Ez 12:28 - Chuj San Sebastian Bible

²⁸ Yuj cha, al 'a eb' to an Jehová in an tzwal 'ixtic: A tas xwala, ma'oj 'ec' tiempo yel'chi, yowlal 'oj 'el'choc muc'uc, xa chi 'a eb', xchi Dios 'ayin.

Chuj San Mateo Bible

²⁸ yuj chi' al d'a eb' to a in Jehová in svala' to a tas svala' man̈ ol ec' tiempo yelc'ochi, yovalil ol elc'och d'a elan̈chamel, xchi Jehová d'ayin.

Ez 12:28 Referans Kwoze

Apoc 3:3

Yuj cha, nac cot jun tzo'n̈ cuynb'il 'aj eya'jnac 'och e c'ojl 'a yic yalan̈. Nac e b'a, 'a'c pax 'och e nab'en jun 'ejm xo 'a 'a. Toto matz e b'o e b'eyb'al, 'oj in c'och 'ayex. 'Icha sc'och junc 'elc'um, may mach 'ojtnac, janc' tzc'ochi, 'ixta 'oj in c'och 'ayex.

Jeremías 44:28

Caw jaywn̈ xoj ex 'oj e colchj 'el 'a scal owal, 'oj eyel 'a Egipto tic, ax e c'ochx can 'a Judá. 'Ixta to b'i'an, e masnil ex 'aj Judá ex to cajn ex 'a Egipto tic, atta 'oj eyila', mach 'oj 'el'choc tas tzyala, tom a tas xwala, mto a tas xeyala.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Ez 7:7

Xc'och sc'ul e lajw 'el ax cajn ex 'a jun nacion̈ tic, caw jab'xoj sjaw sc'ul e chan e b'a yet' somc'ojlal. Man̈x 'a tzaljc'ojlal 'a lum jolmctac witz 'aj cajn ex.

Ez 12:27

Ach 'anma', a eb' et israelal cha, tzyal eb' 'ixtc yuj tas xin ch'ox ela', mto 'a tas tzwac' al 'a eb'. ¿B'a'n̈ xom yuj jun tzo'n̈ cha? xchi eb'.

Ez 13:1

'Ix yaln Jehová 'ayn 'ixtic:

Jeremías 1:11

'Ix yaln pax Jehová 'ixtc 'ayin: Jeremías, ¿tas tzela? xchi 'ayin. Tzwil jun sc'ab' te almendro, xin chi 'a 'a.

Jeremías 1:12

Yel tzala. 'Oj in mac wila', sec 'oj 'el'choc tas tzwal tic, xchi.

Jeremías 1:13

'Ix paxtin pax Jehová 'ayn 'a scha'ejmal, xyaln 'ixtic: ¿Tas tzela? xchi 'ayin. Tzwil jun chen wan xeji, wan spultz'j cot 'a stojlal norte, xin chi 'a 'a.

Ez 7:13

A mach tzchon̈l jac smacl cha, man̈x b'a'n̈ 'oj yi'x can 'eq'ui, yujto lajn 'oj cham win tzmanwj chi yet' win tzchon̈wj cha. May mach 'oj stac' yi'n 'ec' yowl in c'ojl 'a yib'n̈ eb' 'anma cha. A eb' maysch'olnil sb'eyb'al, may junc eb' 'oj stac' scoln sb'a.