Ex 6:14 - Chuj San Sebastian Bible

¹⁴ Atn stzol-l eb' yajl yaj 'a junjn macn̈il eb' israel tic: Rubén, win sb'ab'l 'unnal Israel, eb' yunnal winac, atn eb' tic: Hanoc, Falú, Hezrón yet' Carmi; a eb' tic yajl yaj 'a scal eb' yin̈tl Rubén cha.

Chuj San Mateo Bible

¹⁴ Aton sb'i eb' yajal d'a junjun macan̈il eb' yin̈tilal Israel d'a stzolal: A vin̈aj Rubén sb'ab'el yuninal vin̈aj Israel. Axo eb' yuninal vin̈, aton eb' tic: Vin̈aj Hanoc, vin̈aj Falú, vin̈aj Ezrón yed' vin̈aj Carmi. Aton eb' tic yajal yaj d'a scal junjun macan̈ yin̈tilal vin̈aj Rubén chi'.

Ex 6:14 Referans Kwoze

1 Cr 8:6

A eb' yunnal Ahod: atn Naamán, Ahías yet' Gera. A eb' tic, yajl yaj eb' 'a yib'n̈ eb' yican cajn 'ec' 'a Geba. 'Ix 'ijx 'at eb' 'a Manahat yuj Gera smam Uza yet' Ahihud.

1 Cr 7:7

Ax eb' yunnal Bela, own̈ sb'ey eb': atn Ezbón, Uzi, Uziel, Jerimot yet' Iri. Smasnil jun tzo'n̈ eb' cha, yajl yaj eb' 'a junjn c'aj eb' yin̈til, caw jeln pax eb' ya'n owal. A tzyal jantc 'ix 'aj sb'isx 'el yin̈tl eb' 'a smasnil, 'ay 22,034 soldado.

1 Cr 7:2

A eb' yunnal Tola: atn Uzi, Refaías, Jeriel, Jahmai, Jibsam yet' Samuel. A eb' cha, yajl yaj eb' 'a eb' yin̈tl Tola. A jun tzo'n̈ eb' 'anma cha, caw wal jeln eb' ya'n owal. A 'a yol stiempoal David, a sb'isl smasnil eb' yin̈tl eb', 'ix q'ue'ch 'a 22,600.

1 Cr 5:24

A eb' yajl yaj 'a scal eb': atn Efer, Isi, Eliel, Azriel, Jeremías, Hodavías yet' Jahdiel. Smasnil jun tzo'n̈ soldado cha, caw te'n eb', b'inab'il eb', yajl yaj eb' 'a eb' yican.

Josué 19:51

Smasnil jun tzo'n̈ lum tic, 'ix pojx 'ec' 'a eb' israel yuj Eleazar, yuj Josué yet' yuj ewin syajlil eb' chon̈ab'. A yic spojn 'ec' eb' lu'um, ton̈j xya'ch ewin suerte 'a yib'n̈ lum 'a yojltac Jehová, 'a yamq'uil Mantiado 'aj tzqui chaj qui b'a yet' Dios 'a chon̈b' Silo. 'Ixta x'aj spojx can 'ec' lum lum cha. Caw tz'acn x'e'ch lum 'a eb'.

Josué 14:1

A nan̈l slajn̈c'ajil eb' yin̈tl Israel mantzac schaj slu'um, 'ix schaj eb' slum chi 'a lum Canaán, lum xpojx can 'ec' yuj win Eleazar ya'mal 'och sti eb' 'anma 'a Dios, yet' Josué yunnal Nun, yet' eb' yajl yaj 'a junjn c'aj eb' yin̈tl Israel. Ton̈j xya'ch eb' suerte 'a yib'n̈ lu'um yic xpojx 'ec' can lum 'a eb', 'icha wal yaj yaln can Jehová 'a Moisés.

Josué 13:23

Ax a Jordán, a a x'och smon̈jonalc slum eb' yin̈tl Rubén, a tzyal jayc'aj eb' 'a yin̈tl cha, 'ixta smacl lum eb' x'ajxi, yet' pax jun tzo'n̈ chon̈b' x'ajx 'a eb' yet' yaldeail.

Josué 13:15

Ya'jnac can Moisés slum eb' yin̈tl Rubén, a tzyal jayc'aj eb' 'a yin̈tl cha.

Ex 6:25

A Eleazar yunnal Aarón, 'ix yij sb'a yet' 'ix yisl win Futiel, atn snun Finees, a eb' tic yajl yaj 'a junjn macn̈ eb' yin̈tl Leví.

Ex 6:13

Yuj cha, 'ix schecn 'at Jehová Moisés yet' Aarón paxtinc 'a eb' yit israelal, yet' 'a win sreyl Egipto cha. Alb'ilx 'a eb', to yowlal a eb' tz'i'n 'elt eb' yit chon̈b' chi 'a Egipto cha.

Nm 26:12

Eb' yunnal Simeón, atn eb' tic tzb'inax 'a eb' yin̈til: Nemuel, Jamín, Jaquín, Zera yet' Saúl.