Ex 6:4 - Chuj San Sebastian Bible

⁴ 'Ix in b'o jun in trato yet' eb', xwac' in ti wa'n lum Canaán 'a eb', lum 'aj 'e'nc eb' 'a pecti'.

Chuj San Mateo Bible

⁴ In b'onac in trato yed' eb' vin̈, vac'annac in ti' vac'an lum Canaán d'a eb' vin̈, aton lum b'aj ec'lejnac cajan eb' vin̈.

Ex 6:4 Referans Kwoze

Gn 28:4

'Oj ya'cn smasnil yaxilal 'ayach yet' 'a smasnil eb' en̈til, atn jun yaxilal 'a 'aj xya'cn Dios sti ya'n 'a a mam 'ichm Abraham, sec wach' 'oj 'och lum lum tic eco'oc, lum 'ajtil ton̈j cajn on̈ 'ec' tic, yujto caw a Jehová, a 'ix altn lum 'a a mam 'ichm cha, xchi Isaac.

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

Gn 26:3

A ticnec, wach' ajcn 'a jun lum tic. 'Aynn̈ej 'ec' et'oc, ax wa'n pax in yaxilal 'ayach. A smasnil jun lum tic, 'oj wac' 'ayach, yet' 'a smasnil en̈til, sec tz'el'ch smasnil tas waljnac can 'a a mam, atn Abraham.

A Tas Sc'ulejnac Eb' Schecab' Jesús Hechos 7:5

Palta may jac lum lum xyac' Dios yico'oc 'a tic. May xon jab'oc x'ajx 'a 'a. Palta 'ix ya'cn Dios sti 'a 'a. 'Ix yaln can 'ixtic: To 'oj wac' jun a lu'um. Ax yic 'oj a chami, 'oj can jun a lum chi yico'oc eb' en̈til, xchi Dios 'a 'a. Mant 'a xon junc yunnal Abraham, yic xyaln can Dios jun chi 'a 'a.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Salmos 105:12

Jaywn̈ej wal nant sb'isl eb' qui mam quichmec, yic yaln can cha, ton̈j nant 'e'lb'a yec' eb' 'a sat lum lum tic.

A Ch'an̈ Schab'l Libro Samuel 23:5

'Ixtnta pax 'oj yutc Dios ya'n swach'c'ojlal 'a yib'n̈ eb' win̈til, 'ix sb'o jun strato wet' 'a jun 'ejmn̈ej, tojl yaj smasnil tas yu'uj, caw wach' yaji. A tz'a'n wac' ganar smasnil, a tz'a'n 'el'chc pax smasnil tas tzin nib'ej.

Gn 28:13

Xyiln paxi to a Jehová lin̈n 'ec' 'a stz'ey, xyaln 'a 'ixtic: An ton tic Jehová in, sDiosal in a mam 'ichm Abraham, yet' a mam, atn Isaac. A 'ayach, yet' 'a smasnil eb' en̈til, ata 'oj wac' lum lum tic 'aj teln ach 'ec' tic.

Gn 23:4

—Toxn̈ej am chuc chon̈b'al waj 'a e cal tic, comnoc tz'el 'a e c'ojl e chon̈n wal jac e lum 'ayin, sec ata tzin muc sniwnal 'ix wistzil, xchi 'a ewinac.

Gn 17:4

—Yaj jun in trato tic 'oj wac' et'oc: To niwn nacion̈ 'oj och smam 'ichmoc.

Gn 15:13

Xlajw cha, xyaln Jehová 'a 'ixtic: —Yowlal tzojquej 'eli to a eb' en̈til, chuc chon̈b'al 'aj 'oj c'och cajn eb', mosoal 'oj 'ajch eb', man̈ yico'oc sb'a eb'. Chan̈e ciente ab'il 'oj 'ixtxoc eb' si'mb'il.

Gn 6:18

Palta tzin b'ocn jun in trato et'oc. A 'a yojl te barco cha, ata 'oj 'och eb' onnal yet' yistzil, yet' 'ix estzil ach tic.

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 26:4

Caw 'oj wac' niwtjoc sb'isl eb' en̈tl 'icha c'anal 'a satcha'an̈, ax wa'n jun lum tic 'ayach. An̈jtona', yujn̈ej eb' en̈tl cha, ax schan smasnil nacion̈ in yaxilal.

Nm 10:29

'Ay jun c'u 'ix yal Moisés 'ixtc 'a jun sb'alch ajun yet'oc, atn Hobab yunnal Raguel win 'aj Madián: —An̈ tic on̈, tzon̈ 'at 'a jun lugar 'aj xyac' Jehová sti ya'n 'ayn̈ on̈. Con̈ quet' on̈, wach' 'oj ach cutc 'ach quilni, yujto 'ix yac' Jehová sti on̈ sya'iln an̈ israel on̈ tic, xchi.

Ex 6:8

'Oj ex wi't 'a sat lum lum 'aj wa'jnac in ti wa'n 'a Abraham, 'a Isaac, yet' 'a Jacob. An Jehová in tic, an 'oj wac' lum 'ayex, to caw eyic 'oj 'aj lu'um, xchi Jehová, xa chi 'a eb', xchi Dios.

Ex 13:4

A jun 'uj 'aj on̈ 'eltec 'a Egipto tic, Abib sb'i.

Ex 13:5

Atn 'a jun 'uj tic, 'aj tzqui nac cot jun q'uin̈ tic, yic tox on̈ c'ochc yuj Jehová 'a lum lum caw 'ay syaxil, lum 'ajtil cajn eb' cananeo, eb' hitita, eb' amorreo, eb' heveo, yet' eb' jebuseo. Atn lum yaljnac can Jehová 'a eb' qui mam quichmec, to a 'ayn̈ec tzyac' jun lum cha.

Salmos 105:11

yic yaln can 'ixtic: 'Oj wac' lum Canaán 'ayex, a lum 'oj 'och e macloc, xchi.