganar eb' 'a yib'n̈ jun número yic sb'i jun noc' cha. Wan syucn eb' junjn yarpa xyac' Dios 'a 'a.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Apoc 13:5

'Ix 'ajx pax spermiso jun noc' sb'i cha, yic tzyaln jun tzo'n̈ maysch'olnil yet' b'uchwal paxti 'a Dios. 42 'ujl 'ix 'ajx spermiso ya'n yajlil.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

2 Ti 3:9

Palta a eb' cha, ma'oj yac' ganar eb', yujto 'oj checljoc 'el eb' 'a sat smasnil 'anma', chajtlto man̈ nab'enal yaj eb'. 'Icha 'ajnc scheclj 'el ewin chichnnac 'och 'a Moisés, 'ixta 'oj 'aj eb' scheclj 'eli.

1 Co 11:19

Tecn yowlal 'oj e poj e b'a, sec 'oj checljoc 'eli, machx yel creyente ex.

Mr 13:22

Yujto 'ay eb' 'oj pitzwc cha'an̈, ax cob' yaln 'och sb'a eb' Cristoal. 'Ay pax eb' 'oj cob' yalch sb'a schecb'oc Dios, 'oj cob' sch'ox eb' jun tzo'n̈ senya, yet' jun tzo'n̈ milagro, sec tzsomchj 'el eb' 'anma yuj eb'. 'Oj ya'lc eb' ya'n somchjoc pax 'el eb' sic'b'il 'el yuj Dios, toto 'oj stac' yuj eb'.

Mt 24:24

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

Ez 15:7

An wal 'oj woch 'ajc'ojlal 'a eb'. Wach'xam 'oj yac' ganar eb' scoln sb'a 'a jun yailal cha, palta chucx junx yailal chi 'oj satn 'el eb'. A yic 'oj woch 'ajc'ojlal chi 'a eb', ax in eyojcan 'eli, to an ton Jehová in, to cojn in ton Dios in.

Ez 14:8

An tzwala to 'oj woch 'ajc'ojlal 'a 'a, ax wa'n 'och ch'oxnb'ilal 'a scal 'anma', ax wi'n 'el 'a scal eb' in chon̈ab', 'ixta to b'i'an, ax in eyojcan 'eli, to an Jehová in, to cojn in ton Dios in.

Dt 18:20

Toto 'ay junc cob' tzyalch sb'a in checb'oc, ax yaln tas to man̈oc in tzwal 'a 'a, mto tzyal 'a sb'i jun tzo'n̈ comn dios, a jun cha, yowlal tze mil chamoc.

Jeremías 23:14

'Ix wiln pax eb' tzyalch sb'a in checb'oc 'a Jerusalén, tzb'o eb' 'anma tas caw tu'. Tzb'o eb' 'ajmulal, tzyixtn eb' yit 'anma'il, tz'iptzax eb' sb'on maysch'olnilal yuj eb'. Yuj wal cha, may junc eb' tzyij 'el sb'a 'a scal maysch'olnil. A wal 'a in sat, a jun tzo'n̈ 'anma tic, yet' eb' cajn 'a Jerusalén, caw lajn eb' 'icha eb' 'aj Sodoma yet' eb' 'aj Gomorra.