Ez 1:1 - Chuj San Sebastian Bible

^1-3 An Ezequiel in tic, yunnaln win Buzi, an xin tz'ib'j jun libro tic. Ya'mal 'och sti eb' 'anma waj 'a Dios. Ata 'ayn 'ec' 'a sti jun a a tzcuch Quebar 'a yol yic Babilonia. 'Ayn 'och 'a scal eb' 'aj Judá 'ijxnac cot 'icha presoal. A 'a yic yol c'u yoch schan̈l 'uj yic ab'il 30, atn 'a yic tox 'ix 'ec' o'e ab'il yijx cot win rey Joaquín 'icha presoal, ata 'ix wil jun tic, 'icha to 'ix jacw satcha'an̈, 'ix sch'oxn sb'a Jehová Dios 'ayin, xya'n jawc spoder 'a wib'an̈.

Chuj San Mateo Bible

^1-3 A in sacerdote Ezequiel in tic, yuninal in vin̈aj Buzi. A junel ayinec' d'a sti' jun a a' scuch Quebar d'a Babilonia, ayinec' d'a scal eb' vetchon̈ab' aj Judá ic'b'ilcot preso. Ayic oye' c'ualxo yoch schan̈il uj yic ab'il 30, ayic toxo ix ec'b'at oye' ab'il yic'jicot vin̈aj rey Joaquín preso, ata' ix jacchaj satchaan̈, ix vilan stziquiquial Jehová, ix lolon d'ayin, ix yac'anem spoder d'a vib'an̈.

Ez 1:1 Referans Kwoze

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

A Tas Sc'ulejnac Eb' Schecab' Jesús Hechos 7:56

Yuj cha, 'ix yaln 'ixtic: —'Iltec, tzwila to jacn satcha'an̈. Tzwila to a jun 'Ochnc 'Anma'il, 'ayc' 'a swach' c'ab' Dios ticnec, xchi.

Mt 3:16

Ax yic xlajw yajx bautisar Jesús, 'ix q'ue paxt 'a yojl a'. Yajn̈j cha, xjacw satcha'an̈, 'ix yiln Jesús chi yeml Yespíritu Dios, 'ix 'ejm 'a yib'n̈ 'icha junc no parama.

Ez 11:24

Xlajw cha, in yi'n pax chan̈ Yespíritu Dios, in yi'n pax cot 'a scal eb' wit israelal 'icha preso yaj 'a Babilonia. A jun tic, 'icha wal waychil xwutj wiln yuj Yespíritu Dios, cojxn tic, man̈x 'a tas xwila.

A Tas Sc'ulejnac Eb' Schecab' Jesús Hechos 10:11

'Ix yiln sjacw satcha'an̈. 'Ay jun 'icha niwquil sac nip 'ix 'emli. T'un̈n chan̈ yisquinyoal schan̈il, 'ix 'eml 'a span̈nil yib'n̈ jun n̈a 'aj 'ayc' Pedro cha.

Lc 3:21

A 'a jun 'el, yic mantzac 'och Juan 'a preso, 'ix ya'n bautisar jan̈tcn̈ej eb' 'anma xlaj c'och 'a 'a. 'Ix ya'n pax bautisar win Jesús. Ax yic wan sleslwi Jesús cha, 'ix jacw satcha'an̈.

Ez 10:20

Atn eb' querubín tic wiljnac 'a stz'ey qui Diosalec an̈ israel on̈c tic yic 'ayn 'ec' 'a sti a niwn a Quebar. Ata xwojquej can 'el eb', chajtlto querubín eb'.

Ez 10:15

Xlajw cha, 'ix q'ue wan eb' querubín cha, atn eb' wiljnac 'a sti a niwn a Quebar.

Apoc 4:1

Xlajw cha, xwilni, 'ay jun puerta jacn 'a satcha'an̈. A jun 'ix aln 'ayn 'a b'ab'el, atn jun lajn sjaj yet' trompeta, a 'ix aln 'emt pax 'ayn 'ixtic: —Q'uen̈ta 'a tic. A 'aych 'oj in ch'ox jun tzo'n̈ tas tot 'oj jawoc, xchi 'ayin.

Jn 1:51

'Ix yaln pax Jesús 'ixtc 'a eb' 'ayc' yet' cha: —Wal yel tzwal 'ayex, 'oj eyila', jacn satcha'an̈. Ax eb' yángel Dios, 'ay eb' tz'eml 'a in tz'ey, 'ay eb' tzpaxx q'ue'i, yujto 'Ochnc in 'Anma'il, xchi Jesús 'a eb'.

Ez 43:3

A jun xwil cha, lajn wal yilx 'icha jun wiljnac yic wul ya'nc Dios lajwc 'el chon̈b' Jerusalén, 'icha pax jun wiljnac 'a sti a niwn a Quebar. Cojn wal yic xwiln cha, in 'em n̈ojnjoc 'a sat lu'um.

Ez 8:3

A jun 'icha 'anma cha, 'ix ya' cot sc'ab' 'a in jolom, 'ix stzucn chan̈ xil in jolm cha. Ax Yespíritu Dios in t'un̈n cha'an̈, in yi'n 'at 'a Jerusalén yic tzch'oxn wil tas 'ay ta'. A 'a yojl 'och sti spuertail yatut Dios, jun 'ay 'a sti 'amc' 'a stojlal norte, ata 'ay yet'l jun comn dios tzuntzn cot yowl sc'ojl Jehová.

Ez 3:23

Xlajw cha, in q'ue wa'an, in c'och 'a lum 'a'lic cha, axta xwil stzictznil Jehová 'icha xwutj wiln 'a sti a Quebar, in 'em n̈ojnjoc 'a sat lu'um, xin quiln 'ejm in sat.

