Ez 11:19 - Chuj San Sebastian Bible

¹⁹ 'Oj wac' jun e nab'en caw wach', caw 'a'to, ax wi'n can 'el jun e nab'en to caw wal tzatz 'icha q'uen q'ue'en,

Chuj San Mateo Bible

¹⁹ Ol viq'uel jun pensar ayoch d'a eb' icha q'uen q'ueen, axo jun ac' pensar te vach' ol vac'och d'a eb'.

Ez 11:19 Referans Kwoze

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Jeremías 24:7

'Oj wac' wal snab'en eb', yic tzin yojcan 'el eb', chajtlto an ton Jehová in, ax eb', in chon̈b' yaj eb'; 'oj woch sDiosalc eb', yujto yet' wal smasnil sc'ojl eb', ax smeltzj paxt eb' 'ayin.

2 Co 3:3

'Icha junc carta tz'ib'b'il can yuj Cristo, an̈ xo quijnac 'at on̈, 'ixta ex. A jun 'icha carta tic, man̈oc yet' tinta tz'ib'b'il cani, palta a Yespíritu Dios pitzan, a tz'ib'jnac. Man̈oc 'a junc q'uen 'icha un̈ 'aj tz'ib'b'il cani, palta a 'a e pixan, ata tz'ib'b'il cani.

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

Ez 18:31

'Actjec can smasnil maysch'olnil xe b'o cha, ax jun 'ac' nab'en yet' jun 'ac' espíritu tze chaj 'och 'ayex. Ex israel, ¿tas yuj tzeyij cot chaml 'a eyib'an̈?

Zacarías 7:12

Caw pit xyutj eb' snab'en, 'icha stzatzl q'uen yax q'ue'en, sec wach' matz chaj eb' yab' cuynb'il yet' checnb'il 'ix wal 'a eb', atn jun tzo'n̈ yaljnac 'el eb' in checb' yuj Wespíritu 'a yic pecti'. Yuj cha, caw niwn xcot yowl in c'ojol.

2 Co 5:17

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

Gl 6:15

Toto junxn̈ej tzon̈ 'ajc yet' Cristo Jesús, man̈x 'a yel'chi, wach'xam 'ac'b'iln̈ec circuncidar, mto ma'ay. Cojxn jun tic 'ay yel'chi, toto jelmjnac qui nab'enec.

Jn 14:26

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

Sofonías 3:9

A yic 'oj jawc jun c'ul cha, cojxn wach' paxti 'oj wac' yal eb' 'anma smasnil, sec smasnil chon̈b' 'oj yal sb'a eb' 'ayin, junxn̈ej 'oj yutc eb' in ya'n servil.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

Ro 11:2

Yictax pecti', yaljnac Dios yuj eb' israel to yic eb'. Ax ticnec, ma'oj spatquilc can 'el eb'. Cojquec yab'xil win Elías 'a Ch'an̈ U'un̈. A 'a jun 'el, xleslwi Elías 'a Dios, yalni tas smul eb' yit israelal cha. Yaln yuj eb' 'ixtic:

Lc 11:13

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' a eb' eyunnal. Ax qui Mamc 'ayc' 'a satcha'an̈, yel xo wal 'oj yac' Yespíritu 'a eb' tzc'ann 'a 'a, xchi Jesús 'a eb'.

Ef 4:23

Yuj cha, yowlal tzwach' b'o e nab'en 'a junjn c'u.

Is 48:4

Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.

2 Cr 30:12

A eb' 'anma 'aj Judá, a Dios 'ix 'a'n sna eb' to tojl tzyutj eb' snab'en, sec tzyiclj eb' checnb'il xyal win rey yet' eb' yajl yaj yet'oc, a tzyal tas 'ix yutj Jehová yalni.

A Ch'an̈ Schab'il Libro Yic Yab'ixal Eb' Rey 22:19

'ix a'n 'och 'a a c'ojol, xe'n 'ejm a b'a 'a wojltac an Jehová in, 'ix 'a tzilnjat a pichul, ach 'oc' 'a wojltac, 'ix ab' tas xwala, to 'oj satl jun lugar tic, ax scatb'tzax eb' 'anma cajn 'a 'a. An̈jtona 'in, 'ix wab' tas 'ix ala, an Jehová in, an tzwal 'ayach.

Ez 37:14

An tzwala, to 'oj wa'x 'och Wespíritu 'ayex, 'icha to 'oj e pitzw paxi; ax wa'n e cajx e lum chi jun 'ejm xo. 'Ixta to b'i'an, ax eyojcan 'eli to a tas 'aj tzwa'cn in ti an Jehová in, yowlal tzwac' 'el'choc, xchi Dios.