Ez 1:16 - Chuj San Sebastian Bible

¹⁶ A chan̈e setet cha, lajnn̈ej yaj eb' sb'o'i, 'icha yilx q'uen crisólito, 'ixta yilx eb'. Colcnb'a yaj eb' schan̈il.

Chuj San Mateo Bible

¹⁶ A chan̈e' xocanxocan chi', lajann̈ej yilji schan̈il, sveei yilji icha q'uen topacio, axo d'a yool junjun, ay junxo xocanxocan ayochi, ch'occh'oc b'aj q'uelanb'at junjun.

Ez 1:16 Referans Kwoze

Dn 10:6

A sniwnal, caw tzictzni yilx 'icha q'uen topacio, ax sat caw tz'etzw 'icha letz'lo'om. A yol sat, caw tzxexni 'icha junc cantil tzn̈ilchj sc'aq'uil. A sc'ab' yet' yoc, caw tzictzni 'icha q'uen bronce caw n̈el-li yaj sb'o'i, ax sjaj caw tzn̈il-li 'icha sjaj nan̈loc 'anma'.

Ef 3:10

Yuj cha, jantcn̈ej eb' 'aych yajlil 'a satcha'an̈, yet' eb' tz'a'n cuenta ta', yic xyiln eb' chajtl caj an̈ec yiglesia on̈ xo tic, 'ix wach' nachj 'el yuj eb', to man̈ jantcoc sjelnal Dios.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

Salmos 40:5

Mamin Jehová ach in Diosal, til wal jun tzo'n̈ tas satjub'tac yilx xa b'o'o, yet' jun tzo'n̈ a nab'en 'ix a nalb'ej cuj on̈. Tzin nib'j tzwal-l jun tzo'n̈ tic, palta matz techj waln 'eli, yujto 'ec'b'al 'a yib'n̈ smasnil tas tztac' walni.

Salmos 36:6

Caw wal tojl a nab'en, lajn wal 'icha lum niwc witz, ax a b'eyc'ojlal, lajn yaj 'icha a mar caw xab' yich. Ach tza tan̈wj eb' 'anma', yet' pax no noc'.

Job 9:10

Til wal tas satjub'tac yilx tzb'o'o, may junc mach tztac' yojcan 'el tas tzb'o cha.

Ex 39:13

'A schan̈il, 'ix 'och jun q'uen topacio, jun q'uen cornalina, jun q'uen jaspe. A jun tzo'n̈ q'uen cha, 'ix 'ochcn eb' q'uen 'a yib'n̈ syamnub'l b'ob'il yet' oro.

Cantares 5:14

A sc'ab' na, lajn yilx 'icha junc q'uen oro xoyn xoj yaj sb'o'i, a q'uen topacio 'aych 'a spatic; ax sniwnal na, lajn yilx 'icha q'uen marfil, ax q'uen zafiro 'aych yelwnub'loc.

A Ch'an̈ B'ab'el Libro Yic Yab'ixal Eb' Rey 7:33

Lajn yaj sb'o jun tzo'n̈ setet cha, 'icha setetal caruaje. A syamc'ab'il, nab'a bronce smasnil.

Dn 7:9

'Ix in yamn̈ej 'och wilni, 'ix 'ajx 'ejm jun tzo'n̈ despacho, ax Dios, atn jun 'ayc' 'a jun 'ejmn̈ej, x'em wocn 'a yib'n̈ jun yico'. Caw sac yilx spichl 'icha yilx q'uen sacb'acum. Ax xil sjolom, caw sac yilx 'icha sac lana. A sdespacho cha, 'ay setetal, 'icha to tzn̈ilchj sc'aq'uil.