Ez 1:13 - Chuj San Sebastian Bible

¹³ A 'a scal eb' querubín cha, ata 'ay jun tas caw tzxexni 'icha stzac'ac', 'icha pax yilx junc tziclab'il taj tzn̈iln̈ni, 'ixta jun c'ac' cha, ax 'a scal, ata tzlaj 'elt letz'lo'om.

Chuj San Mateo Bible

¹³ A d'a scal eb', ay jun tas sb'eyeq'ui, lajan yilji icha tzac'ac' chacxilinac, ma icha yilji junoc tas ayoch sc'ac'al. Toxon̈ej sveei yilji, axo d'a scal tz'elta copoljoc c'ac'.

Ez 1:13 Referans Kwoze

Apoc 4:5

A 'a jun despacho cha, caw tz'elt raya 'a 'a. Caw tzc'an̈ 'icha sc'an̈ c'u. Ax 'a yojltac, ata 'ay uque niwc cantil 'aych sc'aq'uil, atn Yespíritu Dios yucwn̈il.

Salmos 104:4

A 'ic', a 'aych a checb'oc, ax snich c'ac', a tzach 'a'n servil.

Apoc 18:1

Xlajw cha, xwilni, 'ay junx ángel 'ix cot 'a satcha'an̈. Caw niwn spoder. 'Ix sacb' yolyib'n̈q'uinl yuj stzictznial.

Apoc 10:1

Xlajw cha, xwiln pax junx ángel 'a satcha'an̈, caw niwn spoder. 'Ix 'ejm 'a yolyib'n̈q'uinal. Oyn 'och 'asn 'a 'a, 'icha to a 'aych spichloc. A 'a sjolom, 'ay q'ue jun chacpan. A sat, caw tzictzni 'icha c'u. Ax yoc, 'icha snich c'ac' 'ixta yilxi.

Mt 28:3

Caw tzictzni yilx 'icha letz'lo'om, caw sac pax spichl 'icha sacb'at.

Ez 1:7

Tojln̈ej yaj 'ejm jiln yoc eb', ax samil yoc eb' cha, lajn yilx 'icha yoc wacax, caw tzictzni yilx 'icha q'uen bronce n̈icb'il 'el slumal.

Gn 15:17

A yic 'ac'wl xo, 'ix sch'oxn sb'a jun niwquil c'ac', caw niwquil sq'ue wan stab'il, tzictzni yel snich. Tz'ec' 'a scal snan̈l schib'jal e no noc' tzuc'b'il cham cha.

2 Ts 1:7

Wan eyab'n syal quet' on̈. Palta at 'oj jawc pax Cajlil Jesús, ax ya'n Dios sniwnal qui c'ojlec. 'Oj cot Cajlilec yet' eb' yángel 'a satcha'an̈, atn eb' caw niwn spoder. A yic 'oj 'emloc eb', 'aych eb' 'a scal jun c'ac' tzn̈ilchji.

Ez 10:2

'Ix yaln Jehová 'a win lino spichl chi 'ixtic: 'Ochn̈ 'a snan̈l jun tzo'n̈ setet 'aych 'a yaln̈ eb' querubín tic, tze'n 'elt jun jopoc stzac'ac' 'a' scal eb' cha, tza tzicn 'at 'a scal chon̈ab', xchi. Q'ueln in 'och 'a jun winc cha, 'ix 'ochcn 'a jun cha.

Dn 7:9

'Ix in yamn̈ej 'och wilni, 'ix 'ajx 'ejm jun tzo'n̈ despacho, ax Dios, atn jun 'ayc' 'a jun 'ejmn̈ej, x'em wocn 'a yib'n̈ jun yico'. Caw sac yilx spichl 'icha yilx q'uen sacb'acum. Ax xil sjolom, caw sac yilx 'icha sac lana. A sdespacho cha, 'ay setetal, 'icha to tzn̈ilchj sc'aq'uil.