Is 1:1

An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

2 Co 12:1

Nab'a tzwixtj in b'a waln in b'a wach'il. Yel xo wach' tzwalb't 'ayx yuj jun tzo'n̈ 'icha waychil wiljnac, yet' jun tzo'n̈ xo tas ch'oxb'il 'ayn yuj Cajlilec.

Mr 1:10

Xlajwn̈ej sq'ue paxt 'a yojl a', 'ix yiln sjacw satcha'an̈, 'ix 'eml Yespíritu Dios 'a yib'n̈ 'icha junc no parama.

Jl 2:28

A yic 'oj jawc jun slajb' tiempoal, 'oj wa'ch Wespíritu 'a smasnil 'anma'. Ax eb' 'unnab'il yet' eb' 'islab'il 'oj alnc 'el in paxti'. A eb' 'ichmtac 'anma', 'oj in paxtin 'a eb' 'a swayich, ax eb' quelmtac, 'oj in ch'ox jun tzo'n̈ tas 'a eb', 'a 'icha waychil.

Os 12:10

An tic, in paxtin 'a eb' in checab'. 'Ix wa'n niwtjoc tas xyil eb' 'a 'icha waychil. A eb' xwac' alnc 'el in cuynb'il 'a ch'oxnb'ilal.

Ez 3:15

A yic in c'och 'a chon̈b' Tel-abib, 'a 'aj cajn eb' wit israelal 'icha preso yaj 'a sti a niwn a Quebar, in 'em wocn yet' eb' 'aj wocn 'ejm cha, uque c'u in can yet' eb' ta', ton̈j sat in c'ojl 'a scal eb'.

Nm 4:3

Tz'el yich 'a eb' 30 ab'il sq'uinal, tzc'och 'a eb' 50 ab'il. A eb' tic smoj ya'w servil 'a in Mantiado 'aj tzin chaj in b'a eyet'oc.

Ex 24:10

Ata xyil eb' israel chi sDiosal. Caw tzictzni yilx 'aj te'n 'ejm yoc, lajn yilx 'icha q'uen zafiro, caw yaxt'ujnac yilx 'icha satcha'an̈.

Gn 46:2

A 'a yic jun 'ac'wl cha, waychil xpaxtin Dios yet'oc, xyaln 'ixtic: Jacob, xchi. Xta'w win 'a 'a: —Waj 'a tic Mamin, xchi.

A Tas Sc'ulejnac Eb' Schecab' Jesús Hechos 10:3

Ax 'a jun 'el, 'a yic am a las tres, 'icha to waychil x'aj yilni. 'Ay jun yángel Dios 'ix 'och 'a yol jun cuarto 'aj 'ayc' winac. 'Ix yaln jun ángel chi 'a win 'ixtic: —Cornelio, xchi.

Mt 17:9

Yic wan yempaxt eb' 'a jun tzaln cha, 'ix yaln Jesús 'ixtc 'a eb': —'Ayt 'aj xeyal jun xeyil tic. At yic 'oj in pitzw pax An 'Ochnc in 'Anmal tic 'a scal eb' chamnac, atta 'oj eyal-li, xchi 'a eb'.

Ez 10:22

Lajn wal yilx sat eb' chi yet' eb' wiljnac yic 'ayn 'ec' 'a sti a niwn a Quebar. Junjn eb', tojln̈ej yajb't q'ueln eb' 'a yojltac yic tzb'ey eb'.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Lc 3:23

'Ayxm junc 30 ab'il xo Jesús, 'ix syamn 'och smunljel 'a yic Dios. A Jesús cha, yunnal José snan eb' 'anma'. 'Ixtc yaj jay macn̈ stzol-l smam yichm José cha. Elí, Matat, Leví, Melqui, Jana, José, Matatías, Amós, Nahum, Esli, Nagai, Mahat, Matatías, Semei, José, Joiada, Johanán, Resa, Zorobabel, Salatiel, Neri, Melqui, Adi, Cosam, Elmodam, Er, Josué, Eliezer, Jorim, Matat, Leví, Simeón, Judá, José, Jonán, Eliaquim, Melea, Mainán, Matata, Natán, David, Isaí, Obed, Booz, Salmón, Naasón, Aminadab, Aram, Esrom, Fares, Judá, Jacob, Isaac, Abraham, Taré, Nahor, Serug, Ragau, Peleg, Heber, Sala, Cainán, Arfaxad, Sem, Noé, Lamec, Matusalén, Enoc, Jared, Mahalaleel, Cainán, Enós, Set, Adán. Ax Adán, atn yunnal Dios.

Is 6:1

A 'a jun ab'il 'aj chamnc win rey Uzías, ata sch'ox sb'a Cajlil 'ayin. Wocn 'ejm 'a sdespacho 'a caw cha'an̈, ax yol yatut b'ut'jnac 'el yuj sti spichul.

Salmos 137:1

A 'a sti eb' a niwc a yic Babilonia, ata on̈ 'emc wocn coq'ui, yic xqui nanec cot Jerusalén.

Jeremías 29:15

Ax tic tzeyala: 'Ayx eb' schecb' Jehová 'a qui calc 'a Babilonia tic, xe chi.

Ez 10:1

Ax xwilni, a 'a yib'n̈ jun 'icha samq'uen pachn q'ue 'a yib'n̈ sjolm eb' querubín cha, ata 'ix checlj chan̈ jun 'icha yilx junc despacho, lajn wal yilx 'icha q'uen zafiro.

Ez 10:10

Lajnn̈ej yaj jun tzo'n̈ setet chi sb'o'i. A junjn setet cha, cha'chb' yaji, colcnb'a yaj eb'.