Ex 9:15 - Chuj San Sebastian Bible

¹⁵ Toto tzyal in c'ojol, tztac' in ch'oxn in poder 'ayach, tzwa'ch yailal 'a eb'an̈, yet' 'a yib'n̈ smasnil 'anma 'a jun nacion̈ tic, tztac' tzex in satl 'a sat lum lum tic.

Chuj San Mateo Bible

¹⁵ Tato syal in c'ool, tzin ch'ox vipalil d'ayach, svac'anoch yaelal d'a ib'an̈ yed' d'a yib'an̈ masanil eb' anima d'a a macb'en tic. Syal tzex in satel d'a yolyib'an̈q'uinal tic.

Ex 9:15 Referans Kwoze

Ex 3:20

Yuj cha, 'oj in ch'ox in poder, 'oj wac' yailal to satjub'tac yilx 'a yib'n̈ jun nacion̈ cha, 'ixta 'oj wutoc, sec 'oj ex yac' 'elt win rey chi 'a libre.

Pr 2:22

Ax eb' tu sb'eyb'al, yet' eb' 'ixtm 'anma', 'oj 'ijxoc 'el eb' 'a sat lum lum tic, 'icha tzyac' junc te te tzto'x q'ueta.

A Ch'an̈ B'ab'el Libro Yic Yab'ixal Eb' Rey 13:34

'Ixta wal 'ajnc yoch smul win Jeroboam yet' smasnil eb' yin̈til, yuj wal cha, satx 'el eb' 'a sat lum lum tic.

Ex 14:28

'Ixta 'ix 'aj a schan can pax sb'a, 'icha xon yaji. 'Ix mucchj can 'ejm scaruaje ewinac, ewin 'et'jnac e no chej yet' smasnil eb' soldado win rey cha, atn eb' xcob' 'och tza'n yuj eb' israel cha; c'uxn 'ix 'atcn eb' 'a yojl a', man̈x 'a junc eb' xcani.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Ex 9:6

Ax 'a junx c'u cha, 'ix ya'n cot Jehová jun yab'il chi 'a yib'an̈ no cajb'en noc' cha. Til wal no scajb'en noc' eb' 'aj Egipto chi xchami; ax pax no yic eb' israel, may junc no yic eb' chi xchami.

Ex 9:3

'oj cot wowal, ax wa'n cot syab'il e cajb'en noc' ax 'aj Egipto ex tic. 'Oj cham smasnil no chej, no wacax, no cameyo, no b'uru, no calnelu yet' no chiwo.

Ex 9:14

A 'a yic jun tiempoal tic, 'oj wa' cot jun tzo'n̈ yailal 'a eb'an̈, 'a yib'n̈ eb' 'aych yajlil et'oc, yet' 'a yib'n̈ smasnil 'anma'. A yuj jun yailal cha, ax ojcan 'eli, to may junc xo mach tztac' slajb'tzan sb'a wet' 'a yolyib'n̈q'uinal.

A Ch'an̈ Schab'il Libro Yic Yab'ixal Eb' Rey 17:36

Palta a 'ayn Jehová e Diosal in, a 'ayn tzeyal e b'a, yujto an ex wij 'elt 'a Egipto yet' in niwquil poder. Cojxn̈ej 'ayn tzex 'och 'emmquilal, tzeya'n e xajmb'al.

A Ch'an̈ Schab'l Libro Samuel 7:23

A pax a chon̈b' Israel tic, may junc xo chon̈b' lajn yet'oc, caw cojn jun nacion̈ tic a coljnac 'el 'a sat lum tic 'a yol sc'ab' eb' 'ajc'ojol, yuj yochcn a chon̈b'oc. Caw satjub'tac tas xa b'o yuj eb' a chon̈ab', yic 'ix e'n 'elt 'a Egipto; 'ix e'n 'el pax jun tzo'n̈ nacion̈ yet' sdiosal 'a yojltac eb'. Yuj cha, caw wal tzb'inax 'a b'i yuj eb' 'anma',

A Ch'an̈ Schab'il Libro Yic Yab'ixal Eb' Rey 19:35

A 'a yic jun 'ac'wl cha, 'ix xit' jun yángel Jehová smil cham 185 mil eb' soldado asirio 'a scamplamento, ax yic sacb' 'el 'a junx c'u, chamnc xo eb' soldado chi smasnil.