Ez 12:20 - Chuj San Sebastian Bible

²⁰ Ax smasnil eb' lum chon̈b' 'aj cajn eb' 'anma', caw wal sictac 'oj 'ajcn eb' satli; cusltac yilx 'oj 'ajcn jun nacion̈ cha. 'Ixta to b'i'an, ax in yojcan 'el eb', to an ton Jehová in, to cojn in ton Dios in, xchi Dios, xa chi 'a eb', xchi 'ayin.

Chuj San Mateo Bible

²⁰ Masanil chon̈ab' b'ajtac cajan anima ol laj emcan lan̈najoc, ol can pax tz'inan lum smacb'en eb' chi'. Icha chi' ol aj snachajel eyuuj to a in ton Jehová e Diosal in, xchi d'ayin.

Ez 12:20 Referans Kwoze

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Dn 9:17

Ach qui Diosal, maclj wal ab' in lesal, yic tzin tew 'aych an a checb' in tic. Caw wal b'inab'ilch Mamin, ch'ox a wach'c'ojlal 'a yib'n̈ a cajnub' mac'b'il 'ejm lan̈chjoc.

Ez 15:8

An tzwala to 'oj wa'ch can jun nacion̈ chi 'a cusltaquil, man̈x 'a 'anma 'oj can 'a 'a, yujto tenmtac xyutj sb'a eb' 'ayin, xchi Dios.

Ez 15:6

Yuj cha, an Jehová in an tzwal 'ixtic: 'Icha wal tz'aj yoch te sch'an̈l uva chi 'a scal c'ac' yic tz'a'i, 'ixta 'oj wutc eb' 'aj Jerusalén wa'n 'och syailal, yujto may yopiso eb' 'a in sat.

Lm 5:18

A chon̈b' Sión, 'ix lan̈chj 'ejm can smasnil, axn̈ej no wax tzlaj 'ec' ta'.

Jeremías 19:11

Tzlajw cha, tzaln 'ixtc 'a eb': A Jehová tztac' yuj smasnil a tzaln 'ixtic: 'Oj in satl jun chon̈b' tic 'icha tz'aj sma'x poj junc lum ch'ub' to man̈xtzac stac' sb'o jun 'ejm xo. A 'a lum Tofet tic, a tic 'oj e muc eb' chamnc 'anma', yujto man̈x 'a 'aj wach' 'oj e muc eb'.

Jeremías 16:9

Yujto an Jehová in, tztac' wuj smasnil, e Diosal in, an tzwala: An 'oj wac' lajwc jun tzo'n̈ b'it yic tzaljc'ojlal tz'och 'a yic q'uin̈al, yet' jun tzo'n̈ b'it yic nupnel. A jun tic, 'oj ujc 'a yol e tiempoal tic, caw ax 'oj eyila'.

Is 24:12

A jun chon̈b' 'ix 'ixtx 'el cha, tox xlaj poj spuertail.

Is 24:3

'Oj cancn jitn lum lum tic, yujto 'oj 'ijxoc 'at smasnil tas 'ay 'a lu'um, xchi.

Jeremías 34:22

An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Ez 5:14

Sictac 'oj 'ajcn e chon̈b' tic, ax yic 'oj laj 'ec' eb' 'anma cajn 'a stz'ey, 'oj laj stzetzc eb'.

Ez 12:15

A yic tox 'ix sactzic can eb' in pechn 'at 'a jun tzo'n̈ xo nacion̈ cha, atta 'oj yil cot sb'a eb' ax in yojcan 'el eb', to an ton Jehová in, to cojn in ton Dios in.

Ez 12:21

Xlajw cha, 'ix yaln pax Jehová 'ayn 'ixtic:

Ez 36:3

A yic 'ix smacn 'ec' eb' nacion̈ chi yico'oc lum jolmctac witz 'a yol e macb'en, 'ix laj satnc 'el eb' tas 'ay 'a jun tzo'n̈ lugar cha, 'ix laj b'uchwj eb' 'ayx ax cajn ex chi ta'.

Lv 26:31

'Oj in mac' lan̈chjoc can e chon̈b' cha, ax slajw can 'ejm yatut e diosal, man̈x 'a yopiso e xajmb'al to su'q'ui yec' sjab' 'a wojltac.

Lv 26:33

Ax xo tic, 'oj ex in pechcn 'at 'a scal jun tzo'n̈ xo nacion̈, tza'n 'och wespada eyu'uj, ax e 'atcni. A e nacion̈, 'oj 'ochcn waymtaquil, ax e chon̈ab', cusltac xoj yilx 'oj 'ajcn sjuwi.