Ez 12:12 - Chuj San Sebastian Bible

¹² Ax win rey cha, 'oj yic' win spa ax s'at win 'a 'ac'wl cha. 'Oj yac' win b'o yolnil smuroal Jerusalén, ax yel ta'. 'Oj smac win sat sec ma'oj yilcn jun chon̈b' cha.

Chuj San Mateo Bible

¹² A vin̈ sreyal eb', yovalil ol sjolomjen̈jab'ejb'at sc'ael vin̈ ayic van sq'uic'b'i, ol el vin̈ d'a jun olan b'ob'il yuj eb' d'a smuroal Jerusalén chi'. Ol smusan sat vin̈, yic vach' man̈ ol yil vin̈ b'aj sb'ati.

Ez 12:12 Referans Kwoze

Jeremías 39:4

A yic xyiln win rey Sedequías yet' eb' soldado yuj tas wan yuji, yuj cha, 'ix 'at eb' 'elc 'a 'ac'wal. Ata 'ix 'el eb' 'a scal yawb'ente eb' rey, axta x'el'ch eb' 'a jun puerta 'ay 'a snan̈l chab' muro. 'Ixta x'aj eb' sc'och 'a jun b'e tzc'och 'a span̈nil sti a Jordán.

A Ch'an̈ Schab'il Libro Yic Yab'ixal Eb' Rey 25:4

Ax eb' caldeo 'ix yac' ganar eb' sma'n olchjoc smuroal jun chon̈b' cha. Wach'xam oyn 'och eb' soldado chi 'a spatquil, palta 'ix 'el win rey yet' smasnil eb' soldado 'a 'ac'wal. 'Ix 'el eb' 'a scal yawb'ente eb' rey. X'el'ch eb' 'a jun puerta 'a snan̈l chab' muro, 'ix 'at eb' 'a jun b'e tzc'och 'a span̈nil sti a Jordán.

Ez 12:6

A 'a yic wan xo sq'uic'b'i, tza'n q'ue a pa chi 'a sjolm a quelab', q'ueln 'och eb' 'ayach yic tzach 'at cha. Tza mac a sat, sec matz uj eln can jun chon̈b' cha. 'Ixta tzach wutj ach wa'n 'och ch'oxnb'ilal 'a eb' et israelal cha, xchi 'ayin.

Jeremías 52:7

a eb' soldado 'aj Babilonia, 'ix yoln eb' jun oln 'a smuroal chon̈b' Jerusalén cha. Yuj cha, ax 'a 'ac'wal, 'ix 'el win rey Sedequías chi yet' eb' soldado smasnil wach'xam oyb'il jun chon̈b' chi yuj eb' soldado 'ajc'ojl cha. Ata tojl x'el'ch eb' 'a scal yawb'ente eb' rey, ax ta 'ix 'el'ch eb' 'a jun puerta 'ay 'a snan̈l chab' muro. 'Ixta 'ix 'aj eb' sc'och 'a jun b'e tz'atn̈j 'a span̈nil sti 'a Jordán.

Jeremías 42:7

Slajn̈il xo c'u, 'ixta to b'i'an, 'ix paxtin Jehová 'ayn an Jeremías in tic.

Jeremías 24:8

Ax pax Sedequías sreyl Judá, yet' eb' 'aych yajlil yet'oc, yet' pax smasnil eb' cajn 'a Jerusalén, atn eb' xcanto 'a jun nacion̈ tic, yet' pax eb' xc'och cajn 'a Egipto, a eb' cha, lajn wal yaj eb' 'a in sat 'icha te sat higo c'al xo, matz tac' sloxi.

Jeremías 32:5

Ax win Nabucodonosor cha, 'oj yac' win 'ijxoc 'at 'a Babilonia. Ata 'oj cann̈j ta', masnto 'oj wilx in b'a yet'oc. Wach'xam 'oj cob' eyac' owl yet' eb' caldeo, palta ma'oj stac' eyu'uj, xchi Dios, xin chi. Yuj wal jun tzo'n̈ paxti cha, wajx 'och 'a preso.

Jeremías 37:17

Ax win rey Sedequías chi in 'a'n 'ijxoc 'at 'a sdespacho. A yic in c'och 'a yojltac win rey cha, 'ix sc'ultac c'anb'n win 'ixtc 'ayin: —¿'Aym junc spaxti Jehová tzal wab'i'? xchi winac. In ta'w 'ixtc 'a winac: —N', 'ay toni, 'ixtc wal yaln 'ixtic: Ach tic mamin rey, 'oj ajx 'och 'a yol sc'ab' win sreyl Babilonia, xin chi.

Ez 12:4

C'ul tza b'o a pa chi yil eb' 'anma cha, 'icha tzyac' junc mach to wan yijx 'at 'icha presoal, palta at 'a yemc'ul tzach 'at yil eb', 'icha to wan ejx 'at 'icha presoal cha.

A Ch'an̈ Schab'il Libro Yic Yab'ixal Eb' Rey 7:5

A yic 'ix 'em nummoc sq'uic'b'i, 'ix q'ue wan eb', 'ix 'at eb' 'a scamplamento eb' sirio cha. Ax yic 'ix c'och eb', 'ix yiln eb' man̈x 'a junc mach 'ayq'ui.

Job 24:16

Ax eb' 'elc'um, a 'a 'ac'wl tz'och eb' 'elc'l 'a te n̈a, ax 'a c'ual, ton̈j tzmacn̈aj sb'a eb'; matz nib'j eb' yil sacq'uinal.